Éxodo 24:3 - Bible in Tzotzil de Chenalhó with Deuterocanon

³ Li Moisese ivul yalbe xchi'iltac scotol li mantaletic xchi'uc li c'usitic yan laj yal Muc'ul Diose. Scotolic jech itac'ovic: —Ta jpascutic scotol li c'usitic laj yal Muc'ul Diose —xiic.

Bible in Tzotzil de Chamula

³ Jech ti Moisese loc' batel, bat yalbe ya'i ti israeletic scotol ti c'u s'elan pasatic ta mantal yu'un ti Diose. Scotolic, jun sc'opic xi laj yalique: —Ta jpascutic scotol ti c'u s'elan laj yal mantal ti Diose.

Éxodo 24:3 Iomraidhean Croise

2 Crónicas 15:14

X'avetic no'ox ta yalel, la st'abbeic sbi Muc'ul Dios; la sjupan yoq'uesic xchi'uc xcachuic.

2 Crónicas 15:15

Scotol li jchop yu'un Judae toj xcuxet no'ox yo'ntonic ti jech laj yich' alel ta stojol Diose, yu'un scotol yo'ntonic ti jech laj yalic ta jamale. Solel yutsil yo'ntonic laj yac' sbaic ta stojol li Muc'ul Diose, jech ec li Muc'ul Diose laj yac' sba ta stojolic. Jech ipajesbatic pleito ta buyuc no'ox, jech jun no'ox yo'ntonic o.

Salmos 50:5

Jech chal: “Tsobo tal scotol li boch'o tuc' yo'ntonic ta jtojole, ja' li boch'otic oy c'usi la jchapan jchi'uque, ti laj yac'bicun milbil matanale”, xi.

Éxodo 19:8

C'alal laj ya'yic li israeletique jech laj yal scotolic: —Scotol li c'usi laj yal Muc'ul Diose ta jpascutic —xiic. Jech li Moisese bat yalbe Muc'ul Dios c'u x'elan itac'ov li israeletique.

Éxodo 24:2

Ja' no'ox vo'ot xu' chanopaj tal ta jtojol; li yantique mu xu' chnopajic tal, xchi'uc mu me xachi'in muyel tal li yantic achi'iltaque —x'utat.

Éxodo 24:7

Ts'acal la stsac li svunal c'usi chapanbile, laj yapta ta stojol scotol li israeletique. C'alal laj ya'yique, jech laj yalic: —Ta jch'uncutic, ta jpascutic scotol li c'usitic laj yal Muc'ul Diose —xiic.

Jeremías 11:4

Ja' li c'usi jchapanoj ono'ox ta sventaic li amoltotic c'alal la jloq'uesic tal ta Egipto banamile, ja' li lum ti xco'laj xchi'uc horno sventa yunijesbil taq'uine. Jech laj calbeic: A'ibicun li jc'ope, ch'unic li c'usi chacalboxuque; pasic me scotol, jech jteclumaloxuc chac'otic o, jech vu'un Diosun chic'ot o avu'unic ec.

Jeremías 34:13

“Vu'un li Muc'ul Diosun yu'un Israele jech chcal: C'alal la jloq'ues tal ta Egipto banamil li amoltot ayame'ic ta vo'one ti bu mozoinbilic to'oxe, oy c'usi la jchapan jchi'uc, jech laj calbe:

Hageo 2:5

“Jech chac c'u cha'al laj ono'ox calboxuc c'alal laloq'uic tal ta Egiptoe, ja' jech li' oy o ta atojolic li jtsatsale; mu me xaxi'ic.

Malaquías 2:10

¿Me mu junuc no'ox jtotic jcotoltic? ¿Me mu junuc no'ox Dios la spasutic? ¿C'u yu'un ti ta jlo'laan jbatic, ti ta jmacbe jba jsatic yu'un jech ta jsoquestic o c'usi la xchapanic xchi'uc Dios li jtot jme'tic ta vo'onee?

Deuteronomio 11:1

“Li vo'oxuque c'anic me li Muc'ul Dios cu'untique. Ch'unbeic li sc'ope xchi'uc li smantaltaque xchi'uc li c'usitic yan yaloje.

Deuteronomio 4:1

“Jchi'iltac israeletic, a'yo me ava'yic li mantaletic xchi'uc li c'usitic yan la jchanubtasoxuque. Pasilanic me scotol ora yu'un jech jun avo'nton chanaquiic, xchi'uc jech chavich'ic li avosilic ti yaloj ono'ox Muc'ul Dios chayac'boxuque, ja' li Dios yu'un jmoltotactic ta vo'onee.

Deuteronomio 4:45

xchi'uc scotol li mantaletique xchi'uc li c'usitic yan ti laj ono'ox yalbe c'alal iloq'uic tal ta Egiptoe.

Deuteronomio 4:5

Li vu'une laj calboxuc ava'yic scotol li mantaletique xchi'uc li c'usitic yan laj yalbun li Muc'ul Dios cu'une, yu'un jech ac'o apasilanic ti c'alal te xa'ox oyoxuc ta avosilic ti bu chavich'ique.

Deuteronomio 5:1

Li Moisese lic stsob scotol li israeletique, jech laj yalbe: “Jchi'iltac israeletic, a'yo me ava'yic li mantaletique xchi'uc li c'usitic chacalboxuc li' ta orae. Chanic me lec. Pasilanic me scotol ora.

Deuteronomio 5:31

Pero li vo'ote coman li'i, yu'un chacalbot scotol li mantaletique xchi'uc li c'usi chapanbil cu'une. Yu'un vo'ot chavalbe ya'yic ti jech ac'o spasic scotol c'ac'al te ta avosilic bu chacac'boxuque’, xiyutun.

Deuteronomio 6:1

“Li'i ja' li mantaletic yu'un Muc'ul Diose xchi'uc li c'usitic yan yalojbun ti ta xcalboxuc ava'yique, yu'un ac'o apasic scotol c'ac'al te ta avosilalic ti bu chayac'boxuque.

Josué 24:21

Jech itac'ovic: —Mu xc'ot ta pasel jech. Ja' no'ox chituncutic yu'un li Muc'ul Diose —xiic.

Josué 24:22

Jech laj yal noxtoc li Josuee: —Vo'oxuc testigooxuc atuquic, yu'un atuc laj at'ujic ti ja' chatunic yu'un li Muc'ul Diose —xut. —Jech, vu'uncutic testigoun jtuccutic —xiic.

Josué 24:24

Jech itac'ovic: —Ja' no'ox chituncutic o yu'un li Muc'ul Diose; ja' no'ox ta jch'unbecutic li c'usi chale —xiic.