Éxodo 28:11 - Bible in Tzotzil de Chenalhó with Deuterocanon

¹¹ Li biiletic chich' pasel ta tone ja' ac'o spas li boch'o ja' yabtel yajanel lequil tonetique. Ja' jech ac'o snabanan jech chac c'u cha'al jun sello. Ac'o yac'be snacleb ta c'anal taq'uin xcha'bejal li tone.

Bible in Tzotzil de Chamula

¹¹ Ti biiletic ti bejel ta xcom ta tone, sc'an ti ja' ta spas ti buch'u yabtelinoj ta spaq'uel ti alac' sba tonetique. Ta xich' paq'uel co'ol jech c'u cha'al ti seyoe. Ts'acal to un, ac'bo stsacleb ta oro ti cha'bej tone.

Éxodo 28:11 Iomraidhean Croise

Job 19:24

Oyuc boch'o sts'iba ta ton ta junuc cincel, ts'acal tsnojes ta plomo yo' jech te chcom o sbatel osile.

Éxodo 28:10

Xquechet xatsacbe yalel sbiic ti c'u x'elan voq'uemique; vacvac biil xatsac ta jujubej ton.

Éxodo 28:12

Ja' te ac'o snaban ti bu pac'bil li cha'jis bic'tal poc' ta snecub mocan c'u'ile. Li tone ja' sna'ubil chc'ot yu'unic li avalab anich'nabique. Jech li Aarone te x'ich'-un o yu'un ta snecub sbiic achi'iltac ti c'alal ch-och ta jtojole, yu'un jech ta jna'ic o.

Éxodo 28:21

Li tonetique lajchab (12) tsc'an, yu'un lajcha'chop (12) sbiic li xnich'nab Israele. Ta jujubej tone te ac'o yich' nacanbel sbi li jujuchop israeletique, ja' jech ac'o yich' pasel jech chac c'u cha'al sello.

Éxodo 28:25

Li sbaba cadenae te xatsoyan ta snacleb li tonetic nabanbil ta cha'jis poc' ta snecub li mocan c'u'ile.

Éxodo 28:36

“Paso junuc unin biq'uit pech'pech' c'anal taq'uin. Pasbo sts'ibal jech chac c'u cha'al sello. ‘Voc'bil yu'un Muc'ul Dios’, xi sts'ibal xavac'be.

Éxodo 39:13

Li xchanjilile ja' yich'oj jbej topacio, jbej ónice xchi'uc jbej jaspe. Li tonetique ac'bil yunin naclebic pasbil ta c'anal taq'uin.

Éxodo 39:18

Li jot sba yaq'uile ja' te la snabanic ta snacleb li tonetic ti te nabanbil ta cha'jis poc' ta snecub mocan c'u'ile.

Éxodo 39:6

Li ónice tonetique laj yich' nacanel ta yunin naclebic pasbil ta c'anal taq'uin. Ja' te ts'ibabil sbiic li jujuchop israeletique; ja' jech pasbil jech chac c'u cha'al sello.

Jeremías 22:24

Li Muc'ul Diose jech chalbe li Jeconías xnich'on Joacim, ajvalil ta Judae: “Vu'un ti cuxulune, ac'o me ja' jechot jech chac c'u cha'al yixtolal jbats'ic'ob ti ja' sventa jselloe, pero ta jipot loq'uel.

Zacarías 3:9

Josué, li' ta asat laj cac' jbej ton. Li ton le'e ja' no'ox stuc oy vucbej sat; vu'un jtuc oy c'usi te ta jts'iba. Ts'acal to, ta jun no'ox c'ac'al ta jch'aybe smul li banamil li'i.

Efesios 1:13

Ja' no'ox jech ec li vo'oxuque, c'alal laj ava'ibeic li sc'op ti ja' melele, ja' li Lequil A'yej ti chacolic yu'une, laj ach'unic; jech laj avich'beic senyail ti yu'unoxuc o li Diose, ja' li Ch'ul Espíritu ti yaloj ono'ox Dios chijyac'butique.

Efesios 4:30

Mu me xavac'beic yat yo'nton li Ch'ul Espíritu yu'un Diose. Yu'un ja' senyail ac'biloxuc ti c'alal tsta sc'ac'alil coltaele.

2 Timoteo 2:19

Ac'o me tsc'anic ac'o chibajuc yo'nton li boch'otic xch'unojique, pero jbel sc'oplal c'usi yaloj li Diose. Jech ts'ibabil: “Li Cajvaltique xotquin li boch'otic yu'untaque”, xi. Jech ts'ibabil noxtoc: “Scotol li boch'otic yich'ojic ta muc' Cajvaltique, ta xcom yu'unic c'usitic chopol”, xi ts'ibabil.

Apocalipsis 7:2

Jech noxtoc laj quil yan j'almantal iloc' tal ta sloq'ueb c'ac'al, ja' yich'ojbe li sello yu'un cuxul Diose. Tsots laj yapta li chanib j'almantaletic ac'bil tsots svu'elic sventa tsoquesic li banamil xchi'uc nabe.