Éxodo 3:11 - Bible in Tzotzil de Chenalhó with Deuterocanon

¹¹ Pero li Moisese jech laj yalbe li Diose: —¿C'usi xu' cu'un ti vu'un chibat ta stojol faraón yu'un chbat jloq'ues tal ta Egipto li jchi'iltac ta israelale? —xi.

Bible in Tzotzil de Chamula

¹¹ Va'i un, ti Moisese xi laj yalbe ti Diose: —¿Buch'uun ya'yel ti vu'un chba jva'an jba ta stojol ti faraone, ti ta jloq'ues talel ta Egipto ti israeletique?

Éxodo 3:11 Iomraidhean Croise

2 Samuel 7:18

Li ajvalil Davide i'och batel, bat sc'opan li Muc'ul Diose, jech laj yalbe: “Cajval Dios, ¿c'usi xa'ox jvu'el? ¿C'usi xa'ox svu'el li cuts' calaltac ti laj avic'uncutic tal li' to c'alale?

1 Reyes 3:7

Muc'ul Dios, Dios cu'un, vo'ot laj avac' ochcun ta ajvalilal ta xq'uexol li Davide, ja' li jtote, ac'o me queremun to, ac'o me mu'yuc to quiloj c'uxi ta pasel.

1 Reyes 3:9

Ja' yu'un ac'bun jbijil yu'un jech xu' cu'un ta jventain lec li anich'nabe, xchi'uc jech xu' ta jna' bu lec, xchi'uc bu chopol. Yu'un mu'yuc boch'o xu' yu'un tsventain li anich'nabtac li'i ti bats'i epique”, xi li Salomone.

1 Crónicas 29:14

Mu'yuc c'usi oy cu'un jtuccutic jchi'uc jchi'iltac ti xu' jech ta yutsil co'ntoncutic chcac'cutic amotonine yu'un ja' avu'un scotol. Ja' no'ox chacac'botcutic ec li c'usi avac'ojbuncutique.

Éxodo 6:12

Li Moisese jech la stac'be li Muc'ul Diose: —Mu xiyich'bicun ta muc' c'usi laj calbeic li jchi'iltaque. ¿C'u x'elan xu' chiyich'bun ta muc' jc'op faraón ti vocol chloc' ta que c'usi chcale? —xut.

Jeremías 1:6

Jech la jtac'be: “Ay, Cajval, Muc'ul Dios, mu to jna' xilo'ilaj, yu'un queremun to”, xcut.

2 Corintios 2:16

Li boch'otic ch'ayel chbatique ja' xa sventa lajel chamel cha'yic ti c'alal cha'ibeic yiq'ue. Yan li boch'otic chcolique ja' xa sventa xcuxlejal cha'yic o ti c'alal cha'ibeic yiq'ue. Mu'yuc boch'o xu' yu'un spasel ta stuc no'ox jech chac le'e.

2 Corintios 3:5

Scotol li c'usi ta jpascutique ma'uc yu'un toj lec xu' cu'un jtucutic. Ja' Dios chiscoltauncutic ta spasel scotol.

Jueces 6:15

Itac'ov li Gedeone: —Ay Cajval, ¿c'u x'elan xu' ti vu'un ta jcolta li jchi'iltaque? Q'uelavil, li jchop jbicutic ti liquemuncutic ta Manasese, vu'uncutic toj me'onuncutic, xchi'uc vu'un its'inalun te ta jnacutic noxtoc —xut.

1 Samuel 18:18

Pero li Davide jech laj yal: —Li vu'une mu'yuc c'usi cabtel, me ja'uc ta stojol li yuts' yalaltac jtot te ta stojol israeletique. Mu'yuc c'usi jtu ti jech sni'un xa jun ajvalil chic'ote —xut.