Éxodo 3:16 - Bible in Tzotzil de Chenalhó with Deuterocanon

¹⁶ Batan, bat tsobo scotol li banquilaletic yu'un achi'iltaque, jech xavalbe: ‘Li Muc'ul Diose, ja' li Dios yu'un jmoltotic ta vo'onee, ja' li Dios yu'un Abraham, Isaac, xchi'uc Jacobe, laj yac' sba ta ilel ta jtojol. Laj yalbun ti oy ta yo'nton tsc'an chascoltaoxuque, yu'un laj yil li c'usi chapasbatic li' ta Egiptoe.

Bible in Tzotzil de Chamula

¹⁶ Batan, ba tsobo ti banquilaletic yu'un ti israeletique. Xi xavalbe ya'iique: “Ti Ajvalil Dios yu'unic ti amolmuc'totique, Dios yu'un ti Abrahame, ti Isaaque, ti Jacobe, laj yac' sba iluc ta jtojol ti laj yalbun laj xa sts'etan sni' xchiquin ta atojolique. Laj xa yil ti c'u s'elan ta xapasbatic yu'un ti egipcioetique.

Éxodo 3:16 Iomraidhean Croise

Génesis 1:7

Lic svoc' sba li nabe. J'o'lol itoy batel ta toyol; j'o'lol icom ti bu ono'ox oye. Jech ic'ot ta pasel.

Génesis 21:1

Li Muc'ul Diose muc xch'ay ta yo'nton c'usi yalojbe li Sarae. Jech ta persa laj yac' c'otuc ta pasel li c'usi yaloje.

Génesis 28:13

Jech noxtoc laj yil ti te va'al ta sts'el li Muc'ul Diose, jech i'albat: “Vu'un Muc'ul Diosun, vu'un Diosun yu'un amoltot Abraham xchi'uc li atot Isaaque. Li vo'ot xchi'uc amomnich'nabtaque, ta xcac'boxuc li banamil li' yo' bu mocholote.

Génesis 48:15

Li Israele lic sc'anbe bendición ta stojol li Josee. Jech laj yal: “Li Dios ti jun yo'nton laj yich'ic ta muc' li jmoltot Abraham xchi'uc li jtot Isaaque, xchi'uc ti ja' la xchabiun c'alal livoc', xchi'uc c'alal to tanae,

Génesis 50:24

Ta yan c'ac'al li Josee jech laj yalbe li xchi'iltaque: “Li vu'une jutuc xa sc'an sta yorail chicham, pero li Diose ja' chtal scoltaoxuc. Chavilbeic ono'ox svu'el ta ts'acal. Ja' chayic'oxuc loq'uel li' ta banamile. Chbat yac'oxuc te ta banamil ti bu yalojbe ono'ox jmoltotic ta vo'one chac'bee, ja' li Abrahame, li Isaaque, xchi'uc li Jacobe”, xi.

Salmos 102:21

Yu'un jech ac'o pucuc te ta lum Sión slequilal li Muc'ul Diose, xchi'uc ac'o albatuc slequilal te ta Jerusalén.

Salmos 33:18

Yan li Muc'ul Diose xu' yu'un tscolta li boch'otic yich'ojic ta muq'ue, ti ja' no'ox spatoj yo'ntonic o ta sventa ti c'anbilic yu'une.

Salmos 8:4

jech chcal ta co'nton: ¿C'usi stu li cristianoetic ti tsta ta na'ele? ¿C'usi xu' yu'un li cristiano ti tsots sc'oplal cha'ye?

Éxodo 1:8

Ts'acal i'och yan ajvalil ta Egipto; muc xa xotquin li Josee. Jech laj yalbe li egiptoetique:

Éxodo 13:19

Li Moisese la xcuchbeic loq'uel tal sbaquil li Josee. Yu'un li Josee laj ono'ox yalbe israeletic ti ac'o yalic ta jamal me tspasic jeche. Jech laj yalbe: “Ta melel, ta to sta yorail chtal sloq'uesoxuc batel li Diose; c'alal me ic'ot ta pasel jeche, xacuchbicun me batel li jbaquile”, xut ono'ox.

Éxodo 15:14

Li muc'tic lumetique toj ep ta xi'ic ti c'alal cha'yique; li filistaetique mu xa xcuch yu'un cha'yic li vocole.

Éxodo 17:5

Itac'ov li Muc'ul Diose: —Jelovan batel ta ba'yucbe, ic'o batel achi'in jayibuc li banquilaletic yu'un achi'iltaque. Batan, ich'o batel noxtoc li anamte' ti laj amaj o uc'um Niloe.

Éxodo 18:12

Li Jetroe la xchic'be jcot smoton li Diose yu'un laj yich' ta muc', xchi'uc laj yac' yantic matanaletic. Li Aarón xchi'uc banquilaletic yu'un israeletique te italic; co'ol la xchi'inic ta ve'el ta stojol Dios li smuni' Moisese.

Éxodo 2:25

I'ilatic yu'un Dios ti c'u x'elan svocolique, jech ituc'ulanatic.

Éxodo 24:11

Li banquilaletic yu'un israeletique laj yilic li Diose. Pero mu'yuc c'usi ipasbatic ti c'alal laj yilique. Jun no'ox yo'nton te ive'ic, te laj yuch'ic vo'.

Éxodo 3:2

Te laj yac' sba ta ilel yaj'almantal Muc'ul Dios ta o'lol yat c'oc' te ta jpets ch'ix. Li Moisese la sq'uel lec; ja' to laj yil ti yu'un tsanem li jpets ch'ixe, pero mu'yuc chc'ac'.

Éxodo 3:6

Jech laj yal noxtoc: —Vu'un Diosun yu'un li amoltotac ta vo'onee. Vu'un Diosun yu'un Abraham, Diosun yu'un Isaac, Diosun yu'un Jacob —xi. Li Moisese la smac sat yu'un ta xi' ta sq'uelel li Diose,

Éxodo 4:1

Li Moisese jech la stac'be li Muc'ul Diose: —Pero mu xiyich'icun ta muc'; mu xch'unic li c'usi chcale. Xu' ja' no'ox jech chiyalbicun: ‘Mu'yuc laj yac' sba ta ilel ta atojol li Muc'ul Diose’, xu' xiyuticun —xi li Moisese.

Éxodo 4:29

Jech te ibat xchibalic; bat stsobic li moletic yu'un israeletique.

Éxodo 4:31

C'alal laj ya'yic sjunul jteclum ti chich'ic coltael yu'un Muc'ul Diose, xchi'uc ti i'ilbat xa c'u x'elan li xc'uxul svocolique, toj lec ic'ot ta yo'ntonic. Jech te la squejan sbaic, laj yich'ic ta muc' li Muc'ul Diose.

Éxodo 4:5

—Le'e ja' sventa ac'o xch'unic ti laj yac' sba ta ilel ta atojol li Muc'ul Diose, ja' li Dios yu'un amoltotic ta vo'onee, ja' li Abrahame, li Isaaque, xchi'uc li Jacobe.

San Mateo 26:3

Li banquilal paleetique xchi'uc li banquilaletic ta lume la stsob sbaic ta sna li mero banquilal pale Caifase.

San Lucas 1:68

“Coliyal li Cajvaltic Diose, ja' li Dios yu'un Israele, yu'un tal xa sq'uelutic, tal xa scolta li steclumale.

San Lucas 19:44

Chasjinesot o yalel c'alal ta banamil. Te ta xchamic li jnaclumetic avu'une. Me jbejuc ton mu'yuc bu cajal chcom ta sba yac'ol yan ton ta scoj ti muc xavich' ta muc' li sc'ac'alil coltael ital ta atojole”, xi li Jesuse.

Hechos 11:30

Jech lic stsobic. C'alal itsob yu'unique, ja' laj yac'beic batel ta sc'ob li Bernabé xchi'uc Sauloe, yu'un ja' ac'o c'ot yac'beic li banquilal yu'un jch'unolajeletic ta Jerusalene.

Hechos 15:14

Li Simón Pedroe laj xa yalbutic ca'itic c'u x'elan lic ic'aticuc yu'un Dios li yanlum cristianoetic ti mu xotquinic Diose; laj xa ca'itic c'u x'elan la st'uj yu'un jech ac'o c'otuc ta steclumal.

Hechos 20:17

C'alal te oy ta lum Mileto li Pabloe, la stac ta iq'uel li jcholc'opetic yu'un jtsob jch'unolajeletic te ta lum Efesoe.

1 Pedro 2:12

Lecuc me c'usi chapasic ta stojol li boch'otic mu'yuc yich'ojic ta muc' Diose. Ac'o me chal ac'oplalic ti chopol c'usi chapasique, pero c'alal chilic ti lec c'usitic chapasique, chalbeic slequilal Dios ti c'alal chtal chapanvanuque.

1 Pedro 5:1

Vo'oxuc li jcholc'opoxuque, chacalboxuc c'usi lec ta pasel, yu'un co'ol oy cabteltic. Xchi'uc vu'un laj quil c'u x'elan laj yich' vocol li Cristoe, xchi'uc co'ol ta jchi'in ta slequilal c'alal me icha'sut tale.

Rut 1:6

Li Noemie laj ya'ay a'yej te ta Moab ti laj xa xc'uxubin xnich'nab te ta Belén li Muc'ul Diose; laj xa yac'be sve'elic.