Éxodo 24:4 - Bible in Tzotzil de Chenalhó with Deuterocanon

⁴ Ja' yu'un li Moisese la sts'iba scotol li c'usitic i'albat yu'un Muc'ul Diose. Ta yoc'omal sob ilic; la slatsbe jun scajleb smoton Dios te ta yoc vits. La sva'an yan lajcha'bej tonetic, jujubej ta sventa jujuchop israeletic.

Bible in Tzotzil de Chamula

⁴ Va'i un, ti Moisese laj sts'iba scotol ti c'u s'elan albat yu'un ti Diose. Sob xa lic ta yoc'omal. Laj smeltsan jun altar ta yoc ti vitse, ti laj slats lajcha'bej (12) t'ujbil tone, ti jujubej yu'unic ti jujuvoc' snitilultac ti Israele.

Éxodo 24:4 Iomraidhean Croise

Génesis 12:7

Li Muc'ul Diose te laj yac' sba ta ilel ta stojol li Abrame. Jech laj yalbe: “Li banamil li'i ja' ta xcac'beic li amomnich'nabtaque”, x'utat. Ja' yu'un li Abrame te lic spasbe jun scajleb smoton li Muc'ul Diose yu'un chich' ta muc' ta sventa ti laj yac' sba ta ilel ta stojole.

Génesis 28:18

C'alal isacub ta yoc'omale, sob ilic li Jacobe. Li ton ti la xonjoline, la sva'an. La spaj ta banamil sventa sna'ubil yu'un; la smalbe aceite.

Génesis 28:22

Li ton ti la jva'an sventa sna'ubil cu'une, ja' sna Dios ta xc'ot”, xi. Jech lic sc'opan Dios: “Dios cu'un, scotol li c'usitic chavac'bune ta xcac'bot li jujun ta lajlajunebe”, xi.

Génesis 31:45

Ja' yu'un li Jacobe la stam jbej ton; la spaj ta banamil. Ja' sna'ubil ti lec chapal icom sc'opique.

1 Reyes 11:30

Li j'alc'op Ahiase la sloc' li ach' c'u'il slapoje; biq'uitic la sli'; la spas ta lajcha'lic.

1 Reyes 18:31

La stsac lajcha'bej ton yu'un jech lajcha'chop ibat li xnich'on Jacob, ja' li boch'o jech ono'ox i'albat yu'un Muc'ul Diose: “Israel ta xc'ot abi”, ti x'utate.

Esdras 6:17

La smilic ta smoton Dios vo'vinic (100) ta cot ch'ium vacaxetic, lajunvinic (200) ta cot tot chijetic, chanib ciento (400) ta cot ch'ium chijetic. Xchi'uc laj yaq'uic lajcha'cot tot tentsunetic, jujucot ta sventa xch'ayubil smulic ta jujuchop sts'unubal li israeletique.

Nehemías 10:1

Li boch'otic laj yac' sfirmaique ja' li'i: Vu'un li Nehemiasun xnich'onun Hacaliase, vu'un li ajvalilune; xchi'uc Sedequías,

Éxodo 17:14

Li Muc'ul Diose jech laj yalbe li Moisese: —Albo Josué ti j'ech'el ta jtu'pbe o sts'unubalic ta banamil li amalequetique. Xchi'uc ts'ibao ta vun sventa svulesubil ta avo'ntonic —xut.

Éxodo 17:15

Li Moisese la spas jun scajleb smoton Dios. “Li Muc'ul Diose ja' bandera cu'un”, xi sbi laj yac'be.

Éxodo 21:1

“Li'i ja' mantaletic ti tsc'an chavalbe ya'yic li achi'iltaque:

Éxodo 24:7

Ts'acal la stsac li svunal c'usi chapanbile, laj yapta ta stojol scotol li israeletique. C'alal laj ya'yique, jech laj yalic: —Ta jch'uncutic, ta jpascutic scotol li c'usitic laj yal Muc'ul Diose —xiic.

Éxodo 28:21

Li tonetique lajchab (12) tsc'an, yu'un lajcha'chop (12) sbiic li xnich'nab Israele. Ta jujubej tone te ac'o yich' nacanbel sbi li jujuchop israeletique, ja' jech ac'o yich' pasel jech chac c'u cha'al sello.

Éxodo 34:27

Li Muc'ul Diose jech laj yalbe li Moisese: “Ts'ibao li c'opetic li' chacalbote, yu'un ja' mero yibel li c'usi la jchapan ta atojolic xchi'uc li achi'iltac ta israelale”, xut.

Isaías 19:19

Jech noxtoc chlic ayinuc scajleb smoton Muc'ul Dios te ta o'lol Egipto banamil, xchi'uc chlic sva'anic jbej ton sventa Muc'ul Dios te ta sts'aquil yosilalic.

Levítico 24:5

“Pasic lajchabuc (12) pan ta arina ti bu ven leque; ja' o'lol yo'bal kilo arina xapasic li jujun pane.

Números 17:2

“Albo scotol achi'iltac ta israelal ti ac'o yich'ic tal jujuch'ixuc snamte'ic li jujun banquilaletic yu'unic ta jujuchope; ja' lajcha'ch'ix namte'al ta scotol. Ts'ibabo sbiic ta snamte'ic jujunic.

San Lucas 22:30

Yu'un jech te chave'ic, chavuch'ic vo' ta jmexa ti bu ta jpas mantale. Jech noxtoc te chachotiic ta chotlebaletic sventa chachapanic li lajcha'chop israeletique”, xi li Jesuse.

Gálatas 2:9

C'alal laj yilic c'u x'elan cabtel ac'bilun yu'un Dios li Santiago xchi'uc Pedro xchi'uc Juan ti ja' jech ilbilic jech chac c'u cha'al mero yoyale, la stsacbun jbats'ic'obcutic jchi'uc li Bernabee. Ja' svinajeb ti jchi'il jbacutic ta abtel jcotolcutique. Vu'un chituncutic o ta stojol li yanlum cristianoetique. Jech ec li stuquique ja' te chtunic o ta stojol li boch'otic yich'ojic circuncisione.

Deuteronomio 31:9

Li Moisese la sts'iba scotol li mantaletique, ja' laj yac'be ta sc'ob li pale levietique, xchi'uc scotol li banquilaletic yu'un israeletique. Yu'un li levietique ja' yich'ojbeic xcaxail li smantal Muc'ul Diose.

Josué 4:20

Li Josuee ja' te lic slats li lajcha'bej ton laj yich'ic tal ta uc'um Jordane.

Josué 4:5

Jech laj yalbe: “Ochanic batel ta mero o'lol yut uc'um Jordán te ta stuq'uil li xcaxail smantal Muc'ul Dios cu'untique. Tamic tal jujubejuc ton; cajano tal ta anecubic. Ja' lajcha'bej ta scotol; ja' jujubej chc'ot ta sventa li jujuchoputique.

Apocalipsis 21:14

Li coraltone oy lajcha'coj snacleb. Ta jujucoje te ts'ibabil sbi jujun li lajchab yajtacbolaltac Ch'ium Chije.