Éxodo 28:1 - Bible in Tzotzil de Chenalhó with Deuterocanon

¹ “Li abanquil Aarón xchi'uc xnich'nabe, ja' li Nadab, Abiú, Eleazar, xchi'uc Itamare, voc'bun loq'uel ta stojol li achi'iltac ta israelale yu'un ja' chcomic o ta paleal cu'un.

Bible in Tzotzil de Chamula

¹ “Ti ta scotol ti israeletique, ja' nabano ta atojol ti achi'il ta voq'uel Aarone xchi'uc ti xnich'nabe, ja' ti Nadabe, ti Abiue, ti Eleazare, xchi'uc ti Itamare yo' jech ta xc'otic ta cajpaletac.

Éxodo 28:1 Iomraidhean Croise

1 Crónicas 23:13

Li xnich'nab Amrame ja' Aarón xchi'uc Moisés. Li Aarone ja' laj yich'ic t'ujel yu'un Dios xchi'uc xnich'nab sventa tsventainic o li ch'ul matanaletique, xchi'uc ja' chchiq'uic pom ta stojol li Muc'ul Diose. Ja' te chtunic o ta stojol Dios, xchi'uc chaq'uic bendición ta sventa Dios scotol ora.

1 Crónicas 6:10

Li Johanane inich'naj, Azarías sbi; ja' ti i'och ta paleal te ta ch'ulna ta Jerusalén la spas Salomone.

1 Crónicas 6:34

Elcana, Jeroham, Eliel, Toa,

2 Crónicas 11:14

Li levietique persa la scomtsan li yosilic bu chve' sts'unub yovolique xchi'uc li c'usitic oy yu'unique, yu'un ibatic ta Jerusalén. Yu'un li Jeroboam xchi'uc xchi'iltaque la spajesic o ta spasel li yabtelic sventa paleal ta stojol Muc'ul Diose.

Salmos 115:10

Smomnich'nabtac Aarón, ja' pato avo'ntonic yu'un li Muc'ul Diose; ja' xu' yu'un chascoltaoxuc, chaxchabioxuc.

Salmos 99:6

Li Moisés xchi'uc Aarone ja' no'ox i'abtejic ta paleal yu'un Dios; li Samuele ja' no'ox ic'opoj ta stojol Dios. C'alal la sc'anbeic vocol li Muc'ul Diose, itac'bat li sc'opique.

Éxodo 24:1

Li Muc'ul Diose jech laj yalbe li Moisese: —Muyanic tal li' ta jtojol achi'uc li Aarone, li Nadabe, li Abiue, xchi'uc li lajuneb xchanvinic (70) banquilaletic yu'un achi'iltaque, pero nom no'ox xava'an abaic; te xaquejan abaic ta jtojol.

Éxodo 24:9

Li Moisese imuyic batel ta vits xchi'uc li Aarón, li Nadab, li Abiú, xchi'uc li lajuneb xchanvinic (70) banquilaletic yu'un israeletique.

Éxodo 28:41

“Ja' jech sc'u'ic xavac'be slap li abanquil Aarón xchi'uc xnich'nabe. Ja'o xamalbe aceite ta sjolic, yu'un jech voc'bil chcomic o ta paleal cu'un.

Éxodo 29:1

“C'alal chavoc'bicun ta sventa paleal li Aarón xchi'uc xnich'nabe, tsc'an jech chapasbe chac li'i: Tsaco jcotuc ch'ium tot vacax, xchi'uc cha'cotuc tot chij ti bu ven lequique.

Éxodo 29:44

Li ch'ulna pasbil ta nucul, xchi'uc li scajleb jmotone ts'u'iltasbil chcom o cu'un. Jech ec li Aarón xchi'uc xnich'nabe ja' ch'ul paleetic chcom o cu'un.

Éxodo 29:9

Chucanbo lec li xchuquilal sc'u'ic jech chac c'u cha'al chapasbe li Aarone, xchi'uc meltsanbo lec li xpix sjolique. Jech yich'oj yabtel chcomic o avu'un. Jech mantal chcom ti ja' yabtelic oe.

Éxodo 30:30

“Li aceitee malbo ta sjolic li Aarón xchi'uc xnich'nabe, jech voc'bil chcomic o ta paleal cu'un.

Éxodo 31:10

xchi'uc li jalbil c'u'ile, ja' li ch'ul c'u'iletic sventa pale Aarone, xchi'uc li c'u'iletic sventa xnich'nabtac c'alal tspas yabtelic ta paleale,

Éxodo 35:19

Xchi'uc ja' tspasic noxtoc li jalbil c'u'il sventa tslap c'alal tspas yabtel te ta ch'ulna li palee, xchi'uc li yan ch'ul c'u'il sventa pale Aarone, xchi'uc li c'u'iletic sventa paleal ta sventa xnich'nabe”, xi li Moisese.

Éxodo 6:23

Li Aarone laj yic' sbaic xchi'uc Elisabet, ja' li stseb Aminadabe xchi'uc ja' xchi'il ta voq'uel li Naasone. Li Elisabete ivoc' yalabtac, ja' Nadab, Abiú, Eleazar, xchi'uc Itamar.

Levítico 10:1

Li Nadab xchi'uc Abiú, ja' li xnich'nabtac Aarone, la stsaquic jujun yav yac'alic. Laj yac'beic sc'ac'al xchi'uc pom; la stsanic yan c'oc' ta stojol Muc'ul Dios ti c'alal mu'yuc albilic jech tspasique.

Levítico 10:12

Li Moisese jech laj yalbe li Aarón xchi'uc xnich'nab ti cuxul to icomique, ja' li Eleazar xchi'uc Itamare: —Ich'ic li scomelal smoton Dios chcom ta chiq'uele, ja' li c'usitic jech chac c'u cha'al trigoe. Ve'anic, pero mu me xavac'beic svolesubil xch'ut, xchi'uc te no'ox xave'ic ta sts'el scajleb smoton Dios yu'un ja' bats'i lequil ch'ul matanal.

Levítico 7:35

Ja' jech spuculal laj yich'ic li Aarón xchi'uc xnich'nab c'alal chchic'beic li smoton Diose. Ja' te ora lic yu'uninic o li Aarón xchi'uc smomnich'nabtac ti c'usi ora voc'bil icomic o ta sventa paleale.

Levítico 8:1

Li Muc'ul Diose la sc'opan yan velta li Moisese, jech laj yalbe:

Levítico 8:2

“Ic'o tal ta jtojol li Aarón xchi'uc xnich'nabe. Ac'o yich'ic tal li lequil c'u'iletic sventa paleale, li aceite sventa ich'ub abtelale, li ch'ium tot vacax ti chich' milel ta sventa mulile, li cha'cot chije xchi'uc li jun unin moch pan ti mu'yuc yich'oj svolesubil xch'ute.

Números 18:7

Pero ja' no'ox vo'oxuc achi'uc anich'nab oy ta aventaic li abtel sventa paleal te ta scajleb jmotone xchi'uc li c'usitic tsc'an pasel te ta spat li veloe. Li abtel le'e, ja' no'ox vo'oxuc oy ta aventaic spasel, yu'un vo'oxuc t'ujbiloxuc cu'un sventa cha'ochic ta paleal. Me oy boch'o ch-abtej ta paleal ta yo'nton no'ox stuque, ac'o yich' milel”, x'utat yu'un Muc'ul Dios li Aarone.

Números 2:4

Ja' ti iloq'uic ta atel chanlajuneb xchanvinic ta mil xchi'uc vaquib ciento (74,600) ta scotol li viniquetique.

Números 26:61

Li Nadab xchi'uc Abiue ja' ti ichamic c'alal la xchiq'uic pom ta stojol Muc'ul Dios ta smantal stuquique.

San Lucas 1:8

C'alal ja'o ta x'abtej ta stojol Dios sventa paleal xchi'uc xchi'iltac li Zacariase,

Deuteronomio 10:6

(Li israeletique iloq'uic ta joq'uetic ta jaacán, ibatic ta Mosera. Te c'ot chamuc li Aarone, te la smuquic. Li jun xnich'on, Eleazar sbie, ja' la stsacbe yabtel li stote.

Deuteronomio 18:5

Yu'un li jchop t'ujbilic ta scotol jaychop israeletique, ja' st'ujoj stuc li Muc'ul Diose yu'un ja' tsventainic yabtel Muc'ul Dios xchi'uc xnich'nabic xchi'uc c'alal ta smomnich'nabtaquic.

1 Samuel 2:28

Vu'un la jt'uj loq'uel ta stojol li jaychop achi'iltac ta israelale, yu'un la jtic' ta paleal, yu'un ja' chchic'bicun jmoton te ta scajleb, xchi'uc chchiq'uic pom, xchi'uc tslapic tal ta jtojol li mocan c'u'ile. Xchi'uc ja' laj cac'beic ta sc'ob amoltotac li jmoton chaq'uic achi'iltaquic ta israelale.