Éxodo 29:1 - Bible in Tzotzil de Chenalhó with Deuterocanon

¹ “C'alal chavoc'bicun ta sventa paleal li Aarón xchi'uc xnich'nabe, tsc'an jech chapasbe chac li'i: Tsaco jcotuc ch'ium tot vacax, xchi'uc cha'cotuc tot chij ti bu ven lequique.

Bible in Tzotzil de Chamula

¹ “Yo' jech ta xava'an ta yich'el yabtel ti cajpaletaque, xi s'elan ta xapas ta stojolic jech c'u cha'al li'e: ic'o talel jcotuc ch'iom tot vacax, xchi'uc cha'cot tot chij ti mu'yuc jutebuc xchopolile.

Éxodo 29:1 Iomraidhean Croise

2 Crónicas 13:9

Jech noxtoc ¿me muc vo'ocoxuc xanutsic loq'uel ta atojolic li paleetic yu'un Muc'ul Dios, ja' li smomnich'nabtac Aarón xchi'uc levietique? ¿Me muc vo'oxuc xat'ujic yan paleetic avu'unic jech chac c'u cha'al paleetic yu'unic li boch'otic mu'yuc yich'ojic ta muc' Diose? Ja' no'ox me ital yac' sbaic ta lecubtasel ta jcot ch'ium tot vacax xchi'uc ta vuccot tot chije, ja' xa paleetic chcomic o yu'un li c'usi muc ja'uc diosetique.

Éxodo 12:5

Li chij chamilique ja' me ti bu ven leque xchi'uc ti jun to jabil svoq'uele. Xu' jcot ch'ium tot chij, o me jcot ch'ium tot tentsun.

Éxodo 20:11

Yu'un ta vaquib no'ox c'ac'al la jpas li vinajel banamile, li nabe, xchi'uc scotol li c'usitic oye. Yan ta svucubal c'ac'ale la jcux co'nton. Ja' yu'un li jun c'ac'ale ts'u'iltasbil cu'un; ja' ch'ul c'ac'al comen ta aventaic.

Éxodo 28:1

“Li abanquil Aarón xchi'uc xnich'nabe, ja' li Nadab, Abiú, Eleazar, xchi'uc Itamare, voc'bun loq'uel ta stojol li achi'iltac ta israelale yu'un ja' chcomic o ta paleal cu'un.

Éxodo 28:3

Ja' xac'opan li boch'otic lec sna'ic spasele, ja' li boch'otic cac'ojbe xa lec sbijilique. Ja' ac'o spasbeic sc'u' li Aarone, jech voc'bil chcom o ta paleal cu'un.

Éxodo 28:41

“Ja' jech sc'u'ic xavac'be slap li abanquil Aarón xchi'uc xnich'nabe. Ja'o xamalbe aceite ta sjolic, yu'un jech voc'bil chcomic o ta paleal cu'un.

Éxodo 29:21

Li ch'ich' te ts'anajtic chcom ta sba scajleb jmotone xchi'uc li aceite sventa ich'ub abtelale vijbo ta sba yac'olic li Aarón xchi'uc xnich'nabe, xchi'uc ta sc'u' spoq'uic. Jech voc'bil chcomic o li Aarón xchi'uc xnich'nabe, xchi'uc li sc'u' spoq'uique.

Ezequiel 43:23

C'alal me ilaj avo'nton ta xch'ayel li mulile, tsaco jcotuc ch'ium tot vacax noxtoc xchi'uc jcot ch'ium chij ti bu ven lequique;

Levítico 14:11

Li pale ti oy ta sventa tslecubtasvane ac'o sva'an ta jtojol li boch'o chich' lecubtasele xchi'uc li c'usi yich'oj tale. Te ac'o sva'an ta sti' ch'ulna pasbil ta nucul.

Levítico 16:3

C'alal ch-och batel ta ch'ulna li Aarone, ac'o yic' ochel jcotuc ch'ium tot vacax sventa mulil, xchi'uc jcot chij sventa chic'bil matanal.

Levítico 22:20

pero tsc'an ja' ti bu ven leque, yu'un jech xu' ta jtsacbeic.

Levítico 4:3

“Me ja' stuc banquilal pale la sta smul ta jtojol, jech oy smul chc'ot yu'un li xchi'iltac ta israelale. Ac'o yac'bun jmotonin jcotuc ch'ium vacax ta sventa li smul staoje. Ja' ac'o yac'bun ti bu ven leque.

Levítico 6:13

Li c'oq'ue te tsanaluc o scotol c'ac'al te ta scajleb jmoton; mu xu' chtu'p o.

Levítico 6:6

Li jmoton tsc'an chiyac'bune ja' jcot chij ti bu ven leque. Vo'ot chaq'uel c'u yepal stojol li chije. Li boch'o chaq'ue, ac'o yic' batel ta stojol li palee. Ja' chic'bil matanal ta sventa li c'unil mulil la stae.

Levítico 7:35

Ja' jech spuculal laj yich'ic li Aarón xchi'uc xnich'nab c'alal chchic'beic li smoton Diose. Ja' te ora lic yu'uninic o li Aarón xchi'uc smomnich'nabtac ti c'usi ora voc'bil icomic o ta sventa paleale.

Levítico 8:1

Li Muc'ul Diose la sc'opan yan velta li Moisese, jech laj yalbe:

Levítico 9:2

Jech laj yalbe li Aarone: “Tsaco tal jcotuc ch'ium vacax sventa smoton Dios ta sventa mulil xchi'uc jcot chij sventa chic'bil matanal ti bu ven leque. Bat aq'uic ta stojol li Muc'ul Diose.

San Mateo 6:9

Li vo'oxuque ja' jech xac'opanic Dios chac li'i: ‘Jtotic Dios, te oyot ta vinajel, ich'biluc ta muc' abi.

Hebreos 7:26

Yu'un li Banquilal Pale cu'untique lec jbalintic. Yu'un tuc' yo'nton, mu'yuc smul, me jutuc mu'yuc yic'ubal; mu co'oluc jech chac c'u cha'al vu'utic ti jpasmulilutique, xchi'uc x'ech' to smuc'ul ic'ot jech chac c'u cha'al li vinajele.

1 Pedro 1:19

Ja' la smanoxuc o ta xch'ul ch'ich'al li Jesucristoe, yu'un ja' laj yich' milel ta jcojtic jech chac c'u cha'al ch'ium chij laj yich' milel, ti toj leque, ti mu'yuc bu chopole.