Éxodo 27:3 - Bible in Tzotzil de Chenalhó with Deuterocanon

³ Scotol li c'usitic chtun te ta scajleb jmotone ta puru bronce taq'uin xapas: ja' li xch'amubil tane, li palaetique, li muc'tic tazaetique, li xluchubiltac ti'bole xchi'uc li yav ac'ale.

Bible in Tzotzil de Chamula

³ Scotol ti c'usi ta xtun ti ta altare, xi s'elan ti ta xich' meltsanel ta c'anal taq'uine: ti xch'amlebtac tanil c'oq'ue, ti slupobile, ti lech-lech taq'uinetique, ti slats'obiltac ac'ale, ti yaviltac stileb ac'ale.

Éxodo 27:3 Iomraidhean Croise

1 Reyes 7:40

Li Hirame la spas noxtoc binetic, palaetic, xchi'uc muc'tic tazaetic. Jech ivu' o yu'un spasel scotol li abtel ti la sc'an pasbel Salomón ta sventa li ch'ulna yu'un Muc'ul Diose.

1 Reyes 7:45

li binetique, li palaetique, xchi'uc li muc'tic tazaetique. Scotol li c'usitic la spasbe Salomón Hiram ta sventa ch'ulna yu'un Muc'ul Diose ta puru bronce taq'uin, lec ts'abbil la spas.

1 Reyes 7:50

li svasoaltaque, li xtuch'ubiltac xmechaile, li muc'tic tazaetique, li muc'tic cucharaetique, xchi'uc li xchic'ubiltac pome. Ja' ta puru c'anal taq'uin pasbil scotol. Li stsacleb smac bats'i lequil ch'ul cuartoe xchi'uc li stsacleb smac ch'ulnae ja' ta c'anal taq'uin pasbil.

2 Reyes 25:14

Jech noxtoc laj yich'ic batel li yavil tane, li palaetique, li xtuch'ubil xmechail candiletique, li muc'tic cucharaetique, xchi'uc scotol li c'usitic pasbilic ta bronce ti te chtun ta ch'ulnae.

2 Reyes 25:15

Jech noxtoc laj yich' batel li c'usitic pasbil ta c'anal taq'uin xchi'uc ta saquil taq'uine, ja' li yavil pome xchi'uc li muc'tic tazaetique.

1 Crónicas 28:17

Jech noxtoc laj yac'be c'anal taq'uin tsc'an sventa li xluchubiltac ti'bole, li muc'tic tazae, li jarroetique. Ti c'u yepal tsc'an jujuchop li c'usitic tsc'an pasel ta c'anal taq'uin xchi'uc ta saquil taq'uine ja' jech yepal laj yac'be.

2 Crónicas 4:11

Li Hirame ja' la spas ec li binetique, li palaetique, xchi'uc li muc'tic tazaetique. Jech ivu' yu'un Hiram li c'usitic la sc'an pasbel Salomón ta sventa li ch'ulna yu'un Diose.

2 Crónicas 4:16

xchi'uc li binetique, li palaetique, li xluchubiltac ti'bole. Scotol li c'usitic la spas li jchanubtasvanej Hirame ja' ta puru ch'ulbil bronce la spas. Ja' la spasbe li Salomón ta sventa ch'ulna yu'un Muc'ul Diose.

Éxodo 24:6

Li Moisese la xch'ambe ta muc'tic tazaetic j'o'lol li xch'ich'ale. Li yan j'o'lole te la svij ta sba scajleb smoton Dios.

Éxodo 27:19

Scotol li c'usitic chtun c'alal chatsob abaic te ta ch'ulna pasbil ta nucule tsc'an ta bats'i bronce taq'uin xapas. Jech noxtoc li ste'eltac sventa bu chich' nituanel o spoc'al ch'ulna xchi'uc spoc'al yamaq'uile tsc'an ta bats'i bronce xapas.

Éxodo 27:2

Pasbo chanib xulub xchanjotal xchiquin, jmoj snitoj sba xapas xchi'uc li scajleb jmotone. Pixo ta bronce taq'uin scotol.

Éxodo 27:4

Ac'bo xchajchajtaq'uinal ta o'lol yut li scajleb jmotone. Ta bronce taq'uin xapas. Ac'bo noxtoc jujun slucajtic taq'uinal ta bronce taq'uin ta xchanjotal xchiquin.

Éxodo 38:3

Jech noxtoc la spas scotol li c'usitic chtun te ta scajleb smoton Diose; ta bats'i bronce taq'uin la spas. Ja' li xch'amubil tane, li palaetique, li muc'tic tazae, li xluchubil ti'bole, xchi'uc li yavil ac'ale.

Levítico 16:12

Ts'acal ac'o stsac li xchic'ubil pom nojem ta yac'alil scajleb jmoton te oy ta jtojole xchi'uc cha'jop juch'bil pom ti lec mu yiq'ue; ac'o yich' batel te ta spat yo' bu joc'ol li poq'ue.

Números 4:14

Ta sbae ac'o yaq'uic scotol li c'usitic chtun c'alal chchiq'uic li jmotone. Ja' li yav ac'aletique, li xluchubiltac ti'bole, li spalailtaque, li muc'tiquil tazae. Scotol le'e ja' li c'usitic chtun ta scajleb jmotone. Ac'o smaquic ta lequil nuculetic scotol, xchi'uc te ac'o yaq'uic noxtoc li ste'eltac sventa xq'uechubile.