Éxodo 3:17 - Bible in Tzotzil de Chenalhó with Deuterocanon

¹⁷ Xchi'uc laj yalbun ti chascoltaoxuc loq'uel ta sventa li xc'uxul avocolic li' ta Egiptoe, yu'un chayic'oxuc batel ta banamil yo' bu nacalic li canaanetique, li hetetique, li amorretique, li ferezetique, li hevetique, xchi'uc li jebusetique. Ja' li jun banamil ti bu ta xloc' ep ya'lel xchu' vacax xchi'uc pom jech chac c'u cha'al chloc' vo'e’, uto.

Bible in Tzotzil de Chamula

¹⁷ Ja' jech xtoc laj yalbun ti ta xasloq'uesoxuc batele. Ta xaspojoxuc loq'uel ti jech mu x'ech' avocolic li' ta Egiptoe. Ta xayic'oxuc batel ta jteclum ti bu nacalic ti cananeoetique, ti hititaetique, ti amorreoetique, ti ferezeoetique, ti heveoetique, ti jebuseoetique, ta banomil ti bu co'ol s'elan vo' ta xbein ti chu' vacaxe, ti ajapome.”

Éxodo 3:17 Iomraidhean Croise

Génesis 46:4

Li' ta orae vu'un ta jchi'inot batel ti c'alal chabat ta Egiptoe, xchi'uc vu'un ta xlic quic' sutel tal li amomnich'nabe. Jech noxtoc c'alal chachame, ja' te chasq'uelot li anich'on Josee —x'utat.

Génesis 50:24

Ta yan c'ac'al li Josee jech laj yalbe li xchi'iltaque: “Li vu'une jutuc xa sc'an sta yorail chicham, pero li Diose ja' chtal scoltaoxuc. Chavilbeic ono'ox svu'el ta ts'acal. Ja' chayic'oxuc loq'uel li' ta banamile. Chbat yac'oxuc te ta banamil ti bu yalojbe ono'ox jmoltotic ta vo'one chac'bee, ja' li Abrahame, li Isaaque, xchi'uc li Jacobe”, xi.

Génesis 50:25

Li Josee laj yalbe sbanquiltac ti ac'o yalic ta stojol Dios me tspasic li c'usi chalbee. Jech laj yalbe: “Li Diose ta melel ta ono'ox xtal scoltaoxuc. Chavilbeic ono'ox svu'el ta ts'acal. C'alal me ic'ot ta pasele, albicun ca'ay ta stojol Dios ti chavich'bicun loq'uel li' ta Egipto li jbaquile”, xut.

1 Crónicas 1:15

hevetic, aracetic, sinetic,

Salmos 102:21

Yu'un jech ac'o pucuc te ta lum Sión slequilal li Muc'ul Diose, xchi'uc ac'o albatuc slequilal te ta Jerusalén.

Éxodo 13:5

Ja' tsc'an ja' jech u chapasic jujun q'uin c'alal me laj xa'ox yic'oxuc ochel te ta banamil li Muc'ul Diose, ja' ti bu ta xloc' ep ya'lel xchu' vacax xchi'uc pom jech chac c'u cha'al chloc' vo'e. Ja' li yosilal canaanetic, hetetic, amorretic, hevetic, xchi'uc jebusetic, ti albil ono'ox jmoltotic ta vo'one cha'ac'batique.

Éxodo 32:34

Ja' lec batan xa; ic'o batel li achi'iltac yo' bu calojbote. Ja' ta stojobtasot batel li j'almantal cu'une. C'alal tsta yoraile, vu'un chcac'be stojol li smulique —xi.

Éxodo 33:3

Batanic te ta banamil ti bu ta xloc' ep ya'lel xchu' vacax xchi'uc pom jech chac c'u cha'al chloc' vo'e. Li vu'une mu'yuc chajchi'inoxuc batel yu'un naca me te xculesoxuc ta be, yu'un ven jtoyba cristianooxuc —xut.

Éxodo 6:6

Ja' yu'un bat albeic achi'iltaquic ti vu'un Muc'ul Diosun ta jpoj loq'uel ta mozoil xchi'uc ta sventa li tsatsal abtel ac'bilic yu'un egiptoetique. Ta xcac' ta ilel c'u x'elan li jvu'ele; ta jcoltaic o loq'uel ta sventa li jtsatsal jvu'el ta jpas ta stojolique.

Jeremías 11:5

Yu'un jech j'ech'el chc'ot o ta pasel c'usi laj cal ta jamal ta stojol li amoltot ayame'ique; ja' ti j'ech'el chcac'beic o li banamil ti bu ta xloc' ep ya'lel xchu' vacax xchi'uc pome, ja' li banamil ti li' xa avich'ojic ta orae’, uto”, xiyutun li Muc'ul Diose. Jech la jtac'be: “Jechuc, Muc'ul Dios”, xcut.

Jeremías 32:22

Ja' laj avac'beic li banamil li'i, ja' ti avalojbe ono'ox ta jamal jmoltot jyame'cutic ta vo'one ti ja' chavac'be oe, ja' li banamil ti lec xloc' ya'lel xchu' vacax xchi'uc spom muc'ta pome.

Ezequiel 20:6

Ja'o yorail te laj calbeic ta jamal ti ta jloq'uesic tal ta Egipto banamile, ti ta xquiq'uic batel ta banamil ti bu jt'ujojbeique, ja' li jun banamil ti bu chloc' ep ya'lel chu' vacax xchi'uc pome, ti stuc no'ox toj c'upil sba ta scotole.

Levítico 20:24

Ja' yu'un laj calboxuc ti vo'oxuc chavich'beic li yosilalique. Vu'un jtuc chacac'boxuc ta ac'obic li banamil le'e; ja' ti bu ta xloc' ep ya'lel xchu' vacax xchi'uc pom jech chac c'u cha'al chloc' vo'e. “Vu'un Muc'ul Diosun avu'unic ti la jt'ujoxuc loq'uel ta stojol yantic lumetique.

Números 13:27

Jech laj yalbeic li Moisese: —Ay xa jq'uelcutic tal c'u x'elan li osil yo' bu laj atacuncutic batele. Ta melel ja' jun banamil ti ep ta xloc' ya'lel xchu' vacax xchi'uc pom jech chac c'u cha'al chloc' vo'e. Li sat c'usitic te ch'iemique, ja' jech chac c'u cha'al li'i.

Deuteronomio 26:9

Laj avic'uncutic tal li' to c'alale, laj avac'bun quich'cutic li banamil ti bu chloc' ep ya'lel xchu' vacax xchi'uc pom jech chac c'u cha'al chloc' vo'e.

Deuteronomio 6:3

Ja' yu'un jchi'iltac, israeletic, pasilanic me batel scotol. Jech lec chabatic, xchi'uc jech xu' chac'otic ta jun muc'ul lum te ta banamil ti bu chloc' ya'lel xchu' vacax, xchi'uc pom jech chac c'u cha'al chloc' vo'e. Yu'un jech ono'ox albilic yu'un Muc'ul Dios li jmoltot jyame'tic ta vo'onee.

Josué 24:11

Jech lajelovic tal ta jot uc'um Jordán; lac'otic c'alal ta Jericó. Pero li boch'otic te nacajtic ta Jericoe la scontrainoxuc. Jech noxtoc la scontrainoxuc li amorretic, ferezetic, canaanetic, hetetic, gergesetic, hevetic xchi'uc jebusetique. Pero vu'un laj cac'boxuc ta ac'obic.

Josué 5:6

Ta sventa ti cha'vinic (40) jabil ixanovic tal ta xocol banamil li israeletique, jech ichamic xa scotol li boch'otic xu' xa'ox yu'unic pleito c'alal iloq'uic tal ta Egiptoe. Yu'un la sbajbeic smantal li Muc'ul Diose, ja' yu'un li Diose laj yal ta jamal ti mu'yuc ch-ochic o ta banamil ti bu yalojbe ono'ox smoltotic ta vo'one chac'bee; ja' li jun banamil ti bu ta xloc' ep ya'lel xchu' vacax, xchi'uc pom jech chac c'u cha'al ta xloc' vo'e.

Josué 9:1

Li ajvaliletic yu'un hetetic, amorretic, canaanetic, ferezetic, hevetic, xchi'uc jebusetique laj ya'yic li c'usi ic'ot ta pasele. (Li ajvaliletic le'e ja' te nacajtic ta smaleb c'ac'al yu'un li uc'um Jordán ta toyolaltic, ta vitsetic, ta stenlejaltic, xchi'uc ta scotol ti'ti' Nab Mediterráneo c'alal to ta yosilal Libanoe.)