Éxodo 24:10 - Bible in Tzotzil de Chenalhó with Deuterocanon

¹⁰ Te laj yilic li Dios yu'un Israele: ti bu teq'uel yacane, sts'ayayet jech chac c'u cha'al piso pasbil ta zafiro ton; lec yaxts'ajan ta q'uelel jech chac c'u cha'al vinajel.

Bible in Tzotzil de Chamula

¹⁰ Ti bu taje, xi s'elan laj yilic ti Dios yu'un ti Israele: Ti ta yoc ti bu oye, ta xac' xojobal jech c'u cha'al ti yax'elan baxtone, ti ja' xa ti yaxts'ijan vinajel stuc yilele.

Éxodo 24:10 Iomraidhean Croise

Génesis 32:30

Li Jacobe Peniel laj yac'be sbi li banamile, yu'un jech la snop: “Laj quilbe jba lec jsatcutic jchi'uc li Diose, pero muc xicham; cuxulun to”, xi.

Génesis 32:31

Li Jacobe jeloven xa batel ta Peniel c'alal iloc' li c'ac'ale. Li scube aluben xa, jech xcoxcun xa ixanov batel.

1 Reyes 22:19

Li Micaiase jech to laj yal: —A'yo ava'ay c'usi chal li Muc'ul Diose: Li Muc'ul Diose laj quil te chotol ta muc'ta chotlebal. Te xchi'uc scotol li soldadoetic yu'un te oy ta vinajele; te va'ajtic ta sbats'ic'ob xchi'uc ta sts'et.

2 Crónicas 6:17

Ja' yu'un Muc'ul Dios yu'un Israel, ac'o c'otuc ta pasel c'usi laj avalbe li jtote, ja' li avajtunel Davide.

Éxodo 24:11

Li banquilaletic yu'un israeletique laj yilic li Diose. Pero mu'yuc c'usi ipasbatic ti c'alal laj yilique. Jun no'ox yo'nton te ive'ic, te laj yuch'ic vo'.

Éxodo 3:6

Jech laj yal noxtoc: —Vu'un Diosun yu'un li amoltotac ta vo'onee. Vu'un Diosun yu'un Abraham, Diosun yu'un Isaac, Diosun yu'un Jacob —xi. Li Moisese la smac sat yu'un ta xi' ta sq'uelel li Diose,

Éxodo 33:20

Pero chacalbot ti mu xu' chavilbun li jsate yu'un mu'yuc boch'o xu' cuxul chcom me laj yilbun jsate —xi.

Éxodo 33:23

Ts'acal ta jloq'ues li jc'obe, jech ja' xa no'ox jpat chavilbun, yu'un li jsate mu xu' chavilbun —xi.

Cantares 5:14

Li sc'obe ja' jech chac c'u cha'al xoj ste'el c'obil pasbil ta c'anal taq'uin; li sbec'tale ja' jech chac c'u cha'al saquil sts'uts'up tsemen ti yich'oj zafiro tonetique.

Cantares 6:10

Boch'o le'e ti xco'laj xchi'uc yibel vinajel c'alal chacpojan xae, ti lec c'upil sba jech chac c'u cha'al u, ti xojoban no'ox jech chac c'u cha'al c'ac'ale, xchi'uc ti chch'ay co'ntontic yu'un jech chac c'u cha'al soldadoetic ti c'alal lec jmoj chchan yacanique.

Lamentaciones 4:7

Li banquilaletic yu'unic ta Jerusalene lec to'ox saquic jech chac c'u cha'al tayo; mu to'ox sna' xatinic ic'ubal, jech chac c'u cha'al saquil ya'lel chu' vacax. Lec to'ox chac ch'oxan sbec'talic, yu'un lec sololic; toj to'ox lec c'upil sbaic jech chac c'u cha'al lequil ton.

Ezequiel 1:1

C'alal ja'o te oyun ta ti' muc'ta uc'um Quebar ta Babilonia banamil yo' bu chucbiluncutic batel jchi'uc yantic jchi'iltaque, laj quil ijam li vinajele; te laj quil ta jch'ulel li Diose. Ja' ta yo'bal c'ac'al stsacoj xchanibal u ta slajunebal xcha'vinic (30) jabil, ja' yo'bal jabil xa'ox xchuquel batel ta Babilonia ec li ajvalil Joaquine.

Ezequiel 10:1

Ts'acal laj quil xco'laj xchi'uc jun chotlebal pasbil ta zafiro ton te ta yac'ol sjol li querubinetique.

Daniel 10:17

¿Vo'ot li Cajvalote, c'uxi xu' cu'un ta jchi'inot ta lo'il ti toj alubenun xchi'uc ti mu xa xu' chquich' ic', vu'un li avajtunelune?’, xcut.

Números 12:8

Lec ta jchi'in ta lo'il stuc, xchi'uc lec xvinaj ta a'yel li jc'ope. Li stuque sq'uelojbun jsat. Pero li vo'oxuque, ¿c'u yu'un ti chachopolc'opojic ta stojole?”, x'utatic yu'un li Muc'ul Diose.

San Mateo 17:2

Li Jesuse te lic c'atajuc ta stojolic. I'ayin xojobal sat jech chac c'u cha'al xojobal c'ac'al. Solel isacub li sc'u'e jech chac c'u cha'al luz.

San Juan 1:18

Me junuc mu'yuc boch'o yiloj li Diose. Li jun no'ox Xnich'on Dios ti jun oyic xchi'uc Stote, ja' laj yac' cotquintic li Diose.

San Juan 14:9

Li Jesuse jech laj yalbe: —Ep xa c'ac'al li' jchi'inojoxuc. ¿Me mu to xavotquinun, Felipe? Li boch'otic laj xa yilicune laj xa yilic o li Jtote. ¿C'u yu'un chavalbun: ‘Ac'bun cotquincutic li Jtotic Diose’, xachi?

San Juan 6:46

“Mu'yuc boch'o yiloj li Diose. Jun no'ox li boch'o yiloje, ja' li boch'o te liquem tal ta stojole.

1 Timoteo 6:16

Ja' no'ox stuc ti stalel cuxul, ti mu sna' xcham oe. Nacal ta tsots xojobal; mu'yuc boch'o xu' ta xnoch'aj batel. Me junuc cristiano mu'yuc boch'o yiloj, mu'yuc boch'o xu' tsq'uel. Stuc no'ox ac'o ich'atuc ta muc'. Stuc no'ox ac'o spas mantal sbatel osil. Jechuc.

1 Juan 4:12

Mu'yuc boch'o yiloj li Diose, pero me ta jc'anan jbatique, li' nacal ta co'ntontic. Jech yantic ch-epaj batel ta co'ntontic li c'anvanej yu'une.

Apocalipsis 1:16

Stsacoj ta sbats'ic'ob vucbej c'anal, xchi'uc chloc' espada ta ye. Li espadae lec ts'ubts'ub sni', xchi'uc lec juxbil xcha'jotal ye. Li sate xojoban jech chac c'u cha'al c'alal toj c'ux li c'ac'ale.

Apocalipsis 21:11

Yich'ojbe tal xojobal li Diose. Li xojobale ja' jech chac c'u cha'al xojobal ton ti bats'i c'upil sbae; ja' jech chac c'u cha'al jaspe ton, xchi'uc sts'ayayet jech chac c'u cha'al nen.

Apocalipsis 4:3

Li boch'o te chotole oy xojobal jech chac c'u cha'al xojobal jaspe ton xchi'uc cornalina ton. Ta muc'ta chotlebale te oy jun vacnabal. Ja' jech ta q'uelel jech chac c'u cha'al esmeralda ton.