Éxodo 3:15 - Bible in Tzotzil de Chenalhó with Deuterocanon

¹⁵ Li Diose jech laj yalbe noxtoc li Moisese: —Jech xavalbe noxtoc li achi'iltac ta israelale: ‘Li Muc'ul Diose, ja' li Dios yu'un jmoltotactic ta vo'onee, ja' li Dios yu'un Abraham, Isaac, xchi'uc Jacobe, ja' la stacun tal li' ta atojolique’, uto. Ja' Muc'ul Dios li jbie; mu xlaj sc'oplal o sbatel osil.

Bible in Tzotzil de Chamula

¹⁵ Ma'uc no'ox taje, yu'un ti Diose xi laj yalbe ti Moisese: —Xi xavalbe ya'iic ti israeletique: “Ti Ajvalil Dios yu'un ti amolmuc'totique, ja' ti Dios yu'un ti Abrahame, ti Isaaque, ti Jacobe, ja' laj stacun talel ta atojolic.” Ja' jech ojtiquinbilun ta xic'ot sbatel osil. Ja' jech albil o ti jc'oplale.

Éxodo 3:15 Iomraidhean Croise

Génesis 24:12

Te lic sc'opan Muc'ul Dios: “Muc'ul Dios, vo'ot Diosot yu'un li cajval Abrahame, coltaun. Ac'o lecuc batuc cu'un li c'usi tal jpase. Ac'o ta ilel slequil avo'nton ta stojol li cajvale.

1 Crónicas 16:16

Ja' li c'usi la xchapan xchi'uc Abrahame; ja' li c'usi laj yal ta jamal stuc ta stojol Isaaque.

1 Crónicas 29:18

Muc'ul Dios, vo'ot Diosot yu'un li Abraham, Isaac, xchi'uc Israele, ja' li jmoltotcutic ta vo'onee, ac'bo o jech slequil yo'ntonic li ateclumal li'i. Ja' no'ox ac'o yac' yo'ntonic o ta atojol.

2 Crónicas 28:9

Te oy jun j'alc'op yu'un Muc'ul Dios, Obed sbi. Iloc' snup ta be li soldadoetic c'alal ch-ochic xa'ox batel ta Samariae, jech laj yalbe: —Li Muc'ul Dios yu'un jmoltotactic ta vo'onee i'ilin ta stojol li Judae, jech laj yac' ta ac'obic. Pero li vo'oxuque laj amilic ta sc'ac'al avo'ntonic; ic'ot xa c'alal ta vinajel ti jech laj apasique.

Salmos 102:12

Pero li vo'ote, Muc'ul Dios, te oyot o sbatel osil; li abie mu xch'ay o ta alel ti jayc'ol cristianoetic chjelovic li' ta banamile.

Salmos 102:13

La' me, c'uxubino xa li lum Sione, yu'un ja' xa yorail chac'uxubin, yu'un its'aqui xa li sc'ac'alile.

Salmos 135:13

Muc'ul Dios, sbatel osil te oy o li abie; mu xach'ay o ta alel ti jayc'ol alab nich'nabetic chjelovic li' ta banamile.

Salmos 30:4

Q'uejintabeic slequilal Muc'ul Dios, vo'oxuc ti tuc' avo'ntonique; albeic slequilal li xch'ul bie.

Salmos 30:5

C'alal chlic sc'ac'al yo'ntone, jliquel no'ox; yan li slequil yo'ntone mu xlaj o sbatel osil. Me chcoc'ta jbatic ta ac'ubaltique, ta sacubel osile xcuxet xa'ox co'ntontic.

Salmos 68:5

Ja' li Dios ti nacal ta xch'ulnae; ja' stotic c'otem li boch'otic mu'yuc xa stot sme'ique; ja' Jc'opojel yu'unic li me'on antsetique.

Salmos 72:17

Sbatel osil te ac'o comuc o sbi li ajvalile; te ac'o oyuc o ti c'alal te to oy li c'ac'ale; ac'o staic bendición scotol banamiletic ta sventa. “Toj lec li ajvalile”, ac'o xiicuc scotol li cristianoetique.

Salmos 72:19

Ac'o ich'atuc ta muc' sbatel osil li xch'ul bie; ac'o nojuc ta slequilal scotol li banamile. Jech ac'o c'otuc ta pasel. Jechuc.

Éxodo 15:2

Ti chiq'uejine ja' ta sventa li Muc'ul Diose, yu'un ja' jtsatsal xchi'uc jcoltael c'otem. Ja' Dios cu'un, jech ta jq'uejintabe slequilal. Ja' Dios yu'un li jtote, jech tsc'an chcac' ta ich'el ta muc'.

Éxodo 15:3

Li Muc'ul Diose ja' muc'ta jpaspleito. Ja' Muc'ul Dios sbi.

Éxodo 3:13

Pero li Moisese jech laj yal: —Li c'usi vocol chca'ye ja' ti c'alal jech chc'ot calbe li jchi'iltaque: ‘Li Dios yu'un jmoltotic ta vo'onee, ja' la stacun tal li' ta atojolique’, me xcute, me jech chisjac'bicune: ‘¿C'usi sbi?’, me xiyuticune. ¿C'uxi ta jtac'be? —xi.

Éxodo 3:6

Jech laj yal noxtoc: —Vu'un Diosun yu'un li amoltotac ta vo'onee. Vu'un Diosun yu'un Abraham, Diosun yu'un Isaac, Diosun yu'un Jacob —xi. Li Moisese la smac sat yu'un ta xi' ta sq'uelel li Diose,

Éxodo 4:1

Li Moisese jech la stac'be li Muc'ul Diose: —Pero mu xiyich'icun ta muc'; mu xch'unic li c'usi chcale. Xu' ja' no'ox jech chiyalbicun: ‘Mu'yuc laj yac' sba ta ilel ta atojol li Muc'ul Diose’, xu' xiyuticun —xi li Moisese.

Éxodo 4:5

—Le'e ja' sventa ac'o xch'unic ti laj yac' sba ta ilel ta atojol li Muc'ul Diose, ja' li Dios yu'un amoltotic ta vo'onee, ja' li Abrahame, li Isaaque, xchi'uc li Jacobe.

Éxodo 6:2

Li Diose la sc'opan yan velta li Moisese, jech laj yalbe: —Vu'un li MUC'UL DIOSUNE,

Proverbios 18:10

Li Muc'ul Diose ja' jech chac c'u cha'al jun muc'ta ton va'al ti lec tsotse; ja' te chbat sa'ic coltael li boch'o tuc' yo'ntonique.

Isaías 26:8

Muc'ul Dios, ja' no'ox laj cac' ta co'nton li tuq'uibtasel avu'une; ja' no'ox oy ta co'nton o ta jna'ilanot li vo'ote.

Isaías 42:8

Vu'un li Muc'ul Dios jbie, mu xcac' boch'o yan chich' li jlequilal cutsilale; mu xcac' ja' chc'ot ta stojolic quich'el ta muc' li c'usitic loc'tabilic no'oxe.

Isaías 63:12

xchi'uc ti ta svu'el stsatsal la xchi'in ta yalel muyele, ti la svoc' li muc'ta nab ta stojol steclumal, yu'un jech ac'o yich' albel slequilal sbatel osile.

Isaías 9:6

Yu'un ivoc' jun querem ta jtojoltic; lij'ac'bat jun nich'onil. Ja' ac'bil tsots yabtel sventa tspas mantal; ja' jech sbi ch-ac'bat: Ech'em Yutsil, Jbijubtasvanej, Tsatsal Dios, Totil Sbatel Osil, J'ac'-Jun-O'ntonal, xi sbi chc'ot.

Jeremías 33:2

“Vu'un li Muc'ul Diosune, vu'un ti la jpas banamile, ti la jchapan lec, ti la jnacan lec ta snaclebe, jech chacalbot:

Daniel 2:23

Dios, vo'ot li Diosot yu'un jmoltot jyame'tac ta vo'onee, chajtojbot ta vocol, ta xcalbot alequilal, yu'un vo'ot laj avac'bun jbijil xchi'uc jtsatsal. Li' ta orae laj avac'bun quil li c'usi la jc'anbotcutique, yu'un laj xa avac'bun jna' li c'usi tsc'an tsna' li ajvalile”, xut li Diose.

Oseas 12:5

Ja' li Muc'ul Dios ti tspas ta mantal scotol te ta vinajele; Muc'ul Dios, xi li sbi ti otquinbil ta buyuc no'oxe.

Oseas 12:6

Israel, sutan tal ta stojol li Dios avu'une; ja' xapas li c'usi leque, li c'usi tuq'ue, ja' no'ox ch'uno o ti chascoltaot li Dios avu'une.

Miqueas 4:5

Ac'o me scotol cristianoetic ta yantic lum ja' chich'ic o ta muc' li diosetic yu'unique, pero li vu'utique sbatel osil ja' chquich'tic o ta muc' li Muc'ul Dios cu'untique.

Malaquías 3:6

“Vu'un li Muc'ul Diosune mu jna' jel o co'nton, ja' yu'un muc xaculesoxuc o vo'oxuc li smomnich'naboxuc Jacobe.

San Mateo 22:32

‘Vu'un Diosun yu'un Abraham, Diosun yu'un Isaac, Diosun yu'un Jacob’, xi li Diose. Li Diose mu ja'uc Dios yu'un li boch'otic chamenic oe; ja' Dios yu'un li boch'otic cuxulique —xi li Jesuse.

Hechos 3:13

Li Dios yu'un Abraham, yu'un Isaac, yu'un Jacobe, laj xa yac' ta ich'el ta muc' li Yajtunele, ja' li Jesuse. Ja' ti laj avaq'uic ta c'abal ta stojol Pilatoe. C'alal ta ox sc'an scolta li Pilatoe, li vo'oxuque muc xac'anic.

Hechos 7:32

‘Vu'un Diosun yu'un li amoltotac ta vo'onee, ja' li Abrahame, li Isaaque, xchi'uc li Jacobe’, xi. Li Moisese inic ta xi'el, jech muc xbat sq'uel o.

Deuteronomio 1:11

Li Muc'ul Diose, ja' li Dios yu'un jmoltotactic ta vo'onee, ac'o xa yac' bolanic jmil (1,000) velta jech chac c'u cha'al avepalic li' ta orae, xchi'uc ac'o xa yac'boxuc ep bendición jech chac c'u cha'al yaloj ono'ox chijyac'butique

Deuteronomio 1:35

‘Ta sventa ti toj chopol c'usi tsnopic li cristianoetic le'e, me junuc mu xu' ch-ochic ta lequil osil ti bu calojbe ono'ox smoltotic ta vo'one chcac'beique.

Deuteronomio 4:1

“Jchi'iltac israeletic, a'yo me ava'yic li mantaletic xchi'uc li c'usitic yan la jchanubtasoxuque. Pasilanic me scotol ora yu'un jech jun avo'nton chanaquiic, xchi'uc jech chavich'ic li avosilic ti yaloj ono'ox Muc'ul Dios chayac'boxuque, ja' li Dios yu'un jmoltotactic ta vo'onee.

Hebreos 11:16

Pero mu jechuc, yu'un ja' la sc'anic ti bu toj leque, ja' li vinajele. Ja' yu'un li Diose mu xq'uexov ti “vu'un Diosun yu'unic” xie, yu'un smeltsanoj xa li jun muc'ta lum bu chac' naquiicuque.

Hebreos 13:8

Li Jesucristoe mu sna' xjel o. Ja'o volje, ja'o li' ta ora; ja'o c'alal ta sbatel osil.