Éxodo 27:19 - Bible in Tzotzil de Chenalhó with Deuterocanon

¹⁹ Scotol li c'usitic chtun c'alal chatsob abaic te ta ch'ulna pasbil ta nucule tsc'an ta bats'i bronce taq'uin xapas. Jech noxtoc li ste'eltac sventa bu chich' nituanel o spoc'al ch'ulna xchi'uc spoc'al yamaq'uile tsc'an ta bats'i bronce xapas.

Bible in Tzotzil de Chamula

¹⁹ Scotol ti c'usitic ta xtun ti c'alal ta spasbeic yich'obil ta muc' Dios ti ta Axibalnae, nacauc ta c'anal taq'uin jech c'u cha'al ti spajobte'altaque, xchi'uc ti spajobte'altac ti ta xtun ta yamaq'uile.

Éxodo 27:19 Iomraidhean Croise

Esdras 9:8

Muc'ul Dios cu'un, li' ta orae ta sventa xa no'ox slequil avo'nton ti licolcutic to tal avu'un ti c'u quepal li' tsoboluncutique, yu'un jech jun co'nton xu' li' chinaquicutic avu'un ta ch'ul banamile. Laj to avac'bun quilcutic saquil osil, yu'un laj to acoltauncutic jliqueluc ta sventa li mozoinel chquich'cutique.

Éxodo 27:18

Li yamaq'uil ch'ulnae ja' vo'ob yoxvinic (50) metro snatil; ja' chib xcha'vinic metro xchi'uc o'lol (22 1/2) li sjamalile. Ja' jech ta xcha'jotal xocon. Li sjamalil spoc'ale ja' chib metro xchi'uc jch'ix xchi'uc oxc'ob, paso ta puru lino no ti lec ts'otbile, li snaclebe paso ta bronce taq'uin.

Éxodo 27:20

“Albo mantal achi'iltac ta israelal ti ac'o yich'beic tal yaceiteal olivaetique yu'un jech xu' chatsan scotol c'ac'al li candiletique.

Éxodo 27:3

Scotol li c'usitic chtun te ta scajleb jmotone ta puru bronce taq'uin xapas: ja' li xch'amubil tane, li palaetique, li muc'tic tazaetique, li xluchubiltac ti'bole xchi'uc li yav ac'ale.

Éxodo 35:18

xchi'uc li bic'tal te'etic sventa chich' nituanel o li ch'ulnae, xchi'uc li scoralile, xchi'uc li yaq'uiltaque.

Éxodo 38:20

Scotol li te'etic sventa snitubil spoc'al ch'ulnae xchi'uc sventa snitubil spoc'al yamaq'uil ta joyobe pasbilic ta bronce.

Éxodo 38:31

Xchi'uc ja' la spasic o ta bronce noxtoc li snaclebtac xchi'uc li bic'tal te'etic sventa chich' nituel o li ch'ulnae xchi'uc li scoralil yamaq'uile, xchi'uc li snaclebtac yoyal sti' yamaq'uil ch'ulnae.

Éxodo 39:40

Laj yac'beic noxtoc li poq'uetic sventa yamaq'uil ch'ulnae, xchi'uc li yoyaltaque, li snaclebtac yoyale, li poc' sventa smac sti' yamaq'uil ch'ulnae, li yaq'uiltaque, li te'etic sventa chich' nituanel oe, xchi'uc scotol li c'usitic chtun te ta ch'ulna pasbil ta nucule.

Eclesiastés 12:11

Li sc'op boch'otic bijique ja' jech chac c'u cha'al c'usi lec ts'ubts'ub sni', li bic'tal chanubtaseletique ja' jech chac c'u cha'al lavuxetic ts'apajtic lec ta te', yu'un ja' yac'oj stuc li Jchabichije.

Isaías 33:20

Q'uelavil li Sione, ja' li lum ti bu ono'ox ta jpastic q'uinetic cu'untique. Ac'o batel asat te ta lum Jerusalene, ja' li lum ti jun co'ntontic tee, ja' jun lum ti mu xa stac' jinesele, ti mu stac' bulbel jbejuc ste'eltaque, ti mu stac' tuch'bel jbejuc yaq'uile.

Zacarías 10:4

Te ta xloc' ta stojolic li ton chtun ta sventa chiquin nae, xchi'uc li lucaxte' sventa chich' nituel o carpanae. Te ta xloc' ta stojolic li flecha sventa pasc'ope; te ta xloc' ta stojolic scotol li banquilaletique.

Números 3:37

Xchi'uc ja' oy ta sventaic noxtoc chchabiic li yoyaltac corale, xchi'uc li snacleb yoyal smaque, xchi'uc li yantic te'etique, xchi'uc li yaq'uiltaque.

Números 4:32

Ja' chich'ic batel noxtoc yoyaltac li coral ti setbil o li ch'ulnae, xchi'uc li snaclebtac yoyale, xchi'uc li yantic ste'eltaque, xchi'uc li c'usitic yan chtun yu'unic sventa ch-abtejique. Vo'ot avabtel chavalbe ya'yic lec li c'usitic ja' yabtel chich'ic batele.