Éxodo 3:10 - Bible in Tzotzil de Chenalhó with Deuterocanon

¹⁰ Ja' yu'un li' ta orae tamo batel abe. Vu'un ta jtacot batel ta stojol li faraone, yu'un chbat aloq'ues tal ta Egipto li jteclum cu'une, ja' li israeletique —x'utatic.

Bible in Tzotzil de Chamula

¹⁰ Jech o xal, tamo batel abe, yu'un ta jtacot batel ta stojol ti faraone yo' jech ta xaloq'ues talel ta Egipto ti calab jnich'nab israeletique.

Éxodo 3:10 Iomraidhean Croise

Génesis 15:13

Ja' yu'un jech i'albat yu'un li Muc'ul Diose: —Tsc'an chana' ti ta to xbat naquiicuc ta yan banamil li amomnich'nabtaque. Te ch-ochic ta mozoil, xchi'uc te ta xich'ic uts'intael chanib ciento (400) jabil.

Génesis 15:14

Pero li vu'une ta to xcac'be stoj smulic ec li cristianoetic tsmozoinvanique. Ts'acal chcolic loq'uel tal li amomnich'nabtaque, ep xa sc'ulejalic chloq'uic tal.

Salmos 105:26

Ja' yu'un li Diose lic stac batel li yajtunele, ja' li Moisese, xchi'uc li Aarón ti t'ujbil yu'une.

Salmos 77:20

Ta sventa Moisés xchi'uc Aarón laj achabi tal li jteclum avu'un ti ja' jechic jech chac c'u cha'al chijetique.

Éxodo 12:40

Li israeletique chanib ciento xchi'uc lajuneb xcha'vinic (430) jabil te inaquiic ta Egipto.

Éxodo 12:41

Li c'usi mero sc'ac'alil its'aqui li chanib ciento xchi'uc lajuneb xcha'vinic (430) jabile, ja'o iloq'uic tal ta Egipto scotol li jaychop yu'untac Muc'ul Diose.

Éxodo 33:12

Li Moisese jech laj yalbe li Muc'ul Diose: —Q'uelavil, laj avalbun ti vu'un ta xquic' batel li jchi'iltaque, pero mu'yuc xavalbun ca'ay boch'o chavac' jchi'in batel. Jech noxtoc avaloj ti apatoj avo'nton cu'une, xchi'uc ti lec chavilune.

Éxodo 33:13

Ja' yu'un me ta melel lec chavilune, albun ca'ay scotol li c'usitic chapanbil avu'une yu'un jech ta jpat co'nton ta atojol. Jech ta jna' ti lec chavilune. Na'o me ava'ay, li jchi'iltaque ja' ateclumal —xi li Moisese.

Éxodo 6:26

Li Aarón xchi'uc Moisese ja' ti jech i'albatique: “Bat loq'uesic tal ta Egipto li achi'iltac ta israelale. Lec jmoj cholol xabatic jech chac c'u cha'al jtsob soldadoetic”, ti x'utatique.

Oseas 12:13

Li Muc'ul Diose ta sventa jun j'alc'op la sloq'ues batel ta Egipto li israeletique, xchi'uc ta sventa jun j'alc'op la xchabi batel noxtoc.

Miqueas 6:4

Vu'un laj quic'ot loq'uel tal ta Egipto; vu'un la jpojot loq'uel ti bu abul aba ta mozoinele; vu'un la jtac batel ta atojolic li Moisés, li Aarón, xchi'uc li Mariae.

Hechos 7:34

Ta melel quiloj ti ep svocolic li jteclum cu'un te ta Egiptoe. Laj xa ca'ibe li yoq'uel yavanelique. Ja' yu'un liyal tal, tal jcolta. La' me, ta jtacot batel ta Egipto’, x'utat yu'un li Diose.

Hechos 7:36

Ja' la sloq'ues tal ta Egipto li jmoltotactic ta vo'onee. La spas ep sq'uelubil stsatsal Dios te ta Egipto banamil xchi'uc ta Tsajal Nab xchi'uc ta xocol banamil cha'vinic (40) jabil.

Hechos 7:6

I'albat yu'un Dios noxtoc ti ta to xbat naquiicuc ta yan banamil li smomnich'nabe, jech yanlum cristianoetic ta xc'otic. Te ta xich'ic mozoinel, te ta xich'ic uts'intael chanib ciento (400) jabil.

Hechos 7:7

Pero jech i'albat yu'un li Diose: ‘Vu'un ta xcac'be stoj li boch'otic ta smozoinvanique. Ts'acal to ta xquiq'uic loq'uel tal li amomnich'nabe; li' ta xvul tunicuc cu'un li' ta banamile’, x'utat.

Jueces 6:14

Li Muc'ul Diose la sq'uelbe lec sat li Gedeone, jech laj yalbe: —Bat tuneso li atsatsal cac'ojbote. Bat coltao loq'uel ta sc'ob madianetic li achi'iltac ta israelale. Vu'un jtuc chajtacot batel —xut.

1 Samuel 12:6

Li Samuele jech laj yalbe scotol li israeletique: —Li Muc'ul Diose ja' la sloq'ues tal ta Egipto banamil li jmoltot jyame'tic ta vo'one ta sventa li Moisés xchi'uc Aarone.

1 Samuel 12:8

C'alal ibatic ta Egipto li Jacob xchi'uc smomnich'nabtaque, te laj yich'ic mozoinel yu'un li egiptoetique. Jech li jmoltot jyame'tic ta vo'onee lic sc'anbeic vocol li Muc'ul Diose. Ja' yu'un li Muc'ul Diose ja' la stac batel li Moisés xchi'uc Aarone; ja' bat sloq'uesic tal ta mozoil ta Egipto banamil li jmoltot jyame'tic ta vo'onee, jech li' ivul naquiicuc ta banamile.