Éxodo 27:2 - Bible in Tzotzil de Chenalhó with Deuterocanon

² Pasbo chanib xulub xchanjotal xchiquin, jmoj snitoj sba xapas xchi'uc li scajleb jmotone. Pixo ta bronce taq'uin scotol.

Bible in Tzotzil de Chamula

² Meltsanbo chanib xulub. Jujun xavac'be ti jujujot xchiquine, ti snitoj sba xchi'uc ti altare.

Éxodo 27:2 Iomraidhean Croise

1 Reyes 1:50

Li Adoniase ta xa xi' yu'un li Salomone, jech te ibat snac' sba ta ch'ulna; te xjoq'uet ta xulub scajleb smoton Dios.

1 Reyes 2:28

Li Joabe ja' co'ol yo'ntonic xchi'uc li Adoniase, ma'uc co'ol yo'ntonic xchi'uc li Absalone. C'alal laj ya'ay Joab li c'usi ic'ot ta pasele, ibat ta ora ta ch'ulna; te la snac' sba ta scajleb smoton Muc'ul Dios.

1 Reyes 8:64

Li ajvalile te no'ox ta sc'ac'alil la sts'u'iltas noxtoc li o'lol amac' ta yeloval ch'ulnae, yu'un ja' te laj yac' ta stojol Muc'ul Dios li chic'bil matanaletic, xchi'uc li xepual milbil matanal sventa lec ch-ilatic yu'un Diose. Yu'un li scajleb smoton Muc'ul Dios pasbil ta bronce taq'uine biq'uit no'ox. Mu x'och o li matanaletic chchiq'uique, xchi'uc li matanaletic co'ol jech chac c'u cha'al trigoe, xchi'uc li xepual milbil matanal sventa lec ch-ilatic yu'un Diose.

2 Reyes 16:14

Li scajleb smoton Dios pasbil ta bronce te oy ta yeloval ch'ulnae laj yal mantal ajvalil Acaz ti ac'o yich' loq'uesele. Te laj yaq'uic ta jot xocon ch'ulna ta stuq'uil norte. Cacal ta o'lol ic'ot yu'un li xch'ulna Muc'ul Dios xchi'uc li ach' scajleb smoton Dios la spasique.

2 Crónicas 4:1

Laj yac' ta pasel noxtoc scajleb xchic'ubil smoton Dios ta bronce. Ja' baluneb metro snatil, baluneb metro sjamalil, o'lol yo'bal metro stayalil.

Salmos 118:27

Li Muc'ul Diose ja' Dios stuc; laj xa yac'butic tal li xojobale. Liquesic xa li q'uine; ich'ic tal li xanetic c'alal to ta xulubtac scajleb smoton li Diose.

Éxodo 27:3

Scotol li c'usitic chtun te ta scajleb jmotone ta puru bronce taq'uin xapas: ja' li xch'amubil tane, li palaetique, li muc'tic tazaetique, li xluchubiltac ti'bole xchi'uc li yav ac'ale.

Éxodo 29:12

Ts'ajo sbic'tal ac'ob ta xch'ich'al; bono ta xchanibal xulub li scajleb jmotone. Li scomelale malo te ta yoc li scajleb jmotone.

Éxodo 38:30

Le'e ja' laj yich' pasel o ta snaclebtac yoyal sti' li ch'ulna pasbil ta nucule, xchi'uc ja' laj yich' pasel o scajleb smoton li Diose, xchi'uc li xchajchajtaq'uinale, xchi'uc scotol li c'usitic itun te ta scajleb smoton Diose.

Ezequiel 43:15

Li yan jts'oc xmuy batel ti bu xa chich' chiq'uel o li matanaletique ja' chib metro stayalil noxtoc. Oy chanib xulub sq'uelojic muyel ta toyol.

Levítico 16:18

ac'o loc'uc tal; ac'o bat slecubtas ta ora noxtoc li scajleb jmoton te oy ta jtojole. Ac'o stsac jutebuc li xch'ich'al ch'ium tot vacaxe xchi'uc li xch'ich'al tentsune; ac'o xjaxbe ta xulub xchi'uc ta spat xocon li scajleb jmotone.

Levítico 4:18

Ac'o sbon ta ch'ich' noxtoc li xulub scajleb jmoton ti te oy ta jtojol ta ch'ulna pasbil ta nucule. Li scomelal ch'ich'e, ac'o smal te ta yoc li scajleb xchic'ubil jmoton te ta stuq'uil ti'ch'ulna pasbil ta nucule.

Levítico 4:25

Li palee ac'o sts'aj sbic'tal sc'ob ta xch'ich'al li tentsune, ac'o sbon ta xulub scajleb xchic'ubil jmoton. Li scomelale te ac'o smal ta yoc li scajleb jmotone.

Levítico 4:7

Ac'o sbon ta ch'ich' noxtoc li xulub scajleb xchic'ubil pom ti te oy ta yut ch'ulna ta jtojol, vu'un li Muc'ul Diosune. Li scomelale ac'o smal te ta yoc li scajleb xchic'ubil jmoton ti te oy ta stuq'uil ti'ch'ulna pasbil ta nucule.

Levítico 8:15

Ja' xa stuc Moisés la smil li vacaxe. Lic sts'aj sc'ob ta xch'ich'al, la sbon ta sjoyobal xulub scajleb smoton li Diose. Li scomelale te la smal ta yoc li scajleb smoton Diose, jech ts'u'iltasbil icom o, yu'un ja' te chch'aybat li smulique.

Zacarías 9:15

Li Muc'ul Dios ti tspas ta mantal scotol te ta vinajele ta xchabi li yu'untaque, ta xpech'beic ta teq'uel sbec' xjimich'ic li j'ac'-jimich'etique. Ta xmich'ic li yajcontraique. Ta xuch'beic xch'ich'al ya'yel jech chac c'u cha'al chuch'ic ya'lel ts'usub. Ta xnoj lec xchi'uquic jech chac c'u cha'al chnoj tazaetic; ta xatinic lec jech chac c'u cha'al tsmalic ta xulub scajleb matanal.

Números 3:31

Ja' chchabiic li xcaxail smantal Diose xchi'uc li mexae, li candeleroe, li scajleb smoton Diose, xchi'uc li c'usitic voc'bil yu'un Dios ti ja' no'ox chtun sventa c'alal tstsob sbaic chich'ic ta muc' li Diose, xchi'uc li veloe, xchi'uc scotol li c'usitic yantic te chtune.

Hebreos 6:18

Jech oy chib c'usi mu xlaj sc'oplal laj yal li Diose, ja' svinajeb ti persa chc'ot ta pasel, ti mu ja'uc no'ox ch-epalc'opoje. Jech chpat lec co'ntontic, tstsatsub lec co'ntontic yu'un, vu'utic ti jch'unojtic, ti jpatoj xa co'ntontic ta jtatic li c'usi ta jmalatique.