Éxodo 26:33 - Bible in Tzotzil de Chenalhó with Deuterocanon

³³ Ja' te xajoc'an ta lucajtic taq'uin li poq'ue. Ja' te xatic' ochel ta spat li xcaxail jmantale. Li poq'ue ja' sventa voc'ol chc'ot li ch'ul cuarto, xchi'uc li bats'i lequil ch'ul cuartoe.

Bible in Tzotzil de Chamula

³³ Va'i un, tey xajoc'an ti muc' ta poc' ti ja' stsacoj ti xotbil oroe. Ti tey ta spat ti bu lich'il ti muc' ta poq'ue, tey xavac' xcaxail ti tratee. Ja' yu'un un, ti muc' ta poc' taje, ja' ta xtun avu'unic sventa smac yo' ch'acal ta xcom ti ch'ul cuartoe xchi'uc ti Bats'i Cuxul Ch'ul Cuartoe.

Éxodo 26:33 Iomraidhean Croise

1 Reyes 6:16

Jech noxtoc li jun cuarto ta slajeb xa yut ch'ulnae la xpix ta tenalte' pasbil ta c'uc'toj xlic ta banamil c'alal to ta sjol. Ja' baluneb metro snatil. Ja' li bats'i lequil ch'ul cuartoe.

1 Reyes 8:10

C'alal iloq'uic tal ta ch'ulna li paleetique, inoj ta toc li ch'ulna yu'un Muc'ul Diose.

1 Reyes 8:6

Li paleetique la stiq'uic ochel ta yut ch'ulna li xcaxail smantal Muc'ul Diose. Te laj yaq'uic ta yav ta bats'i lequil ch'ul cuarto te ta yolon xic' li sloc'obal querubinetique.

2 Crónicas 3:8

Jech noxtoc li yut bats'i lequil ch'ul cuartoe ja' baluneb metro snatil jech chac c'u cha'al sjamalil li ch'ulnae, xchi'uc baluneb metro sjamalil. Ts'acal la smac lec ta lequil c'anal taq'uin; ja' nopol jtob ta mil (20,000) kilo laj yich' ta scotol.

Éxodo 25:16

Ja' te xatic' ochel ta yut caxa li jmantal chacac'bote.

Éxodo 26:32

Pasbo chanib yoyal ta acacia te'; pixo lec ta c'anal taq'uin. Ac'bo jayibuc lucajtic taq'uin sventa chajoc'an o ta yoyal. Li yoyale pasbo snacleb ta saquil taq'uin.

Éxodo 27:10

Jtob (20) yoyal xavac'be xchi'uc jtob (20) snacleb ta bronce taq'uin. Ac'bo slucajtic taq'uinal xchi'uc xotajtic taq'uinal pasbilic ta saquil taq'uin.

Éxodo 27:21

Li Aarón xchi'uc xnich'nabtaque ja' tsventainic o sq'uelel lec li candiletique, yu'un jech xu' te tsanal o ta jtojol scotol ac'ubal ta ch'ulna cu'un ti bu chac'opanicun ta spat li poc' yo' bu oy xcaxail jmantale. Li'i ja' jun mantal chcom o ta atojolic c'alal ta avalab anich'nabic.

Éxodo 36:36

Xchi'uc la spasbe jayibuc slucajtic taq'uinal; te la sjoc'an ta chanib yoyaltac pasbil ta acacia te'. Li yoyaltaque pixbil lec ta c'anal taq'uin, xchi'uc ac'bil chanib snacleb pasbil ta saquil taq'uin.

Éxodo 40:3

Te xatic' ochel ta yut ch'ulna li xcaxail jmantale; xamac lec ta poc'.

Ezequiel 41:4

Ts'acal la sbis li xcha'c'olal cuartoe; ja' lajuneb metro snatil jujujot. Jech laj yalbun: “Li'i, ja' li bats'i lequil ch'ul cuartoe”, xiyutun.

Levítico 16:2

Jech i'albat: “Albo abanquil Aarón ti mu me c'usiuc no'ox ora ch-och ta yut ch'ulna pasbil ta nucul te ta xcha'c'olal ta spat yo' bu joc'ol li poc' te ta yeloval smac caxae yu'un jech mu xcham. Yu'un li vu'une te chtal cac' jba ta ilel ta jun toc ta sba smac li caxae.