Éxodo 28:3 - Bible in Tzotzil de Chenalhó with Deuterocanon

³ Ja' xac'opan li boch'otic lec sna'ic spasele, ja' li boch'otic cac'ojbe xa lec sbijilique. Ja' ac'o spasbeic sc'u' li Aarone, jech voc'bil chcom o ta paleal cu'un.

Bible in Tzotzil de Chamula

³ Va'ano aba, c'opojan ta stojol scotolic ti buch'utic xjoybij sjolilal yu'unic ti vu'un laj cac'beic ti jun yutsiquil c'usitic xloc'taj yu'unic ta meltsanele, yo' jech ta smeltsanbeic sc'u'tac ti Aarone, yo' jech t'ujbil ta xc'ot ta cajpale.

Éxodo 28:3 Iomraidhean Croise

1 Reyes 7:14

Li Hirame ja' yol jun me'on ants liquem ta jchop yu'un Neftalí. Yan li stote ja' te voq'uem ta lum Tiro. Ja' yabtel ta x'abtej ta bronce taq'uin. Li Hirame toj ep sbijil, toj lec sna' spasel c'usiuc no'ox ta bronce taq'uin, jech te tal spas yabtel ta stojol li Salomone.

Éxodo 35:10

“Scotol li boch'otic oy lec sbijilic ta spasel li c'usitic lec c'upilic sbae ja' ac'o tal spasic scotol li c'usitic laj yal Muc'ul Dios tsc'an pasele.

Éxodo 35:25

Jech noxtoc li antsetic ti lec bijique lic jalubajicuc, laj yich'ic tal ta smoton Dios li sjolobique, ja' li yax'elan poq'ue, ti ic'ic'tic sba stsajale, ti bats'i tsoje xchi'uc li poc' pasbil ta lequil lino noe.

Éxodo 35:30

Li Moisese jech laj yalbe li israeletique: “A'yo ava'yic, li Muc'ul Diose t'ujbil xa yu'un li Bezaleel liquem ta jchop yu'un Judae, ja' li xnich'on Uri, smomnich'on Hure.

Éxodo 35:31

Ac'bil xa lec sbijil yu'un li Diose; lec sna' snopel c'usi tspas. Oy sbijil ta sventa scotol abtel.

Éxodo 35:35

ac'bil xa lec sbijilic ta sventa c'usiuc no'ox tsc'an pasel, me xch'ulel, o me sbisel li c'usi pasel tsc'ane, me spasbel xnichimal yax'elan poc', me ic'ic'tic sba stsajal, o me bats'i tsajal poc', o me poc' pasbil ta lequil lino no. Xchi'uc lec sna'ic sjalel c'usiuc tsc'an pasel ti c'upilic sbae.

Éxodo 36:1

Li Bezaleel xchi'uc Aholiabe xchi'uc scotol li boch'otic i'ac'bat lec sbijilic yu'un jech sna'ic spasel scotol li c'usitic chtun sventa chich' pasel li ch'ulna pasbil ta nucule ja' tspasic scotol li c'usitic yaloj Muc'ul Diose”, xi li Moisese.

Éxodo 36:2

Li Moisese laj yic' li Bezaleel xchi'uc Aholiabe, xchi'uc li yantic boch'otic i'ac'batic lec sbijilic yu'un Muc'ul Dios sventa spasel li abtele, xchi'uc li boch'otic jech yo'ntonic o tsc'an chcoltavanic ta abtele.

Proverbios 2:6

Yu'un li Muc'ul Diose ja' chijyac'butic li jbijiltique; ja' chloc' tal ta ye stuc li bijubtasel xchi'uc li c'usi tsc'an ta xcotquintic batele.

Isaías 11:2

Te ta xcom o ta stojol li Espíritu yu'un Muc'ul Diose, ja' ta x'ac'bat lec sbijil, ta xjambat lec sat; ta x'ac'bat lec sna' c'u x'elan chtojobtasvan; ta x'ac'bat lec stsatsal; ta x'ac'bat lec yotquin c'usi tsc'an tspas, xchi'uc c'u x'elan lec chich' ta muc' li Muc'ul Diose.

Efesios 1:17

Yu'un jech ac'o yac'boxuc abijilic li Dios yu'un Cajvaltic Jesucristoe, ja' li Totil ti toj ech'em slequilale. Xchi'uc ac'o yac' ana'ic c'u x'elan yo'nton li Diose, yu'un jech chavotquinic lec c'u x'elan.

Deuteronomio 34:9

Li Josué xnich'on Nune, la sta ep sbijil ta stojol li Moisese. Yu'un li Moisese laj ono'ox yac' sc'ob ta sjol li Josuee. Jech li israeletique lic xch'unbeic smantal li Josuee, xchi'uc la spasic scotol li c'usi albil ono'ox yu'un Muc'ul Dios li Moisese.

Santiago 1:17

Scotol li c'usi leque xchi'uc li c'usitic lec tuc' chij'ac'bate ja' te ta xlic tal ta vinajel. Ja' chistacbutic tal li Jtotic Dios ti la spas li c'usitic chac' xojobale. Li Diose ja' jech oy o; mu sna' sjelilan c'usi chijyac'butic.