Éxodo 3:1 - Bible in Tzotzil de Chenalhó with Deuterocanon

¹ Li Moisese ja' chchabibe xchij li smuni' Jetroe, ja' li pale te ta Madiane. Ta yan c'ac'al laj yic' jelovel ta xocol banamil li chijetique; ic'ot c'alal to ta vits yu'un Dios, ja' li Horeb sbie.

Bible in Tzotzil de Chamula

¹ Ti Moisese och ta sq'uelbel xchij ti Jetro ti smuni'e, ja' pale yu'un ti Madiane. Oy jun c'ac'al, bat xchi'uc xchij ta sbajtical banomil. C'ot c'alal to ti bu oy ch'ul vits yu'un ti Dios ti Horeb sbie.

Éxodo 3:1 Iomraidhean Croise

1 Reyes 19:19

Li Eliase iloc' batel. Te la sta li Eliseo, xnich'on Safate; te ta sloc banamil xchi'uc lajcha'chop j'abtel vacaxetic. Li Eliseoe ja' xa smacoj batel ec li cha'cot j'abtel vacaxetic ta slajebe. Li Eliase te ibat yo' bu oy li Eliseoe; te la slambe comel ta yac'ol li sc'u'e.

1 Reyes 19:8

Te ilic ve'uc, laj yuch' vo' noxtoc. C'alal la sve' li ve'lile, la sta o lec stsatsal, jech ivu' yu'un ixanov batel cha'vinic (40) c'ac'al xchi'uc cha'vinic (40) ac'ubal c'alal to ic'ot ta Horeb, ja' li vits yu'un Diose.

Salmos 106:19

Te ta vits Horeb la spasbeic sloc'obal jcot biq'uit vacax; te lic squejan sbaic ta stojol li c'usi loc'tabil ta unijesbil taq'uine.

Éxodo 17:6

Te chajmalaot ta vits Horeb ta ba ch'en. Xc'ot amaj li ch'ene; te chloc' tal li vo'e, jech tsta yoxo' yuch'ic li achi'iltaque —x'utat li Moisese. Li Moisese te ta sat banquilaletic yu'un israeletic la smaj li ch'ene.

Éxodo 18:12

Li Jetroe la xchic'be jcot smoton li Diose yu'un laj yich' ta muc', xchi'uc laj yac' yantic matanaletic. Li Aarón xchi'uc banquilaletic yu'un israeletique te italic; co'ol la xchi'inic ta ve'el ta stojol Dios li smuni' Moisese.

Éxodo 19:11

ac'o xchapan sbaic lec sventa cha'ej. Yu'un cha'ej chiyal tal ta vits Sinaí ta sat scotol achi'iltac, vu'un li Muc'ul Diosune.

Éxodo 19:2

C'alal iloq'uic tal ta Refidime, te ivulic ta xocol banamil ta Sinaí. Te vul spas scarpanaic ta yeloval vits Sinaí.

Éxodo 19:3

Li Moisese imuy batel yo' bu oy li Dios te ta vits Sinaie. Te ic'opanat yalel tal yu'un li Muc'ul Diose. Jech i'albat: —Jech xavalbe ya'yic scotol li smomnich'nabtac Jacobe, ja' li israeletique:

Éxodo 2:16

Oy jun vinic Reuel sbi. Ja' pale te ta Madián banamil. Oy vucub stsebetic. Ta sc'ac'alil le'e te italic ta joc' li tsebetique yu'un tal slupic loq'uel vo'; chaq'uic ta jomte' sventa chac'beic yoxo' yuch' xchij li stotique.

Éxodo 2:18

C'alal isutic batel yo' bu oy li stotique, jech la sjac' li totile: —¿C'u yu'un ti ta ora no'ox lasutic tale? —xi.

Éxodo 2:21

Li Moisese lec laj ya'ay ti te icom ta sna li Reuele. Ts'acal to li Reuele te laj yac'be yic' jun stseb, Séfora sbi.

Éxodo 24:13

Li Moisese imuy batel te ta vits yu'un li Diose. La xchi'in muyel li Josuee, ja' li scoltaubbail ta abtele.

Éxodo 3:12

Itac'ov li Diose: —Vu'un chajchi'inot. Li' chacalbot c'usi senyail ti vu'un chajtacot batele: c'alal loq'uem xa tal avu'un li jteclumale, acotolic li' chvul avich'icun ta muc' li' ta vitse —xi.

Éxodo 3:5

Li Muc'ul Diose jech laj yalbe: —Mu me xanopaj tal li'i. Loq'ueso axonob, yu'un ja' ch'ul banamil ti bu va'alote —xut.

Éxodo 33:6

Jech li israeletique te ta vits Horeb lic scomtsanic stunesel li c'usitic c'upilic sbae.

Éxodo 4:18

Li Moisese isut batel ta sna smuni', ja' li Jetroe. Jech c'ot yalbe: —Persa chisut batel ta Egipto yo' bu comen li jchi'iltac ti jun jts'unubal jchi'uque. Ta jc'an ta jq'uel me yoquel to cuxulic —xut. —Batan, tsotsan me batel —xi li Jetroe.

Éxodo 4:27

Pero li Muc'ul Diose jech xa'ox yalojbe li Aarone: “Bat nupo tal ta be te ta xocol banamil li Moisese”, xut. Jech ibat li Aarone; te la snup ta be ta vits yu'un Dios. Te c'ot sc'opan; te la sts'uts'.

Amós 1:1

C'alal ja'o ochem ta ajvalilal ta Judá li Uziase, xchi'uc c'alal ja'o ochem ta ajvalilal ta Israel li Jeroboam xnich'on Joase, oy jun jchabichij ta Tecoa, Amós sbi. Ja' laj yal c'usi i'ac'bat yil yu'un Dios chc'ot ta pasel ta Israel banamil ti c'alal chib to'ox jabil sc'an xtal niquele.

Malaquías 4:4

“Vuleso me ta ajolic c'u x'elan li jmantal laj cac'be te ta vits Horeb, li cajtunel Moisese. Laj cac' lec mantal xchi'uc chanubtasel ta sventa scotol li israeletique.

Números 10:29

Ta yan c'ac'al li Moisese jech laj yalbe li sbole, ja' li Hobab xnich'on Reuel madián vinique: —Li vu'uncutique chibatcutic xa ta banamil ti bu yaloj ono'ox Dios chiyac'buncutique. Batic, bat chi'inuncutic, lec chajc'anotcutic yu'un li Muc'ul Diose yaloj ta jamal ti lec sc'anoj ec li israeletique —xut.

Números 10:33

Jech itotsic batel te ta vits yu'un Muc'ul Dios; oxib c'ac'al ixanovic batel. Li xcaxail smantal Diose ja' ba'yucbe ibat yu'unic. Te la sa'ilanic batel bu banamilal xu' ta xcux yo'ntonic, yu'un jech xu' te ta spas scarpanaic.

San Lucas 2:8

Te ta nopol ti'lum Belén oy jayibuc jchabichijetic te chchabi xchijic ta ac'ubaltic.

Hechos 7:30

“C'alal i'ech' xa'ox cha'vinic (40) jabile, te laj yac' sba ta ilel ta stojol jun j'almantal ta jtec' biq'uit ch'ix te ta xocol banamil ta vits Sinaí. Te ta yat c'oc' laj yil li j'almantale.

Deuteronomio 1:2

Ja' buluchib (11) c'ac'al sbelal ti xlic ta vits Horeb c'alal ta Cades-barnea, me ja' tstamic batel li be xjelov ta vits Seire.

Deuteronomio 1:6

“Li Muc'ul Dios, ja' li Dios cu'untique, jech laj yal ti c'alal te to'ox oyutic ta vits Horebe: ‘Ep xa jabil ti li' oyoxuc ta vitse.

Deuteronomio 4:10

“C'alal te tsoboloxuc ta stojol Dios cu'untic ta vits Horebe, jech laj yalbun li Muc'ul Diose: ‘Tsobo tal scotol li achi'iltaque yu'un ac'o ya'yic li c'usi chcale, xchi'uc ac'o xchanic c'u x'elan xu' chiyich'icun ta muc' ti jayib c'ac'al cuxulique, ja' no'ox jech xu' chlic xchanubtas xnich'nabic ec’, xiyutun.

Jueces 4:11

Li Heber, ja' li queneo vinique, ja' li yalab xnich'nab smuni' Moisese, te la spas scarpanaic ta stenlejaltic Zaanaim ti c'alal la svoc' sbaic xchi'uc li yantic quenetique. Li Zaanaime te oy ta nopol Cedes.

1 Samuel 16:11

Li Samuele jech la sjac'be li Isaie: —¿Me mu'yuc xa yan anich'nab? —xut. Itac'ov li Isaie: —Ja' xa no'ox jun jc'ox nich'on sc'an, yu'un ja' ta xchabi jchijcutic —xi. —Ac'o bat yich' sa'el tal, yu'un mu xu' ta jchol jbatic ta mexa me mu'yuc li' oye —xi li Samuele.