Éxodo 3:18 - Bible in Tzotzil de Chenalhó with Deuterocanon

¹⁸ Li banquilaletique ta xich'ot ta muc'. Jech te chaxchi'inicot batel c'alal chabat ta stojol li ajvalil ta Egiptoe. Jech xc'ot avalbeic: ‘Li Muc'ul Dios cu'uncutic, vu'uncutic li hebreouncutique, talem snupuncutic ta be. Ja' yu'un coltauncutic to batel yu'un chibatcutic ta xocol banamil, yu'un te chbat cac'becutic smoton li Muc'ul Dios cu'uncutique; ja' oxib c'ac'al li sbelale’, utic c'otel.

Bible in Tzotzil de Chamula

¹⁸ Ti moletique ta xich'ic ta muc' ti ac'ope. Ja' yu'un un, ti vo'ote xchi'uc ti stuquique xi xavalbeic ya'i ti ajvalil yu'un Egipto c'alal chbat aq'uelique: “Ti Ajvalil Dios yu'unic ti hebreoetique, tal sa'uncutic. Ja' yu'un un, ac'o ave ati' ti ta xibatcutic ta sbajtical banomil ti oy oxibuc c'ac'al ti sbelele yo' chbat cac'becutic smoton ti Ajvalil ti ja' Dios cu'uncutique.”

Éxodo 3:18 Iomraidhean Croise

Génesis 12:1

Ta yan c'ac'al jech i'albat yu'un Muc'ul Dios li Abrame: “Comtsano avosil, avuts' avalaltac, xchi'uc sna atot, yu'un chabat te ta banamil yo' bu chacac'bot avile.

Génesis 14:13

Pero oy jun vinic icol to batel; ja' bat yalbe ya'ay ta ora Abram ja' li hebreo vinic te nacal ta toyolal tulantic yu'un Mamree, ja' li amorreo vinique. Li Mamree ja' xchi'iltac ta voq'uel li Escol xchi'uc li Anere. Li viniquetic le'e ja' co'ol tscolta sbaic ta pleito xchi'uc li Abrame.

Génesis 15:1

Ts'acal to, li Muc'ul Diose la sc'opan ta xvayech li Abrame, jech laj yalbe: —Mu xaxi' Abram. Vu'un jchabivanejun avu'un. Li amotone toj ep chata —xut.

Génesis 17:1

C'alal yich'oj xa'ox balunlajuneb yo'vinic (99) jabil li Abrame, li Muc'ul Diose laj yac' sba ta ilel ta stojol yan velta. Jech laj yalbe: —Vu'un Diosun ti scotol xu' cu'une. Tuc'uc me avo'nton ta jtojol. Mu me c'usi chopol xapas.

Génesis 48:3

Jech laj yalbe li Josee: —Li Dios ti ech'em stsatsale laj yac' sba ta ilel ta jtojol te ta Canaán banamil ta jun lum, Luz sbi. Te laj yac'bun bendición. Jech laj yalbun:

2 Crónicas 30:12

Li Diose la stijbe yo'ntonic ec li judaetique yu'un jech junuc yo'ntonic ac'o xch'unbeic smantal li ajvalile xchi'uc li banquilaletique, jech chac c'u cha'al yaloj mantal li Muc'ul Diose.

Salmos 110:3

Li avinictaque yutsil yo'nton chac' sbaic ta ac'ob ti c'alal yorail chvinaj ch-abtej li avu'ele. Ja' jech chtalic ta atojol jech chac c'u cha'al li job osil chyal ta po'ot saque; ja' jech chtalic ta atojol li querem soldadoetic avu'une.

Éxodo 10:3

Jech li Moisés xchi'uc Aarone ibatic ta stojol li faraone. Jech laj yalbeic: —Jech chayalbot li Muc'ul Diose, ja' li Dios yu'un hebreoetique: ‘¿Baq'uin to chabic'tajes aba ta jtojol? Coltabun batel li jteclum cu'une yu'un chbat yich'icun ta muc'.

Éxodo 17:5

Itac'ov li Muc'ul Diose: —Jelovan batel ta ba'yucbe, ic'o batel achi'in jayibuc li banquilaletic yu'un achi'iltaque. Batan, ich'o batel noxtoc li anamte' ti laj amaj o uc'um Niloe.

Éxodo 19:1

Li israeletique te ic'otic ta vits Sinaí te ta xocol banamil ta yoxibal u sloq'uelic tal ta Egipto.

Éxodo 25:22

Te ta toyol ta o'lol yu'unic li chib sloc'obal querubinetique ja' te ta jc'opan jbatic; te chacalbot mantaletic sventa chavalbe li achi'iltaque.

Éxodo 3:12

Itac'ov li Diose: —Vu'un chajchi'inot. Li' chacalbot c'usi senyail ti vu'un chajtacot batele: c'alal loq'uem xa tal avu'un li jteclumale, acotolic li' chvul avich'icun ta muc' li' ta vitse —xi.

Éxodo 3:16

Batan, bat tsobo scotol li banquilaletic yu'un achi'iltaque, jech xavalbe: ‘Li Muc'ul Diose, ja' li Dios yu'un jmoltotic ta vo'onee, ja' li Dios yu'un Abraham, Isaac, xchi'uc Jacobe, laj yac' sba ta ilel ta jtojol. Laj yalbun ti oy ta yo'nton tsc'an chascoltaoxuque, yu'un laj yil li c'usi chapasbatic li' ta Egiptoe.

Éxodo 30:36

Juch'o c'uuc yepal; lec chamen xajuch'. Te xavac' ta nopol xcaxail jmantal ta ch'ulna pasbil ta nucul. Ja' no'ox stuc bats'i lequil ch'ul pom chcom te ta atojolic.

Éxodo 30:6

Ts'acal te xbat avac' ta yeloval li poc' yo' bu tiq'uil xcaxail jmantale, ja' ti bu chataun ta c'opanele.

Éxodo 4:1

Li Moisese jech la stac'be li Muc'ul Diose: —Pero mu xiyich'icun ta muc'; mu xch'unic li c'usi chcale. Xu' ja' no'ox jech chiyalbicun: ‘Mu'yuc laj yac' sba ta ilel ta atojol li Muc'ul Diose’, xu' xiyuticun —xi li Moisese.

Éxodo 4:23

Laj xa calbot ti ac'o aloq'ues batel li jnich'one, yu'un chbat yich'icun ta muc'. Pero ta sventa ti mu xavac' loc'uc batele, ta jmilbot li sba anich'nabe, xayutot li Muc'ul Diose’, uto —xi li Muc'ul Diose.

Éxodo 4:24

C'alal te xa'ox oyic batel ta be xchi'uc yajnil xnich'nab li Moisese, te ital nupatuc ta be yu'un Muc'ul Dios yo' bu chvayique yu'un ta xa'ox xmilat.

Éxodo 4:31

C'alal laj ya'yic sjunul jteclum ti chich'ic coltael yu'un Muc'ul Diose, xchi'uc ti i'ilbat xa c'u x'elan li xc'uxul svocolique, toj lec ic'ot ta yo'ntonic. Jech te la squejan sbaic, laj yich'ic ta muc' li Muc'ul Diose.

Éxodo 5:1

Ja' yu'un li Moisés xchi'uc Aarone bat sc'opanic li faraone. Jech c'ot yalbeic: —Jech ta xal li Muc'ul Diose, ja' li Dios yu'un Israele: ‘Coltabun batel li jteclumale yu'un chbat spasic jun q'uin te ta xocol banamil sventa chiyich'icun ta muc'’, xi —xutic c'otel.

Éxodo 5:3

Li stuquique jech laj yalbeic: —Li Dios cu'uncutic, vu'uncutic li israeluncutique, talem snupuncutic ta be. Jech te chibatcutic ta xocol banamil, ja' oxib c'ac'al sbelal, yu'un te chbat jmilbecutic smoton li Muc'ul Dios cu'uncutique. Yu'un jech mu xismiluncutic ta tsatsal chamel, o me ta espada —xutic.

Éxodo 7:16

Jech xc'ot avalbe: ‘Li Muc'ul Diose, ja' li Dios yu'un hebreoetique, la stacun tal yu'un jech tal calbot ava'ay: Loq'ueso batel li jteclum cu'une, yu'un chbat yich'icun ta muc' ta xocol banamil, xayutot. Pero mu xac'an xach'un o.

Éxodo 8:1

li Muc'ul Diose jech laj yalbe li Moisese: —Batan ta stojol li faraone. Jech xc'ot avalbe: ‘Jech chayalbot li Muc'ul Diose: Coltao batel li jteclum cu'une yu'un chbat yich'icun ta muc'.

Éxodo 8:20

Li Muc'ul Diose jech laj yalbe li Moisese: —Li faraone sob ta xbat ta uc'um oc'om. Li vo'ote sob xalic; te xabat ec. Jech xc'ot avalbe: ‘Jech yaloj li Muc'ul Diose: Coltao batel li jteclum cu'une yu'un chbat yich'icun ta muc'.

Éxodo 8:23

Li jteclum cu'une ta jvoc' comel. Ja' no'ox chich'ic vocol li achi'iltaque. Oc'om no'ox xu' chc'ot ta pasel jech’, uto —x'utat li Moisés.

Éxodo 9:1

Li Muc'ul Diose jech laj yalbe noxtoc li Moisese: —Batan ta stojol li faraone. Jech xavalbe: ‘Jech chayalbot li Muc'ul Diose, ja' li Dios yu'un hebreoetique: Coltao batel li jteclum cu'une yu'un chbat yich'icun ta muc'.

Éxodo 9:13

Li Muc'ul Diose jech laj yalbe li Moisese: —Oc'ome sob xalic. Batan ta stojol li faraone. Jech xc'ot avalbe: ‘Jech chayalbot li Muc'ul Diose, ja' li Dios yu'un hebreoetique: Coltabun batel li jteclum cu'une yu'un chbat yich'icun ta muc'.

Isaías 64:5

Li vo'ote chloc' anup ta be li boch'o xcuxet no'ox yo'nton tspasic c'usi tuq'ue, ti tsvules ta yo'ntonic c'usi oy ta avo'nton atuque. Ta melel ilinemot ta jtojolcutic, yu'un scotol c'ac'al la jsa' jmulcutic ta atojol. ¿Me yu'un xu' to chicolcutic ti jech la jpascutique?

Jeremías 2:2

“Batan, bat c'opano li lum Jerusalene; tsots xac'opan yu'un jech ac'o ya'ay lec, jech xavalbe: ‘Jech chayalbot li Muc'ul Diose: Ta to jna' c'u x'elan ti c'alal tsebot to'oxe, lec to'ox tuc' avo'nton ta jtojol. C'alal laj to'ox quic'ote, lec to'ox ac'anojun; te xana'pnun batel cu'un ta xocol banamil yo' bu mu'yuc c'usi xch'ie, xayutot’, uto.

Jeremías 2:6

Mu'yuc la sna'icun jutuc, mu'yuc jech laj yalic: ‘¿Bu oy li Muc'ul Dios ti la sloq'uesutic tal ta Egiptoe, ti laj yic'utic tal ta xocol banamil yo' bu mu'yuc c'usi x'ayin tee, ti mu'yuc boch'o naquiem, ti toj taq'uin, ti mu'yuc boch'o xu' chcuxi, xchi'uc ti mu boch'o sc'an xjelov ta xanubal tee?’, mu'yuc bu xiic.

Jeremías 26:5

xchi'uc me mu xavich'beic o ta muc' sc'op li j'alc'opetic cu'un ti te ono'ox la jtaquilan o tal ta atojolic ti muc ono'ox xavich'ic ta muq'ue,

Números 17:4

Te xavac' scotol ta yut ch'ulna ta stuq'uil xcaxail li jmantal, yo' bu chajtaoxuc ono'oxe.

Josué 1:17

Persa ta jch'uncutic amantal jech chac c'u cha'al calojbecutic ono'ox li Moisese. Ja' no'ox ta jc'ancutic ti ac'o xchi'inot Muc'ul Dios buyuc no'ox chabat jech chac c'u cha'al chi'inbil yu'un Muc'ul Dios li Moisese.