Éxodo 24:13 - Bible in Tzotzil de Chenalhó with Deuterocanon

¹³ Li Moisese imuy batel te ta vits yu'un li Diose. La xchi'in muyel li Josuee, ja' li scoltaubbail ta abtele.

Bible in Tzotzil de Chamula

¹³ Jech ti Moisese, xchi'uc ti Josué ti ja' yajcoltaobbae, muyic batel ta vits yu'un ti Diose.

Éxodo 24:13 Iomraidhean Croise

1 Crónicas 7:27

Nun sbi; li Nune inich'naj, Josué sbi.

Éxodo 18:5

Li Moisese te spasoj scarpana ta xocol banamil te ta nopol li vits yu'un Diose. Ja' te ibat li Jetroe; te xchi'ucbe batel li yajnil Moisese xchi'uc li chib xnich'nabe.

Éxodo 19:3

Li Moisese imuy batel yo' bu oy li Dios te ta vits Sinaie. Te ic'opanat yalel tal yu'un li Muc'ul Diose. Jech i'albat: —Jech xavalbe ya'yic scotol li smomnich'nabtac Jacobe, ja' li israeletique:

Éxodo 3:1

Li Moisese ja' chchabibe xchij li smuni' Jetroe, ja' li pale te ta Madiane. Ta yan c'ac'al laj yic' jelovel ta xocol banamil li chijetique; ic'ot c'alal to ta vits yu'un Dios, ja' li Horeb sbie.

Éxodo 32:17

C'alal laj ya'ay Josué ti toj tsots ch-avanic li xchi'iltaquique, jech laj yalbe li Moisese: —Toj tsots ch-avanic; liquem pleito yu'unic te ta carpanaetic ya'yel —xut.

Éxodo 33:11

Li Muc'ul Diose lec laj ya'ibe sba sc'opic xchi'uc li Moisese, ja' jech la sc'opan sbaic jech chac c'u cha'al tsc'opan sbaic li boch'o lec xotquin sbaique. Ts'acal tsut batel ta scarpanaic li Moisese. Yan li querem Josué, xnich'on Nune, ja' li yajcoltaubbail Moisese, te chcom ta ch'ulna pasbil ta nucul.

Éxodo 4:27

Pero li Muc'ul Diose jech xa'ox yalojbe li Aarone: “Bat nupo tal ta be te ta xocol banamil li Moisese”, xut. Jech ibat li Aarone; te la snup ta be ta vits yu'un Dios. Te c'ot sc'opan; te la sts'uts'.

Números 11:28

Ja' yu'un li Josué, xnich'on Num, ti ta sbic'tal ono'ox lic scolta tal ta abtel li Moisese. Jech laj yal: —Cajval Moisés, pajeso yu'un mu me spasic jech —xi.

Josué 1:1

C'alal chamen xa'ox li yajtunel Muc'ul Diose, ja' li Moisese, li Muc'ul Diose lic sc'opan li Josuee, ja' li yajcoltaubbail ono'ox ta abtel li Moisese, ja' li xnich'on Nune. Jech laj yalbe: