Éxodo 27:21 - Bible in Tzotzil de Chenalhó with Deuterocanon

²¹ Li Aarón xchi'uc xnich'nabtaque ja' tsventainic o sq'uelel lec li candiletique, yu'un jech xu' te tsanal o ta jtojol scotol ac'ubal ta ch'ulna cu'un ti bu chac'opanicun ta spat li poc' yo' bu oy xcaxail jmantale. Li'i ja' jun mantal chcom o ta atojolic c'alal ta avalab anich'nabic.

Bible in Tzotzil de Chamula

²¹ Jech ti Aarone xchi'uc ti xnich'nabe ta sbainic ta sq'uelel ti lamparaetique yo' jech tsanal sbejel ac'ubal ta stojol Dios ta ch'ul cuarto ti bu nupel ta be xchi'uc Dios ta yeloval ti bu lich'il ti muc' ta poc' ti ja' smacoj ti xcaxail tratee. Ti va'i s'elan taje, ja' jbel ti tsots sc'oplal ti ch'unbil ta xc'ot ti jech ac'o spasic o ti israeletic xchi'uc ti snitilulique.

Éxodo 27:21 Iomraidhean Croise

Génesis 1:5

Li sac osile “c'ac'altic” laj yac'be sbiin. Li ic' osile “ac'ubaltic” laj yac'be sbiin. Ja' jech la spas Dios ta sba c'ac'al. Jech i'ic'ub osil, isacub ta yoc'omal.

Génesis 1:8

Ti bu jamal icome, “vinajel” laj yac'be sbiin. Ja' jech la spas Dios ta xchibal c'ac'al. Jech i'ic'ub osil, isacub ta yoc'omal.

2 Crónicas 13:11

Ja' chchic'beic o smoton Muc'ul Dios ta jujun sob, ta jujun mal c'ac'al, xchi'uc ja' chchiq'uic o pom ta stojol li Muc'ul Diose, xchi'uc ja' chaq'uic o li pan ta ba mexa ta stojol Diose. Ja' sventainojic o li candelero xchi'uc slusaltaque yu'un jech tsanajtic o ta jujun mal c'ac'al. Li vu'uncutique mu'yuc ta jcomtsanbecutic o smantal li Muc'ul Diose, ja' li Dios cu'uncutique. Pero li vo'oxuque laj xa acomtsanic.

Salmos 134:1

Albeic slequilal Muc'ul Dios, vo'oxuc li yajtuneloxuque, vo'oxuc ti te oyoxuc o ta xch'ulna Muc'ul Dios sjunul ac'ubale.

Éxodo 12:14

Li jun c'ac'al le'e ja' tsc'an ti mu xch'ay ta avo'ntonique. Tsc'an chapasilanic jun muc'ta q'uin sventa chavich'icun ta muc'; vu'un li Muc'ul Diosune. Ja' jun mantal chcom o ta atojolic c'alal to ta jayc'ol avalab anich'nabic.

Éxodo 16:34

Jech li Aarone te bat snac' li moch ta stuq'uil xcaxail smantal Dios jech chac c'u cha'al albil yu'un Muc'ul Dios li Moisese.

Éxodo 25:16

Ja' te xatic' ochel ta yut caxa li jmantal chacac'bote.

Éxodo 28:43

Jech te slapojic o c'alal ch-ochic ta ch'ulna ti pasbil ta nucule xchi'uc ti c'alal chnopajic ta sts'el scajleb jmoton ta spasel yabtelique. Yu'un jech mu sta smulic ta jtojol, jech mu xchamic. Ja' jech jmantal chcom o ta stojolic c'alal ta smomnich'nabic.

Éxodo 29:28

Le'e ja' yu'unic chcom li Aarón xchi'uc xnich'nabe. Ja' jech jmantal chcom o ta atojolic, vo'oxuc li israeloxuque. Li matanal chaq'uic israeletique ja' li matanal ye'bil ta jtojole xchi'uc li milbil matanal ta sventa lec chquilic vu'un li Muc'ul Diosune.

Éxodo 29:42

Le'e ja' li chic'bil matanaletic tsc'an chavaq'uilanic o ta jtojol achi'uc avalab anich'nabic te ta sti' li ch'ulna pasbil ta nucul yo' bu chajtaoxuc ta c'opanele.

Éxodo 29:44

Li ch'ulna pasbil ta nucul, xchi'uc li scajleb jmotone ts'u'iltasbil chcom o cu'un. Jech ec li Aarón xchi'uc xnich'nabe ja' ch'ul paleetic chcom o cu'un.

Éxodo 30:21

sventa mu xchamique, ac'o spoc sc'obic xchi'uc yacanic. Li mantal li'i ja' jech chcom o ta stojolic xchi'uc smomnich'nabtac li Aarone”, xi.

Éxodo 30:36

Juch'o c'uuc yepal; lec chamen xajuch'. Te xavac' ta nopol xcaxail jmantal ta ch'ulna pasbil ta nucul. Ja' no'ox stuc bats'i lequil ch'ul pom chcom te ta atojolic.

Éxodo 30:8

Xchi'uc ac'o xchic' noxtoc ta jujun bat c'ac'al ti c'alal chich' tsanel li candiletique. Le'e ja' jech tsc'an chapasic o scotol c'ac'al ta jtojol, vu'un li Muc'ul Diosune. Ja' jech chcom o c'alal ta avalab anich'nabic.

Éxodo 40:3

Te xatic' ochel ta yut ch'ulna li xcaxail jmantale; xamac lec ta poc'.

Levítico 10:9

“C'alal cha'och ta ch'ulna pasbil ta nucule, o me ja' ch-ochic li anich'nabe, mu me xavuch'ic ya'lel ts'usub xchi'uc c'usiuc no'ox yan pajubtasbil, yu'un jech mu xachamic. Ja' jun mantal ta xcom o ta atojolic c'alal ta avalab anich'nabic.

Levítico 16:34

“Ja' jech jmantal chcom o ta atojolic: ja' jun velta ta jujun jabil ac'o yac' ta ch'aybel smulic scotol li achi'iltaquique”, xi li Muc'ul Diose. Scotol c'usi i'albat yu'un Muc'ul Dios li Moisese ja' jech la spasic.

Levítico 17:7

Yu'un jech mu xa ja'uc chbat smilbeic smoton li pucujetic ti ja' to'ox yich'ojic ta muc' chac c'u cha'al sdiosique. Li'i ja' jun mantal chcom o ta atojolic c'alal ta avalab anich'nabic.

Levítico 23:14

Mu to xu' chave'ic pan; mu xu' chave'ic bacubtasbil bec' trigo, xchi'uc yaxal bec' trigo ti me mu'yuc avac'ojic li jmoton laj calboxuque. Ja' jech jmantal chcom o ta atojolic c'alal ta avalab anich'nabic ti buyuc no'ox nacaloxuque.

Levítico 23:21

“Li jun c'ac'al le'e tsc'an chapasic jun ch'ul tsobajel sventa chavich'icun ta muc'. Mu me boch'o spas jchopuc tsatsal abtel. Li'i ja' jun mantal chcom o ta atojolic c'alal ta avalab anich'nabic ti buyuc no'ox nacaloxuque.

Levítico 24:2

“Albo scotol achi'iltac ti ac'o yich'ic tal mero yaceiteal olivaetic sventa candiletic yu'un tsc'an te tsanal o scotol c'ac'al.

Levítico 24:3

Ja' oy ta sventa chchapan li Aarone yu'un jech te ac'o tsanaluc o scotol c'ac'al ta jtojol te ta ch'ulna pasbil ta nucul ta sc'al li velo ta sts'el xcaxail jmantale. Li'i ja' jun mantal chcom o ta atojolic c'alal ta avalab anich'nabic.

Levítico 24:9

Li pane ja' yu'unic o li Aarón xchi'uc xnich'nabe. Te no'ox ac'o sve'ic ta ch'ul banamil, yu'un li matanaletic chich' chiq'uel ta jventae ja' bats'i lequil ch'ul matanal c'otem”, xi li Muc'ul Diose.

Levítico 3:17

“Li'i ja' jech jmantal chcom o ta atojolic c'alal ta avalab anich'nabic ti buyuc no'ox nacaloxuque: mu xu' chati'ic li xepuale xchi'uc xch'ich'al ats'unub avovolique, uto li achi'iltaque”, x'utat yu'un Dios li Moisese.

Levítico 3:8

Ac'o yac' sc'ob ta sjol li xchije. Ts'acal ac'o smil te ta yeloval ti'ch'ulna pasbil ta nucul. Li paleetique ja' ac'o svijbeic xch'ich'al ta sba scajleb jmoton xchi'uc ta spat xocon.

Levítico 6:15

Jun pale ac'o sjop batel jopuc li arina ac'bil ta jmotone, xchi'uc li yaceiteale, xchi'uc li pom te co'ol oy xchi'uque. Ac'o xchic' te ta scajleb jmoton. Ja' chic'bil matanal sventa ana'ubilic ti lec mu yic' chc'ot ta tojol, vu'un li Muc'ul Diosune.

Levítico 7:36

Ja' Muc'ul Dios laj yal mantal ti jech ac'o yaq'uic li israeletic c'alal laj yich'ic t'ujel li paleetique. Ja' jun mantal icom o c'alal ta yalab xnich'nabic ti jech ac'o spasique.

Malaquías 2:7

Yu'un li boch'o la jtiq'uic ta paleale ja' yabtel ac'o yalic, ac'o loc'uc ta yeic li bijubtasele, xchi'uc ac'o xchanubtasic ta xch'unel jmantal li xchi'iltaquique, yu'un ja' cajtuneltac, vu'un li Muc'ul Diosun ti ta jpas ta mantal scotol te ta vinajele.

Números 18:23

Ja' no'ox levietic xu' tsventainic spasel li abtel te ta ch'ulna pasbil ta nucule, xchi'uc ja' chcom ta sventaic noxtoc me oy c'usi chopol chc'ot ta pasel yu'unic tee. Li c'usi chacalboxuc li'i, ja' jun mantal ta xcom o ta atojolic c'alal ta avalab anich'nabic. Li levietique mu'yuc chich' yosilic te ta stojol li achi'iltaquic ta israelale.

Números 18:5

Vo'oxuc no'ox oy ta aventaic spasel li abtel ta ch'ulna xchi'uc ta scajleb jmotone. Jech mu xi'ilin yan velta ta stojol li achi'iltaquic ta israelale.

Números 19:21

Li'i ja' jun mantal chcom o ta atojolic; mu xlaj sc'oplal o. Li boch'o ta svij ta ts'u'iltasbil vo' jun xchi'ile, tsc'an ac'o xchuc' lec sc'u' stuc ec. Li boch'o tspic li vo' sventa lecubtasele, soquem chcom o c'alal to ta mal c'ac'al.

Números 35:29

“Li mantaletic li'i te chcom o ta atojolic, vo'oxuc li totiloxuque, xchi'uc c'alal ta avalab anich'nabic ti buyuc no'ox chanaquiic batele.

Números 8:9

Li vo'ote, albo ti ac'o nopajicuc tal ta ch'ulna pasbil ta nucule, xchi'uc ac'o stsob sbaic tal scotol li achi'iltac ta israelale.

San Mateo 4:16

ja' li cristianoetic ti nacalic to'ox ta ic' osile laj xa yilic sac osil. Li boch'o oyic xa'ox ta sventa lajele xojoban xa luz ta stojolic”, xi ono'ox li j'alc'op Isaiase.

San Lucas 12:35

“Chapalucoxuc me, tsanaluc me acandilic scotol ora.

San Juan 5:35

Li Juane ja' toj ic'ot avu'unic, jech lec sacjaman laj avilic yu'un. Pero jliquel no'ox lec laj ava'yic li c'usi laj yalboxuque; jliquel no'ox xcuxet avo'ntonic yu'un.

2 Corintios 4:6

Yu'un li Dios ti laj yal ac'o oyuc sac osil c'alal ic' to'ox osile, ja' laj yal noxtoc ti ac'o oyuc sac osil ta co'ntontique. Yu'un jech ac'o cotquintic c'u x'elan xojobal Dios ta jtojoltic ta sventa li Jesucristoe.

2 Pedro 1:19

Jech ta jna'tic o ti ja' melel c'usi laj yalic comel li yaj'alc'optac Dios ta vo'onee. Jech tsc'an j'ech'el ac'o ach'unic o ta scotol avo'ntonic. Yu'un ja' chtun cu'untic jech chac c'u cha'al candil ti tsacubtas li ic' osil c'alal to tsacub osile, xchi'uc c'alal to chloc' tal li muc'ta c'anal sventa chac' xojobal ta avo'ntonique.

Apocalipsis 2:1

Jech laj yalbun noxtoc li Cajvaltique: “Jech xats'ibabe batel li j'almantal yu'un jtsob jch'unolajeletic ta lum Efesoe: ‘Li Boch'o stsacoj ta sbats'ic'ob vucub c'anale xchi'uc ti te chanov ta o'lol li vucub candeleroe, jech chayalboxuc:

1 Samuel 3:3

Yan li Samuele te vayem ta xch'ulna Muc'ul Dios yo' bu oy li xcaxail smantale. Tsanal to'ox li candile.

1 Samuel 30:25

(Ja' yorail jech lic spasic o scotol li israeletique; ja' jun mantal icom o yu'unic ti jech tspasique.)