Éxodo 26:36 - Bible in Tzotzil de Chenalhó with Deuterocanon

³⁶ “Li smac sti' ch'ulnae pasbo jlicuc poc' yax'elantic sba, xchi'uc ic'ic'tic sba stsajal, xchi'uc ta bats'i tsoj, xchi'uc ta lino ti lec ts'otbile. Lec c'upilic sba xluchal xapas.

Bible in Tzotzil de Chamula

³⁶ “Ti ta ochebal sti' ti Axibalnae, ta xavac'be ti muc' ta poc' ti ic'-ic' losantic sba stsajale, ti yax'elan xyaxale, ti tsajal poq'ue, ti saquil poc' ti polajtic sts'otbenale, ti luchbiquil lec xnichimale.

Éxodo 26:36 Iomraidhean Croise

2 Samuel 7:6

Yu'un c'alal la jloq'uesic tal ta Egipto li achi'iltac ta israelale, mu'yuc ono'ox bu xinaqui ta ch'ulna c'alal to tana. Ta unin carpanaetic no'ox linaqui batel buyuc no'ox lixanov.

Salmos 78:60

Jech noxtoc la scomtsan o li xch'ulna te ta Siloe, ja' li sna ti bu to'ox inaqui xchi'uc yu'untaque.

Éxodo 26:31

“Paso jlicuc velo ta yax'elan poc', xchi'uc ta ic'ic'tic sba stsajal, ta bats'i tsoj, xchi'uc ta lino ti lec ts'otbile. Luchtao chib sloc'obal querubinetic.

Éxodo 27:16

Li sti' yamaq'uile ac'bo baluneb metro spoc'al, yax'elantic sba, capal ta ic'ic'tic sba stsajal, ta bats'i tsoj, xchi'uc ta lino no ti lec ts'otbile. Lec c'upilic sba xluchal xapasbe. Ac'bo chanib yoyal xchi'uc chanib snacleb.

Éxodo 28:15

“Li vorxapoq'ue xchi'uc li c'usitic yich'oj sventa tsna' o c'usi ta jc'ane, ja' jech xapas jech chac c'u cha'al li mocan c'u'ile. Pasbo lec xnichimal noxtoc. Paso ta c'anal taq'uin, ta yax'elan poc' xchi'uc ta ic'ic'tic sba stsajal, ta bats'i tsoj, xchi'uc ta ts'otbil lino no.

Éxodo 28:39

“Paso ta lino no li natil c'u'il ti oy sc'obe, xchi'uc li xpix sjol palee. Li xchuquilale lec luchtabil xapas.

Éxodo 35:11

Ja' li ch'ulnae, xchi'uc li nuculetique, xchi'uc li poq'uetique, li lucajtic taq'uine, li tenalte'etique, li sc'atubte'altaque, li yoyaltaque, li snaclebtaque,

Éxodo 35:15

li scajleb xchic'ubil pom xchi'uc xq'uechubiltaque, li aceite sventa ich'ub abtelale, li pome, xchi'uc li poc' sventa smac sti' ch'ulnae,

Éxodo 36:37

La spas noxtoc jlic poc' sventa sti' li ch'ulna pasbil ta nucule. Ja' jalbil ta yax'elan poc', ic'ic'tic sba stsajal, bats'i tsoj, xchi'uc ts'otbil lino no. Lec c'upil sba xluchal la spasbe.

Éxodo 38:18

Li spoc'al sti' yamaq'uil ch'ulnae lec c'upil sba pasbil. Ja' jalbil yax'elan poc', ic'ic'tic sba stsajal, bats'i tsoj, xchi'uc ta ts'otbil lino no. Ja' baluneb metro sjamalil. Ja' chib metro xchi'uc oxc'ob snatil. Co'ol snatil xchi'uc li yantique.

Éxodo 39:29

Li chuquile ja' pasbil ta ts'otbil lino no, ta yax'elan no, ta ic'ic'tic sba stsajal, ta bats'i tsoj, lec c'upil sba laj yich' pasel jech chac c'u cha'al albil yu'un Muc'ul Dios li Moisese.

Éxodo 39:33

Jech te lic yac'beic ta sc'ob Moisés li ch'ulna pasbil ta nucule xchi'uc scotol li c'usitic te chtune: ja' li lucajtic taq'uinetique, li stenalte'altaque, li sc'atubte'altaque, li yoyaltaque, li snaclebtac yoyale,

Éxodo 40:5

Li scajleb xchic'ubil pom pasbil ta c'anal taq'uine te xavac' ta yeloval li xcaxail jmantale, xchi'uc te xajoc'an noxtoc li poc' ta sti' ch'ulnae.

Ezequiel 16:10

Laj cac'bot lec luchtabil ac'u'; laj cac'bot lec axonob pasbil ta lequil nucul. Laj cac'bot lec achuc pasbil ta lino no; la jpixot lec ta lequil poc'.

Números 3:25

Ja' ic'ot ta sventaic xchabiel li ch'ulna pasbil ta nucule. Ja' yabtel tsq'uelic lec li nuculetic sventa smac sjole, xchi'uc li poq'uetic sventa smac sti'e,

Números 9:15

Ta sc'ac'alil c'alal imeltsaj lec yu'unic li ch'ulna pasbil ta nucule, ipixat ta toc. C'alal ch-ic'ub osile, te ta xac' sba ta sba li ch'ulna pasbil ta nucule. Ta xc'ataj ta c'oc', ja' to chtu'p ti c'alal ta sacub osile.

San Juan 10:9

Vu'un li ti'coralune; scotol li boch'otic ta x'ochic ta jtojole ja' chcolic. Jech xloc' x'ochic no'ox ta scoralic, jech tsta lec sve'elic.

San Juan 14:6

Li Jesuse jech laj yal: —Vu'un li beune, vu'un li melelune, vu'un li cuxlejalune. Mu'yuc boch'o xu' chbat ta stojol Jtot ti me mu xtal ta jtojole.