Éxodo 28:12 - Bible in Tzotzil de Chenalhó with Deuterocanon

¹² Ja' te ac'o snaban ti bu pac'bil li cha'jis bic'tal poc' ta snecub mocan c'u'ile. Li tone ja' sna'ubil chc'ot yu'unic li avalab anich'nabique. Jech li Aarone te x'ich'-un o yu'un ta snecub sbiic achi'iltac ti c'alal ch-och ta jtojole, yu'un jech ta jna'ic o.

Bible in Tzotzil de Chamula

¹² Va'i un, tey xajoc'an ta stimtac ti jayal saquil c'u'ile, yu'un ja' svulesobil ta o'ntonal xnich'nabtac ti Israel ta sventa ti baxtonetic taje. Ja' yu'un un, ti Aarone joc'ol ta xbat ta snequeb ti sbiic ta stojol ti Diose yo' jech mu xch'ay ta o'ntonal.

Éxodo 28:12 Iomraidhean Croise

Job 31:36

Xu' ta jcajan batel ta jnecub li svunale; xu' ta jxoj batel ta jol sventa jcorona.

Salmos 89:19

Muc'ul Dios, oy bu laj ac'opan ta xvayech li avu'untac ti tuc' yo'ntonique, jech laj avalbe: “Laj xa jt'uj jun boch'o mu sna' xi' te ta stojol li jteclumale; laj xa jtoy muyel, xchi'uc jcoltaoj xa.

Éxodo 12:14

Li jun c'ac'al le'e ja' tsc'an ti mu xch'ay ta avo'ntonique. Tsc'an chapasilanic jun muc'ta q'uin sventa chavich'icun ta muc'; vu'un li Muc'ul Diosune. Ja' jun mantal chcom o ta atojolic c'alal to ta jayc'ol avalab anich'nabic.

Éxodo 13:9

Ja' yu'un tsc'an chcom senyail ta ac'obic, o ta ati'baic ya'yel, yu'un jech cht'ab ta avo'ntonic ti tsc'an ja' chalo'iltaic o li mantaletic yu'un Muc'ul Diose. Yu'un ja' la sloq'uesutic tal ta smuc'ul stsatsal te ta Egipto banamil.

Éxodo 28:11

Li biiletic chich' pasel ta tone ja' ac'o spas li boch'o ja' yabtel yajanel lequil tonetique. Ja' jech ac'o snabanan jech chac c'u cha'al jun sello. Ac'o yac'be snacleb ta c'anal taq'uin xcha'bejal li tone.

Éxodo 28:29

Jech c'alal ch-och ta yut ch'ulna pasbil ta nucul li Aarone, te pac'al ochel o li vorxapoq'ue. Jech te x'ich'un o ochel yu'un ta jtojol sbiic li jaychop achi'iltaque, jech mu xch'ayic o ta co'nton.

Éxodo 28:7

xchi'uc ac'o yac'be cha'jis bic'tal poc' ta snecub-necub.

Isaías 12:2

Li Diose ja' jcoltavanej cu'un; jun no'ox co'nton o, mu'yuc c'usi ta jxi'be; ja' stsatsal co'nton, ja' sq'uejimol co'nton li Muc'ul Diose, yu'un ja' la scoltaun”, xachiic.

Isaías 62:6

Jerusalén, laj cac' jq'uel-osiletic te ta sba coralton avu'un. Ta c'ac'al ta ac'ubal jech chalilanic o: “Mu me xaquechanic sc'anbel vocol li Muc'ul Diose;

Isaías 9:6

Yu'un ivoc' jun querem ta jtojoltic; lij'ac'bat jun nich'onil. Ja' ac'bil tsots yabtel sventa tspas mantal; ja' jech sbi ch-ac'bat: Ech'em Yutsil, Jbijubtasvanej, Tsatsal Dios, Totil Sbatel Osil, J'ac'-Jun-O'ntonal, xi sbi chc'ot.

Levítico 24:7

Ta jujuchol li pane aq'uic bats'i pom ta sba yu'un jech lec mu yic'; ja' jech chac c'u cha'al chic'bil matanal chc'ot ta jtojol ta sventa sna'ubil li israeletique.

Números 16:40

Xchi'uc ja' sventa cht'ab o ta yo'nton israeletic ti mu xu' boch'ouc no'ox chnopaj batel ta scajleb smoton Dios sventa chbat xchic' pom ti me muc ja'uc smomnich'nab Aarone. Me oy boch'o jech tspase, xu' chc'ot ta pasel ta stojol ec jech chac c'u cha'al ic'ot ta stojol li Coré xchi'uc xchi'iltaque. Jech laj yich' pasel jech chac c'u cha'al laj yich' albel yu'un Muc'ul Dios li Eleazar ta sventa Moisese.

Números 31:54

Jech li Moisés xchi'uc Eleazare laj yich'ic li c'anal taq'uin ti laj yich'ic batel li banquilaletic yu'un jujutsob soldadoetique; bat yaq'uic ta ch'ulna pasbil ta nucul sventa yu'un jech mu me xch'ay ta yo'nton israeletic li Muc'ul Diose.

San Lucas 1:54

La scolta li israeletique, ja' li yajtuneltaque, yu'un mu xlaj yo'nton ta xc'uxubinel.

San Lucas 1:72

Yu'un chixc'uxubinutic jech chac c'u cha'al laj ono'ox yalbe jmoltotactic ta vo'onee. Yu'un mu xch'ay o ta yo'nton li c'usi laj ono'ox xchapan xchi'uque,

Hechos 10:4

Li Cornelioe la sq'uel li j'almantale, toj xi'el ic'ot, jech la stac'be: “¿C'usi chaval, Cajval?”, xut. Jech i'albat yu'un li j'almantale: “Li sc'opanel Dios chapase xchi'uc li c'usi chaq'uelane, ic'ot c'alal ta stojol Dios sventa mu xch'ay o ta yo'nton.

1 Corintios 11:24

la stojbe ta vocol Dios, lic svoc' li pane, jech laj yal: “Li'i ja' jbec'tal ti ac'bil ta aventaique. Jech me xapasilanic o sventa chana'ilanicun”, xi.

Deuteronomio 33:12

Jech laj yich' alel ta sventa li Benjamine: “Li boch'o lec c'anbil yu'un Muc'ul Diose jun yo'nton. Scotol ora chabibil yu'un li boch'o oy ta toyole; scotol c'ac'al sventainoj o”, xi.

Josué 4:7

jech xavalbeic: ‘Li'i, ja' senyail ti la svoc' sba li uc'um ta sventa li xcaxail smantal Muc'ul Diose. Yu'un c'alal ijelov tal ta uc'um li xcaxail smantal Diose, la svoc' sba li uc'ume. Ja' yu'un li tonetic li'i ja' sna'ubil chcom o cu'untic c'alal ta calab jnich'nabtic ti oy c'usi lec ic'ot ta pasel ta jtojoltic, vu'utic li israelutique’, utic”, xi li Josuee.