Éxodo 3:20 - Bible in Tzotzil de Chenalhó with Deuterocanon

²⁰ Ja' yu'un vu'un ta xcac' ta ilel jvu'el jtsatsal. Li Egiptoetique ta xcac'be stojic ta sventa li sq'uelubiltac jtsatsal ta jpas ta stojolique: ja' to jech chayac'oxuc loq'uel tal li faraone.

Bible in Tzotzil de Chamula

²⁰ Ac'o mi jech un, ja' no'ox un, ta xcac'be yil ti jmuc'ul jtsatsale. Ta xcac'be yil ti ch'ayal ta xc'ot yo'ntonic ti jujuti' xa mu ta xchamic o ti egipcioetic ti c'usi ta jpas ta slumalique. Mi laj taj une, ja' to jech xu' ta xac' loc'anic batel ti faraone.

Éxodo 3:20 Iomraidhean Croise

Génesis 15:14

Pero li vu'une ta to xcac'be stoj smulic ec li cristianoetic tsmozoinvanique. Ts'acal chcolic loq'uel tal li amomnich'nabtaque, ep xa sc'ulejalic chloq'uic tal.

Nehemías 9:10

Laj avac' ta ilel muc'tic sq'uelubil atsatsal ta stojol li Faraone xchi'uc li xchi'iltac ta abtele xchi'uc scotol li egiptoetique, yu'un laj avil ti toj abul sbaic ta uts'intael yu'unic li israeletique. Ja' jech laj avac' muq'uibuc batel ac'oplal jech chac c'u cha'al li' ta orae.

Salmos 105:27

Laj yac'be spasic sq'uelubiltac stsatsal; muc'tic sq'uelubil laj yaq'uic ta ilel te ta Cam banamil.

Salmos 105:38

C'alal iloq'uic batele, xcuxet no'ox yo'nton li egiptoetique, yu'un toj ep xi'elal cha'yic.

Salmos 106:22

ti la spas ep xch'ayubil o'ntonal te ta Cam banamile, xchi'uc ti toj labal sba c'usi la spas ta Tsajal Nabe.

Éxodo 11:1

Li Muc'ul Diose jech laj yalbe li Moisese: —Ta to xcac' tal yan vocol ta stojol li faraone xchi'uc ta scotol li egiptoetique. C'alal me ic'ot ta pasel le'e, te xa ta scoltaoxuc o batel li faraone. Ja' xa stuc ta stacoxuc loq'uel.

Éxodo 12:39

Ta sventa ti iloq'uesvanic ta anil li egiptoetique jech mu'yuc xa c'usi laj yutic la smeltsan sve'elic ta anil li israeletique. Ja' lic spasic ta pan li vots'bil arina yich'ojic tal ta Egipto ti mu'yuc yich'oj svolesubil xch'ute, yu'un mu'yuc to'ox pajuben.

Éxodo 13:3

Li Moisese jech lic yalbe li xchi'iltac ta israelale: “Na'ic me ti tsots sc'oplal li jun c'ac'al li'i. Mu me xave'ic pan ti yich'oj svolesubil xch'ute, yu'un ja' sc'ac'alil la sloq'uesoxuc tal ta Egipto ta svu'el stsatsal li Muc'ul Dios ti bu to'ox tiq'uiloxuc ta mozoile.

Éxodo 13:9

Ja' yu'un tsc'an chcom senyail ta ac'obic, o ta ati'baic ya'yel, yu'un jech cht'ab ta avo'ntonic ti tsc'an ja' chalo'iltaic o li mantaletic yu'un Muc'ul Diose. Yu'un ja' la sloq'uesutic tal ta smuc'ul stsatsal te ta Egipto banamil.

Éxodo 15:11

Muc'ul Dios, me junuc yan dios mu xco'laj jech chac c'u cha'al vo'ot. Mu'yuc boch'o yan toj muc', toj tuc' jech chac c'u cha'al li vo'ote. Yu'un toj labalic sba, toj xi'balic sba li c'usitic chapase. Lec snup o ti ep chavich' q'uejintabel alequilale.

Éxodo 15:6

Muc'ul Dios, ta stsatsal svu'el abats'ic'ob laj alilin li avajcontrataque.

Éxodo 4:21

Li Muc'ul Diose jech laj yalbe li Moisese: —C'alal chac'ot ta Egiptoe, xc'ot apas scotol ta stojol faraón li sq'uelubiltac jtsatsal chacac'bot apase. Yu'un li vu'une ta jtsatsubtasbe yo'nton li faraone, jech mu xac' loc'uc batel li achi'iltaque.

Éxodo 6:1

Itac'ov li Muc'ul Diose: —Tana chavil c'usi ta jpas ta stojol li faraone. Yu'un me tsots c'usi ta jpasbee, ja' to jech xu' ch-ac'van loq'uel li' ta slumale. Stuc xa chlic yal ti ac'o loc'anic batele —xi.

Éxodo 6:6

Ja' yu'un bat albeic achi'iltaquic ti vu'un Muc'ul Diosun ta jpoj loq'uel ta mozoil xchi'uc ta sventa li tsatsal abtel ac'bilic yu'un egiptoetique. Ta xcac' ta ilel c'u x'elan li jvu'ele; ta jcoltaic o loq'uel ta sventa li jtsatsal jvu'el ta jpas ta stojolique.

Éxodo 9:15

Li vu'une xu' cu'un chacac'bot avil jvu'el, xu' cu'un chacac'bot atoj amul xchi'uc scotol achi'iltac ti jechuc ta jc'ane, jech ta x'ul o ats'unubal li' ta banamil ti jechuque.

Isaías 19:22

Li Muc'ul Diose ep tsyayijes li egiptoetique, pero ts'acal chlic xpoxta, jech chlic suticuc tal ta stojol li Muc'ul Diose. Ja' yu'un li Muc'ul Diose chlic c'uxubajuc ta yo'nton, chlic xpoxta.

Isaías 26:11

Muc'ul Dios, ac'o me aye'oj xa ac'ob, pero mu xilic. C'alal chilic ti ep c'ux ta avo'nton li ateclumale, q'uexlal cha'yic, it'ix yo'ntonic. Ja' lec ti oyuc c'uxi lajicuc ta c'oc' li avajcontrataque.

Ezequiel 20:33

Jamal chacalboxuc, vu'un li Muc'ul Diosun ti cuxulun oe, ta xlic jventainoxuc lec ta jvu'el, ta jtsatsal, xchi'uc ta sc'ac'al co'nton.

Miqueas 7:15

Ac'bo yilic sq'uelubiltac atsatsal, jech chac c'u cha'al laj apasbe c'alal laloq'ues tal ta Egiptoe.

Hechos 7:36

Ja' la sloq'ues tal ta Egipto li jmoltotactic ta vo'onee. La spas ep sq'uelubil stsatsal Dios te ta Egipto banamil xchi'uc ta Tsajal Nab xchi'uc ta xocol banamil cha'vinic (40) jabil.

Deuteronomio 4:34

¿Me oy jech yan Dios la st'uj jun lum ta scotol yantic lumetic, xchi'uc ti la spas tsots senyailtac, xchi'uc sq'uelubiltac, xchi'uc muc'tic pleitoetique? Jac'o ava'yic me oy bu ivinaj tsots svu'el, xchi'uc me oy c'usi tsots la spas ti xi'balic sba jech chac c'u cha'al la spas ta atojolic te ta Egipto li Muc'ul Dios cu'untique.

Deuteronomio 6:22

Li vu'uncutique laj quilcutic li muc'tic sq'uelubiltac stsatsal, xchi'uc ti xi'balic sba senyail la spas Muc'ul Dios te ta Egipto ta stojol li faraone xchi'uc li xchi'iltac te ta snae.

Jueces 6:8

li Muc'ul Diose la stacbe tal jun j'alc'op, jech laj yal: “Jech chal li Muc'ul Diose, ja' li Dios yu'un Israele: ‘Vu'un la jloq'uesoxuc tal ta Egipto banamil yo' bu tiq'uiloxuc to'ox ta mozoile.

Jueces 8:16

Jech li Gedeone la stsac li ch'ixetic liquem ta xocol banamile; ja' laj yac'be o stoj smulic li banquilaletic te ta Sucote.