Éxodo 3:2 - Bible in Tzotzil de Chenalhó with Deuterocanon

² Te laj yac' sba ta ilel yaj'almantal Muc'ul Dios ta o'lol yat c'oc' te ta jpets ch'ix. Li Moisese la sq'uel lec; ja' to laj yil ti yu'un tsanem li jpets ch'ixe, pero mu'yuc chc'ac'.

Bible in Tzotzil de Chamula

² Ti bu taje, laj yac' sba iluc jun yaj'ánjel ti Dios ta jpets ch'ix te' ti volol ta o'lol leb c'oc' yilele. Jech ti Moisese laj stuc'ulan lec. Laj yil ti natic no'ox sleb c'oc' ta xtil ta ch'ix te'e. Ja' no'ox un, mu'yuc ta xc'ac'.

Éxodo 3:2 Iomraidhean Croise

Génesis 21:17

Li Diose laj ya'ay ti ta x'oc' li quereme, jech ic'opanat tal ta vinajel yu'un yaj'almantal Dios li Agare. Jech i'albat: “¿C'usi apas, Agar? Mu xaxi', yu'un li Diose laj ya'ay ti ta x'oc' li querem yo' bu oye.

Génesis 22:11

ta ora ic'opoj tal ta vinajel yaj'almantal Muc'ul Dios. Jech i'albat: —Abraham, Abraham —x'utat. —Li' oyune —xi itac'ov li Abrahame.

Génesis 48:16

xchi'uc ti ja' la scoltaun ta sventa li c'usitic chopole, ac'o yac'be bendición li chib queremetic li'i. Ac'o ja'uc ta sventaic ti te chich' na'ilanel o jbie, xchi'uc sbi li jmoltot Abrahame, xchi'uc sbi li jtot Isaaque. Xchi'uc ac'o boluc ep xnich'nabic; ac'o epajuc sts'unubalic ta banamil”, xi.

Salmos 66:12

Laj xa avac' cajiuc ta jbacutic li cristianoetique; laj avac' jelovcuncutic ta vo', xchi'uc ta c'oc', pero ta slajeb c'op laj aloq'uesuncutic.

Éxodo 19:18

Li vitse iloc' ep xch'ayilal yu'un iyal tal ta c'oc' li Muc'ul Diose. Li xch'ayilale xco'laj xchi'uc xch'ayilal tocalte'. Li vitse tsots inic.

Éxodo 23:20

“A'yo ava'yic, ta jtac tal ta atojolic caj'almantal, yu'un ja' chaxchi'inoxuc batel ta be; ja' chayic'oxuc batel ti bu chapanbil avavilic cu'une.

Éxodo 24:17

Te ta mero toyol jolvits laj yilbeic xojobal Muc'ul Dios scotol li israeletique. Xco'laj xchi'uc c'oc' laj yilic ti chchic'vane.

Éxodo 3:16

Batan, bat tsobo scotol li banquilaletic yu'un achi'iltaque, jech xavalbe: ‘Li Muc'ul Diose, ja' li Dios yu'un jmoltotic ta vo'onee, ja' li Dios yu'un Abraham, Isaac, xchi'uc Jacobe, laj yac' sba ta ilel ta jtojol. Laj yalbun ti oy ta yo'nton tsc'an chascoltaoxuque, yu'un laj yil li c'usi chapasbatic li' ta Egiptoe.

Isaías 43:2

C'alal chatuch' jelovel muc'tic nabe, te chajchi'inot; c'alal chatuch' jelovel uc'umetique, mu xaxcuchot batel; c'alal chajelov ta o'lol coq'ue, mu'yuc chac'ac'; mu xaxchic'ot li yat c'oq'ue.

Isaías 63:9

Scotol li svocolic to'oxe ja' la svocolin stuc scotol; ja' stuc ital scolta, muc yanuc boch'o la stac tal. Ta sventa slequil yutsil yo'nton la scolta, laj yic' tal, la stoy liquel; ja' jech la spasilanbe o scotol ora.

Daniel 3:27

Scotol li j'abteletic ta sjunul banamil te oyique te inopajic batel ta stojol li viniquetique, yu'un tsq'uelic c'u x'elan. Me jutuc mu'yuc c'usi ipasbatic yu'un li c'oq'ue, me jutuc mu'yuc bu c'aq'uem jbejuc stsotsil sjolic, me jutuc mu'yuc c'usi spasoj li sc'u'ique, me jutuc mu'yuc xcuchoj yic' ch'ayil.

Zacarías 13:7

Jech chal li Muc'ul Dios ti tspas ta mantal scotol te ta vinajele: “Espada, lican, bat ac'bo ya'ay li jchabichij cu'une; bat contraino li vinic ti co'ol cabtel jchi'uque. Bat milo li jchabichije, te ac'o spuc sbaic batel li chijetique. Vu'un ta jcontrain, ta xcac' jc'ob ta stojol li ch'ium chijetique.

Malaquías 3:1

Li Muc'ul Dios ti tspas ta mantal scotol te ta vinajele jech chal: “A'yo ava'yic, ta jtac batel j'almantal cu'un, ja' chbat sjambun jbe. Jech ta ora no'ox ta xtal ochuc ta xch'ulna li Ajvalil chasa'ique. Chvul xa ta loq'uel li boch'o tacbil tal sventa chtal yal c'usi chapanbil ono'ox, ti chac'anic ac'o taluque. Le' xa nopol xtale”, xi.

Marcos 12:26

Ti jech mu'yuc ach'unojic ta xcha'cuxiic animaetique, ¿me yu'un mu'yuc aq'uelojic ta svun Moisés ti bu chal ti c'alal ic'opanat yu'un Dios te ta jtec' biq'uit ch'ixe? Jech i'albat yu'un li Diose: ‘Vu'un Diosun yu'un Abraham, Diosun yu'un Isaac, Diosun yu'un Jacob’, x'utat.

San Lucas 20:37

Ta sventa ti ja' melel ta xcha'cuxiic animaetique, lec xvinaj ta sventa c'usi i'albat yu'un Dios li Moisés ta jtec' biq'uit ch'ixe. Jech i'albat: ‘Vu'un Diosun yu'un Abraham, Diosun yu'un Isaac, Diosun yu'un Jacob’, x'utat.

San Juan 1:14

Li C'ope la spas sba ta cristiano. La xchi'inuncutic ta naclej. Laj quilbecutic slequilal yutsilal, ja' slequilal yutsilal li jun no'ox Xnich'on Diose.

Romanos 8:3

Yu'un oy c'usi muc xvu' ta sventa li mantaletic ta scoj ti mu'yuc stsatsal li jbec'taltique, ja' yu'un la stac tal Xnich'on li Diose. Laj yac'be yich' sbec'tal jech chac c'u cha'al li jbec'taltic ti snainoj mulile, yu'un jech ac'o scontrain li mulile. Jech ta sventa sbec'tal ivu' yu'un laj yac' batel ta lajel li mulile.

Deuteronomio 33:16

xchi'uc li c'usitic ven lequic sat ti tsnojes li banamile, xchi'uc slequil yo'nton li boch'o te ivinaj ta jpets biq'uit ch'ixe. Scotol le'e ac'o taluc ta stojol li Josee, ti ja' t'ujbil ta stojol scotol li sbanquiltaque.

Deuteronomio 4:20

Li Muc'ul Diose ja' la sloq'uesoxuc tal ti c'alal te to'ox tiq'uiloxuc ta yut li horno sventa yunijesbil stsatsal taq'uine, ja' li Egiptoe. Ja' li' laj yac'oxuc yo' bu oyoxuc li' ta orae, yu'un jech yu'unoxuc lac'otic o.

2 Tesalonicenses 1:7

Vo'oxuc ti chavich'ic vocol li' ta orae, co'ol ta jcux co'ntontic c'alal chyal tal ta vinajel li Cajvaltic Jesucristoe xchi'uc li yaj'almantaltac ti ech'em svu'elique.

Jueces 13:13

Itac'ov: —Ja' tsc'an ac'o spas scotol c'usi calojbe xa li avajnile.