Éxodo 28:4 - Bible in Tzotzil de Chenalhó with Deuterocanon

⁴ Li c'u'iletic tsc'an pasele ja' jech chac li'i: vorxapoc', mocan c'u'il, natil c'u'il oy sc'ob, xchi'uc yan natil c'u'il mu'yuc sc'ob, xchi'uc xpix sjol pasbil ta lino no, xchi'uc chuquil. Ja' jech ac'o yich' pasbel lequil c'u'iletic ta sventa li abanquil Aarón xchi'uc xnich'nabe yu'un ja' paleetic chcomic o cu'un.

Bible in Tzotzil de Chamula

⁴ Ti c'u'iletic ti sc'an ta xich' meltsanele, xi s'elane: Ti uile, ti jayal saquil c'u'ile, ti mochibal poq'ue, ti luchbil loin c'u'ile, ti saquil poc' ts'otobil jolale, xchi'uc ti chuquile. Ja' jech ta xich' chapanel c'u'il sventa tunel yu'un ti achi'il ta voq'uel Aarone, xchi'uc ti xnich'nabe, yo' jech ta x'abtejic ta tunel ta cajpaletac.

Éxodo 28:4 Iomraidhean Croise

2 Samuel 6:14

Li Davide scotol yo'nton i'ac'otaj ta stojol Muc'ul Dios; te slapoj jlic comcom c'u'il pasbil ta lino.

Éxodo 25:7

Ac'o yich'ic tal noxtoc cornalina ton xchi'uc yantic lequil tonetic sventa chich' aq'uel ta mocan c'u'il sventa banquilal pale.

Éxodo 29:6

Ac'bo noxtoc li xpix sjole. Te ta xpix sjol xavac'be li ch'ul pech'pech' c'anal taq'uin sventa svinajeb ti voc'bil o ta paleal cu'une.

Éxodo 39:28

Xchi'uc laj yich' jalel noxtoc li xpix jolal xchi'uc xnichimale, xchi'uc li comcom vexile; ja' pasbil ta ts'otbil lino no.

Isaías 11:5

Puru tuc' c'usi oy ta yo'nton, puru melel scotol c'usi chal.

Isaías 59:17

Li tuq'uil chapanel yu'une slapoj tal lec jech chac c'u cha'al smac scotol sbec'tal. Li coltaele xpixcolinoj tal jech chac c'u cha'al smac sjol; li spacol c'usi pasbile slapoj tal lec jech chac c'u cha'al sc'u'. Potsol tal lec ta sc'ac'al yo'nton jech chac c'u cha'al xaquita.

Oseas 3:4

Yu'un li israeletique ta to sta yorail ti ep c'ac'al mu'yuc ajvalil, mu'yuc jpasmantal yu'unique. Xchi'uc mu'yuc chaq'uic milbil matanal, mu'yuc tsva'anic tonetic sventa chich'ic ta muc'; mu'yuc c'u'il sventa pale, xchi'uc mu'yuc loc'ometic yu'unic ta snaic.

Efesios 6:14

Ja' yu'un chaplanic me lec cha'e. Chuquino me lec li achuquique, ja' li c'usi melele. Aq'uic me smac li sna avo'ntonique, ja' li c'usitic tuq'ue.

1 Tesalonicenses 5:8

Pero vu'utic ti oyutic xa ta c'ac'altique, cuxuluc me co'ntontic. Ja'uc me smac sna co'ntontic chc'ot li xch'unojel co'ntontique xchi'uc ti chijc'anvane. Ja'uc me smac joltic chc'ot ti jun co'nton ta jmalatic chijcolutique.

Apocalipsis 9:17

Li ca'etique xchi'uc li boch'otic cajajtic laj quil ta jch'ulele oy smac yo'ntonic, tsoj jech chac c'u cha'al c'oc'. Ja' jech sbon jech chac c'u cha'al zafiro ton xchi'uc azufre. Li sjol sca'ique xco'laj xchi'uc sjol león. Chloc' c'oc' xchi'uc ch'ayil xchi'uc azufre ta yeic.

1 Samuel 2:18

Pero li querem Samuele te ch-abtej o ta stojol li Muc'ul Diose; slapoj jun mocan c'u'il pasbil ta lino no.

1 Samuel 22:18

Ja' yu'un jech laj yalbe li Doeg, ja' li Edom vinique: —¡Milo vo'ot! —xut. —Li Doege la smil li paleetique. Ja' yorail te ichamic vo'ob yo'vinic (85) viniquetic slapanojic mocan c'u'iletic pasbilic ta lino no.

1 Samuel 23:6

Li Abiatar, xnich'on Ahimeleque, ibat ta anil bat sta li David te ta Keilae; te slicoj batel ta sc'ob li mocan c'u'ile.

1 Samuel 30:7

Jech laj yalbe li pale Abiatare, ja' li xnich'on Ahimeleque: —Avocoluc ich'bun tal li mocan c'u'ile —xut. Jech bat yac'be.