Éxodo 26:1 - Bible in Tzotzil de Chenalhó with Deuterocanon

¹ “Paso jbej ch'ulna ta nucul, ta lajunlic lino poc' ti lec ts'otbile, xchi'uc ta yax'elan poc', ta ic'ic'tic sba stsajal, xchi'uc ta bats'i tsoj. Pasbo lec xluchal; loc'tao chib querubinetic.

Bible in Tzotzil de Chamula

¹ “Ta xameltsan Axibalna. Ta xavac'be lajunlic (10) smac ta saquil poc' ti polajtic ts'otbenale, ti ic'-ic' losantic sba tsajal poq'ue, ti yax'elan yaxal poq'ue, xchi'uc ti tsajal poq'ue. Taje, ta xaluchbe chib sloc'obbail ti c'usi oy xiq'ue.

Éxodo 26:1 Iomraidhean Croise

2 Samuel 7:2

jech lic yalbe li j'alc'op Natane: —Q'uelavil, li vu'une nacalun xa ta jpasubmantal ti pasbil lec ta ch'ut te'e. Pero li xcaxail smantal Diose ja' no'ox macbil ta jlic poc' —xut.

1 Reyes 6:29

Scotol li spac'benal ta spat xocon ch'ulna xchi'uc ta yute laj yac' ta loc'tael sloc'obal querubinetic, sloc'obal xanetic, xchi'uc sloc'obal nichimetic.

1 Crónicas 17:1

C'alal nacal xa'ox ta spasubmantal li ajvalil Davide, jech lic yalbe li j'alc'op Natane: —Q'uelavil, li vu'une nacalun xa ta jpasubmantal ti pasbil lec ta ch'ut te'e, pero li xcaxail smantal Muc'ul Diose te no'ox vuchul ta yolon poq'uetic —xut.

1 Crónicas 21:29

Yu'un li ch'ulna pasbil ta nucul ti la spas li Moisés te ta xocol banamile xchi'uc li scajleb xchic'ubil smotone te oy ta yav te ta lum Gabaón.

Éxodo 25:18

Ac'o chib sloc'obal querubinetic ta jujujot sjol pasbil ta c'anal taq'uin, tenbil lec ta martillo xapas.

Éxodo 25:4

yax'elan poc', ic'ic'tic sba stsajal, bats'i tsoj, lequil lino no, jalbil tsotsil tentsun,

Éxodo 25:8

Pasbicun junuc jch'ulna sventa te chajchi'inoxuc.

Éxodo 26:2

Scotol li poq'uetique co'ol smuc'tiquil xapas: ja' o'lol yoxlajunebal metro li snatile; ja' chib metro li sjamalile.

Éxodo 26:31

“Paso jlicuc velo ta yax'elan poc', xchi'uc ta ic'ic'tic sba stsajal, ta bats'i tsoj, xchi'uc ta lino ti lec ts'otbile. Luchtao chib sloc'obal querubinetic.

Éxodo 26:36

“Li smac sti' ch'ulnae pasbo jlicuc poc' yax'elantic sba, xchi'uc ic'ic'tic sba stsajal, xchi'uc ta bats'i tsoj, xchi'uc ta lino ti lec ts'otbile. Lec c'upilic sba xluchal xapas.

Éxodo 31:7

ja' li ch'ulna pasbil ta nucule, li xcaxail jmantale, li smac caxae, xchi'uc scotol li c'usitic chtun te ta ch'ulna pasbil ta nucule.

Éxodo 35:11

Ja' li ch'ulnae, xchi'uc li nuculetique, xchi'uc li poq'uetique, li lucajtic taq'uine, li tenalte'etique, li sc'atubte'altaque, li yoyaltaque, li snaclebtaque,

Éxodo 35:35

ac'bil xa lec sbijilic ta sventa c'usiuc no'ox tsc'an pasel, me xch'ulel, o me sbisel li c'usi pasel tsc'ane, me spasbel xnichimal yax'elan poc', me ic'ic'tic sba stsajal, o me bats'i tsajal poc', o me poc' pasbil ta lequil lino no. Xchi'uc lec sna'ic sjalel c'usiuc tsc'an pasel ti c'upilic sbae.

Éxodo 35:6

yax'elan poc', ic'ic'tic sba stsajal, bats'i tsoj, poc' pasbil ta lequil lino no, xchi'uc jalbil tsotsil tentsun.

Éxodo 36:35

Jech noxtoc la spas li poc' ti yax'elantic sbae, ti ic'ic'tic sba stsajale, ti bats'i tsoje, xchi'uc li ts'otbil lino noe. Ja' xluchal ic'ot yu'un li chib sloc'obal querubinetique.

Éxodo 39:3

Li c'anal taq'uine la stenic lec ta martillo; lec joy ibat yu'unic. Jich'ilic la silic jech chac c'u cha'al no; ja' la scapic o ta jalel xchi'uc li yax'elan poq'ue, li ic'ic'tic sba stsajale, li bats'i tsoje, xchi'uc li ts'otbil lino noe.

Éxodo 40:2

“Ta sba c'ac'al li sliqueb ue xu' xa chlic ava'anic li ch'ulnae, ja' li ch'ulna bu ta jta jbatic ta c'opanele.

Números 3:25

Ja' ic'ot ta sventaic xchabiel li ch'ulna pasbil ta nucule. Ja' yabtel tsq'uelic lec li nuculetic sventa smac sjole, xchi'uc li poq'uetic sventa smac sti'e,

Números 4:25

Ja' chich'ic batel li poq'uetic sventa ch'ulna pasbil ta nucule, xchi'uc stuc li ch'ulna pasbil ta nucule, xchi'uc li lequil nuculetic ti macbil o sjole, xchi'uc li poc' ti macbil o sti' li ch'ulna pasbil ta nucule.

San Juan 1:14

Li C'ope la spas sba ta cristiano. La xchi'inuncutic ta naclej. Laj quilbecutic slequilal yutsilal, ja' slequilal yutsilal li jun no'ox Xnich'on Diose.

San Juan 2:21

Li ch'ulna laj yal Jesuse ja' sc'oplal sbec'tal stuc.

Hebreos 8:2

Ja' xa te ch-abtej ta mero ch'ulna ti ja' la sva'an stuc li Cajvaltique; muc va'anbiluc yu'un cristiano.

Hebreos 9:2

Yu'un li ch'ulna pasbil ta nucule ja' jech pasbil chac li'i: Li sba c'olal scuartoal yo' bu oy li candelero xchi'uc mexae xchi'uc li pan ac'bil ta stojol Diose, ja' ch'ul cuarto sbi.

Hebreos 9:9

Le'e ja' senyail li c'usi c'otem ta pasel li' ta orae. Yu'un li matanaletic xchi'uc li milbil matanaletique mu'yuc c'usi ivu' yu'un, yu'un muc j'ech'eluc xlecubic o; muc spas o ta jun yo'ntonic li boch'otic jech la spasique.

Apocalipsis 19:8

I'ac'bat xa slap sc'u' pasbil ta lino no, bats'i sac ta jyalel, oy xojobal. Yu'un li lequil lino noe ja' senyail li c'usitic tuc' spasojic li boch'o voc'bilic yu'un Diose”, xiic.

Apocalipsis 21:3

Laj ca'ay oy boch'o tsots chc'opoj tal ta muc'ta chotlebal, jech laj yal: “Q'uelo avilic, li'i ja' xa snaic xchi'uc cristianoetic li Diose. Te ta xchi'in o ta naclej. Ja' xa steclumal chc'ot o, jech ec li stuquique ja' Dios yu'unic o.