Éxodo 27:16 - Bible in Tzotzil de Chenalhó with Deuterocanon

¹⁶ Li sti' yamaq'uile ac'bo baluneb metro spoc'al, yax'elantic sba, capal ta ic'ic'tic sba stsajal, ta bats'i tsoj, xchi'uc ta lino no ti lec ts'otbile. Lec c'upilic sba xluchal xapasbe. Ac'bo chanib yoyal xchi'uc chanib snacleb.

Bible in Tzotzil de Chamula

¹⁶ Ti ta ochebal yamaq'uile, oyuc me baluneb metro sjamlej poq'uetic ti ic'-ic' losantic sba stsajale, ti yax'elan xyaxale, ti tsajal poq'ue, ti saquil poc' ti polajtic sts'otbenal ti luchbil lec xnichimale. Oyuc xtoc chanib yoyal xchi'uc ti chanib spajlebe.

Éxodo 27:16 Iomraidhean Croise

Salmos 45:14

Slapoj batel lec c'upilic sba sc'u' spoc' ti c'alal ch-ic'at batel ta stojol ajvalile. Chi'inbil batel yu'un yantic tojol tsebetic; ja' xchi'iltac c'alal chc'ot ta stojol li ajvalile.

Éxodo 26:31

“Paso jlicuc velo ta yax'elan poc', xchi'uc ta ic'ic'tic sba stsajal, ta bats'i tsoj, xchi'uc ta lino ti lec ts'otbile. Luchtao chib sloc'obal querubinetic.

Éxodo 26:36

“Li smac sti' ch'ulnae pasbo jlicuc poc' yax'elantic sba, xchi'uc ic'ic'tic sba stsajal, xchi'uc ta bats'i tsoj, xchi'uc ta lino ti lec ts'otbile. Lec c'upilic sba xluchal xapas.

Éxodo 27:15

Ta yan jote ja' vucub metro xavac'be, xchi'uc oxib yoyal, oxib snacleb noxtoc.

Éxodo 27:17

Scotol li yoyal yamaq'uil ch'ulnae tsc'an oy slucajtic taq'uinal, xchi'uc xotajtic taq'uinal pasbil ta saquil taq'uin, xchi'uc tsc'an oy snaclebtac ta bronce taq'uin.

Éxodo 28:39

“Paso ta lino no li natil c'u'il ti oy sc'obe, xchi'uc li xpix sjol palee. Li xchuquilale lec luchtabil xapas.

Éxodo 36:37

La spas noxtoc jlic poc' sventa sti' li ch'ulna pasbil ta nucule. Ja' jalbil ta yax'elan poc', ic'ic'tic sba stsajal, bats'i tsoj, xchi'uc ts'otbil lino no. Lec c'upil sba xluchal la spasbe.

Éxodo 39:29

Li chuquile ja' pasbil ta ts'otbil lino no, ta yax'elan no, ta ic'ic'tic sba stsajal, ta bats'i tsoj, lec c'upil sba laj yich' pasel jech chac c'u cha'al albil yu'un Muc'ul Dios li Moisese.

Números 3:26

xchi'uc li poq'uetic sventa smac sti' scoralil ch'ulnae, xchi'uc li poq'uetic ti macbil o li coral yo' bu comen li scajleb smoton Diose, xchi'uc li ch'ojonetique.

Jueces 5:30

‘Yu'un ta svoq'uilanbe sbaic c'usitic la staic ti c'alal itsalvanic ta pleitoe. Jun, o me chib tseb chiq'uic jujunic. Li c'u'iletic ti c'upil sba sbone ja' yu'un li Sisarae. Ja' li c'u'il ti ep ta chop scape; ja' sventa tsts'ot o snuc' li boch'o itsalvane’, xi.