Éxodo 24:12 - Bible in Tzotzil de Chenalhó with Deuterocanon

¹² Li Muc'ul Diose jech laj yalbe li Moisese: —Muyan batel ta vits te yo' bu ono'ox oyune. Te xamalaun, yu'un chacac'bot li pech'ajtic ton yo' bu ts'ibabil li mantaletic cu'une, yu'un ac'o achanubtas o li achi'iltaque —x'utat.

Bible in Tzotzil de Chamula

¹² Va'i un, ti Moisese xi albat yu'un ti Diose: —Muyan batel ta vits ti bu oyune. Tey xamalaun, yu'un ta xcac'bot jpech cha'pechuc ton, ti bu laj jts'iba ti oy c'usi tsots sc'oplal albile, xchi'uc ti jmantaltaque yo' jech ta xachanubtas ti israeletique.

Éxodo 24:12 Iomraidhean Croise

1 Reyes 19:11

Li Muc'ul Diose jech laj yalbe: “Loc'an tal, bat va'an aba lec ta jtojol li' ta vitse”, x'utat. Ja'o te ijelov li Muc'ul Diose, xchi'uc ijelov ven muc'ta ic'. Iloman yu'un li te'etique xchi'uc ivoc'an li muc'tic ch'ene. Pero li Muc'ul Diose mu'yuc te oy ta ic'. C'alal ijelov li iq'ue, ital tsots niquel, pero li Muc'ul Diose mu'yuc te oy c'alal ijelov li niquele.

Esdras 7:10

Li Esdrase ja' no'ox oy ta yo'nton o ta xchan lec li smantaltac Muc'ul Diose, xchi'uc oy ta yo'nton tspas batel, xchi'uc oy ta yo'nton chchanubtas ta smantaltac Dios li xchi'iltaque xchi'uc chalbe ya'ay c'usitic yan yaloj li Diose.

Nehemías 9:13

“Ts'acal layal tal ta vits Sinaí, laj ac'opan yalel tal c'alal ta vinajel li jmoltotaccutique. Laj avac'be tuq'uil tojobtasel xchi'uc mantaletic ti puru melelique, xchi'uc lequil chanubtasel, xchi'uc yantic c'usitic ac'o spasic.

Nehemías 9:14

Laj avalbe noxtoc ti oy jun c'ac'al xcuxubil co'ntoncutique, ti ja' jun c'ac'al voc'bil o ta atojole, xchi'uc ti ja' ta sventa Moisés laj avac' comel li mantaletic, li chanubtaseletic, xchi'uc li c'usitic yantic laj avale.

Salmos 19:12

Mu'yuc boch'o sna' ti c'u yepal chjelov ta atojole. Muc'ul Dios, ts'icbun ti bu c'alal mu jna'e.

Éxodo 19:3

Li Moisese imuy batel yo' bu oy li Dios te ta vits Sinaie. Te ic'opanat yalel tal yu'un li Muc'ul Diose. Jech i'albat: —Jech xavalbe ya'yic scotol li smomnich'nabtac Jacobe, ja' li israeletique:

Éxodo 24:15

C'alal laj yal jech li Moisese, imuy batel ta vits. Li vitse ipix ta toc.

Éxodo 24:18

Li Moisese imuy batel ta vits; te i'och batel ta yut li toque. Cha'vinic (40) c'ac'al xchi'uc cha'vinic (40) ac'ubal te icom.

Éxodo 24:2

Ja' no'ox vo'ot xu' chanopaj tal ta jtojol; li yantique mu xu' chnopajic tal, xchi'uc mu me xachi'in muyel tal li yantic achi'iltaque —x'utat.

Éxodo 31:18

C'alal ilaj yo'ntonic ta lo'il xchi'uc Muc'ul Dios li Moisés te ta vits Sinaie, te i'ac'bat yalel tal li cha'pech ton yo' bu ts'ibabil li mantaletic ti la sts'iba tal stuc li Diose.

Éxodo 32:1

C'alal laj yil israeletic ti ijalij ta vits li Moisese, la stsob sbaic tal ta stojol li Aarone, jech laj yalbeic: —Pasbun jdioscutic yu'un ja' ba'yucbe chbat cu'uncutic. Yu'un li Moisés ti la sloq'uesuncutic tal ta Egiptoe, mu jna'tic c'usi la spas ti yoquel to mu'yuc ta sut tale —xutic.

Éxodo 34:1

Li Muc'ul Diose jech laj yalbe li Moisese: —Paso yan cha'pechuc ton co'ol jech chac c'u cha'al ta ba'yuque, yu'un te ta jts'iba yan velta li mantaletic ti ts'ibabil to'ox ta yan cha'pech ton laj avoq'ue.

Jeremías 31:33

“Ja' jech li c'usi ta jchapan ta stojolique: C'alal me la sta sc'ac'alil cu'une, ta xcac'be ta sjolic li jmantaltaque, ta jts'ibabe ta yo'ntonic, vu'un Diosun yu'unic chic'ot; ja' jteclumal chc'otic o ec.

San Mateo 5:19

Me oy boch'o mu tsotsuc sc'oplal cha'ay jbeluc li smantal Diose, me jech ta xchanubtasvan oe, ja' its'inal chc'ot yo' bu chventainvan li Diose. Yan li boch'o tsots sc'oplal cha'ay scotol li smantaltac Diose, me jech ta xchanubtasvane, ja' banquilal chc'ot yo' bu chventainvan li Diose.

2 Corintios 3:3

Lec xvinaj ti vo'oxuc jvuncutic c'otemoxuque, ti ja' la sts'iba stuc li Cristoe. Ja' no'ox ti vu'uncutic laj quich' cabtelcutic ta yaq'uel ta ilele. Muc ta tintauc la sts'iba; ja' la sts'iba ta sventa Ch'ul Espíritu yu'un cuxul Dios. Muc ta jpechuc ton la sts'iba; ta avo'ntonic la sts'ibaboxuc.

2 Corintios 3:7

Li smantal Dios ts'ibabil ta cha'pech ton ti ja' no'ox chismilutique, toj yan sba xojobal c'alal ivul ta stojol li israeletique. Mu xa xu' tsq'uelbeic sat li Moisese, yu'un oy xojobal. Pero ich'ay no'ox batel li xojobale.

Deuteronomio 4:14

Vu'un laj yalbun ti ac'o jchanubtasoxuc ta mantaletique xchi'uc li c'usitic yan lec ta pasele, yu'un jech ac'o apasic ti c'alal te xa oyoxuc ta avosilic yo' bu chavich'ique.

Deuteronomio 5:22

“Li'i ja' li c'usitic laj yal Muc'ul Dios ti c'alal tsots ic'opoj tal ta o'lol yat c'oc', xchi'uc te ta o'lol ic'al toc c'alal te jmoj tsobolutic ta yoc vitse. Ts'acal mu'yuc xa c'usi yan laj yal. Ja' xa no'ox la sts'iba ta cha'pech ton scotol. Ts'acal laj yac'bun.

Deuteronomio 5:31

Pero li vo'ote coman li'i, yu'un chacalbot scotol li mantaletique xchi'uc li c'usi chapanbil cu'une. Yu'un vo'ot chavalbe ya'yic ti jech ac'o spasic scotol c'ac'al te ta avosilic bu chacac'boxuque’, xiyutun.

Hebreos 9:4

Ja' te oy li scajleb xchic'ubil pom pixbil ta c'anal taq'uine, xchi'uc li xcaxail smantal Dios pixbil ta c'anal taq'uin ta yut xchi'uc ta spate. Ja' te tiq'uil li jun bin pasbil ta c'anal taq'uin sventa yavil manavaje. Xchi'uc ja' te tiq'uil noxtoc li snamte' Aarón ti inichine, xchi'uc li cha'pech ton yo' bu ts'ibabil smantaltac Diose.