Éxodo 24:17 - Bible in Tzotzil de Chenalhó with Deuterocanon

¹⁷ Te ta mero toyol jolvits laj yilbeic xojobal Muc'ul Dios scotol li israeletique. Xco'laj xchi'uc c'oc' laj yilic ti chchic'vane.

Bible in Tzotzil de Chamula

¹⁷ Ti yutsilal slequilal ti Diose, laj yac' sba iluc ta sba ta sat ti israeletique jech c'u cha'al junuc c'oc' ti ta xchic'van ti c'ot ta toyol vitse.

Éxodo 24:17 Iomraidhean Croise

2 Samuel 22:13

Ta tsots xojobal itsan li ac'aletic te x'u'pte-u'ptee.

2 Samuel 22:9

Yu'un iloc' ch'ayil ta sni'; iloc' c'oc' ta ye sventa chchic'van; iloc' tsanajtic ac'al ta ye.

Éxodo 19:11

ac'o xchapan sbaic lec sventa cha'ej. Yu'un cha'ej chiyal tal ta vits Sinaí ta sat scotol achi'iltac, vu'un li Muc'ul Diosune.

Éxodo 19:18

Li vitse iloc' ep xch'ayilal yu'un iyal tal ta c'oc' li Muc'ul Diose. Li xch'ayilale xco'laj xchi'uc xch'ayilal tocalte'. Li vitse tsots inic.

Éxodo 3:2

Te laj yac' sba ta ilel yaj'almantal Muc'ul Dios ta o'lol yat c'oc' te ta jpets ch'ix. Li Moisese la sq'uel lec; ja' to laj yil ti yu'un tsanem li jpets ch'ixe, pero mu'yuc chc'ac'.

Ezequiel 1:27

Xlic ta xchucbenal xch'ut c'alal ta sjole, ja' jech chvinaj jech chac c'u cha'al bronce ti lec sts'ayayete, joyibtabil ta c'oc' ta joyob yilel. Xyal batel ta yacane xco'laj xchi'uc c'oc'; oy xojobal ta joyob.

Ezequiel 1:28

Ja' jech ta q'uelel jech chac c'u cha'al vacnabal ti chvinaj ta toc c'alal chac' vo'e. Ja' jech laj quilbe yutsilal slequilal ta jch'ulel li Muc'ul Diose. C'alal laj quile, la jpatan jba ta banamil; laj ca'ay oy boch'o te chc'opoj tal.

Nahúm 1:6

¿Me oy boch'o xcuch yu'un c'alal me i'iline? ¿Me oy boch'o lec va'al chcom c'alal me itsan sc'ac'al yo'ntone? Li sc'ac'al yo'ntone ta spuc sba batel jech chac c'u cha'al c'oc', jech ta x'unijan scotol li ch'entique.

Deuteronomio 4:24

Yu'un li Muc'ul Dios cu'untique it'ix yo'nton me oy c'usi yan chbat co'ntontic yu'une. Li stuque xco'laj xchi'uc c'oc' ti xu' yu'un ta xchic' scotole.

Deuteronomio 4:36

Ja' la sc'opanoxuc tal c'alal ta vinajel yu'un ac'o tuq'uibanic. Xchi'uc laj yac' avilic muc'ul c'oc' li' ta banamil. Te ta o'lol c'oc' laj ava'yic ic'opoj ta atojolic.

Deuteronomio 9:3

“Ja' yu'un li' ta orae, tsc'an chana'ic ti ja' ba'yucbe ta xbat avu'unic stuc li Muc'ul Diose, yu'un ja' jech chac c'u cha'al c'oc' ti xu' yu'un chchic' scotole. Ta asatic tslajes scotol, tsbic'tajes scotol li muc'tic banamile. Ja' yu'un li vo'oxuque jmaq'uel no'ox ta satil chanutsic loq'uel, chalajesic scotol jech chac c'u cha'al yaloj li Diose.

Hebreos 12:18

Yu'un li vo'oxuque mu ja'uc lanopajic tal ta vits ti stac' tspic cristianoe, ti bu itsane, ti bu i'ic'ub osile, ti bu ivul pimil toque, ti bu ibac' tsots chauque,

Hebreos 12:29

Yu'un li Dios cu'untique ja' jech chac c'u cha'al c'oc' ti xu' yu'un chchic'vane.