Éxodo 3:21 - Bible in Tzotzil de Chenalhó with Deuterocanon

²¹ Jech noxtoc li egiptoetique ta xcac' ayinuc slequil yo'ntonic ta stojol li achi'iltaque, yu'un jech mu jeche'uc smeyoj sc'obic ti c'alal chaloq'uic tale.

Bible in Tzotzil de Chamula

²¹ Ja' jech xtoc ta jpas ta stojolic ti ta x'ayan slequil yo'ntonic ti egipcioetic ta stojol ti israeletique yo' jech mu jeche'uc no'ox ameyoj avoc ac'obic ti c'alal ta xaloq'uic batele.

Éxodo 3:21 Iomraidhean Croise

Génesis 15:14

Pero li vu'une ta to xcac'be stoj smulic ec li cristianoetic tsmozoinvanique. Ts'acal chcolic loq'uel tal li amomnich'nabtaque, ep xa sc'ulejalic chloq'uic tal.

Génesis 39:21

Pero li Muc'ul Diose te ono'ox xchi'inoj li Josee; lec la xc'uxubin. Jech lec i'ilat yu'un li banquilal jchabichuquinabe.

1 Reyes 8:50

Pasbo me perdón li smul staojic ta atojole xchi'uc li stoyobbailic ta atojole. Ac'o c'otuc ta pasel ti chlic c'uxubinaticuc yu'un li boch'otic ichucatic batel yu'une.

Nehemías 1:11

Muc'ul Dios, ta jc'anbot vocol ti ac'o ava'ibun jc'op ti li' chajc'opanot, vu'un li avajtunelune, xchi'uc ac'o ava'ibe sc'op li avajtuneltac li' chasc'opanicote, ti tsc'an chayich'icot ta muq'ue. Ta jc'anbot vocol ti lec c'usi ac'o c'otuc ta pasel ta jtojol, vu'un li avajtunelune, xchi'uc ti ac'o c'uxucun ta yo'nton li ajvalile. Yu'un vu'un j'ac'ya'lel ts'usubun yu'un”, xcut li Diose.

Salmos 105:37

Ts'acal lic sloq'ues batel li steclumale; ep c'anal taq'uin, saquil taq'uin yich'ojic loq'uel. Scotol li jaychop sts'unubal Israele lec tsotsic scotolic.

Salmos 106:46

C'alal ta yajcontraic la stijbe yo'nton, yu'un jech ac'o c'uxubinaticuc yu'un noxtoc.

Éxodo 11:2

Li' ta orae albo ya'yic scotol achi'iltac c'alal ta vinic ta antsetic ti ac'o sc'anbeic batel c'usitic pasbil ta c'anal taq'uin, ta saquil taq'uin li egiptoetic ti te nopol nacal xchi'uquique —xut.

Éxodo 11:3

Li Muc'ul Diose laj yac' ti ac'o lecubuc yo'nton egiptoetic ta stojol li israeletique. Jech noxtoc li xchi'iltac ta abtel faraone xchi'uc scotol li egiptoetique laj yilic ti tsots yabtel yich'oj li Moisese.

Éxodo 12:35

Jech la spasic jech chac c'u cha'al albilic yu'un li Moisese. La sc'anbeic batel li c'usitic pasbilic ta c'anal taq'uin, ta saquil taq'uin, xchi'uc li c'u'iletic yu'un egiptoetique.

Éxodo 12:36

Li Muc'ul Diose la stijbe yo'nton li egiptoetique, jech ta slequil yo'ntonic laj yaq'uic batel scotol c'usitic la sc'anic li israeletique, ja' jech la yich'beic o batel sc'ulejalic li egiptoetique.

Proverbios 16:7

C'alal me lec chil Muc'ul Dios c'usitic tspas li cristianoe, c'alal ta yajcontra xu' tslecubtasbe yo'nton.

Hechos 7:10

La scolta ta sventa svocol. La xc'uxubin, laj yac'be lec sbijil, jech lec i'ilat yu'un li faraón ajvalil ta Egiptoe. Ja' yu'un itic'at ta ajvalilal ta sventa scotol Egipto banamil, xchi'uc i'ac'bat sventain scotol c'usitic oy yu'un ta sna li faraone.

Deuteronomio 15:13

C'alal me laj xa avalbeic ti ac'o coluc batele, mu me jeche'uc xva'vun batel avu'unic.