Éxodo 24:1 - Bible in Tzotzil de Chenalhó with Deuterocanon

¹ Li Muc'ul Diose jech laj yalbe li Moisese: —Muyanic tal li' ta jtojol achi'uc li Aarone, li Nadabe, li Abiue, xchi'uc li lajuneb xchanvinic (70) banquilaletic yu'un achi'iltaque, pero nom no'ox xava'an abaic; te xaquejan abaic ta jtojol.

Bible in Tzotzil de Chamula

¹ Ti Diose xi laj yalbe ti Moisese: —Ti bu oyune, muyan talel xchi'uc ti Aarone, ti Nadabe, ti Abiue, xchi'uc ti lajuneb xchanvinic (70) ta vo' moletic yu'un ti Israele, ti nom nom xavac' abaic xtoque. Ti bu taje, tey xaquejan abaic.

Éxodo 24:1 Iomraidhean Croise

1 Crónicas 6:3

Li xnich'nab Amrame ja' Aarón, Moisés, xchi'uc María. Li xnich'nab Aarone ja' Nadab, Abiú, Eleazar, xchi'uc Itamar.

Éxodo 1:5

Li xnich'nabtac Jacob xchi'uc c'alal ta smomnich'nabtaque ja' lajuneb xchanvinic (70) ta scotolic. Yan li Josee te xa ono'ox oy ta Egipto.

Éxodo 19:20

Li Muc'ul Diose te iyal tal ta mero jolvits Sinaí. Laj yalbe Moisés ti ac'o muyuc batel ta jolvitse, jech imuy batel li Moisese.

Éxodo 19:24

Pero li Muc'ul Diose jech laj yal: —Yalan batel; ts'acal to xamuy tal achi'uc li Aarone. Li paleetic xchi'uc scotol li achi'iltac ta israelale mu xu' chjelovic tal ti bu senyail sventa chmuyic tal li' ta jtojole, yu'un naca me chamicuc cu'un —xi.

Éxodo 19:9

Li Muc'ul Diose jech laj yal: —A'yo ava'ay, te chibat ta atojol ta jun pimil toc, yu'un ac'o ya'yic scotol achi'iltac ti ta jchi'inot ta lo'ile, jech xu' chayich'icot ta muc' —x'utat. Li Moisese te lic yalbe ya'ay c'u x'elan itac'ovic li israeletique.

Éxodo 20:21

C'alal nom va'alic batel li israeletique, li Moisese inopaj batel ta ic'al toc yo' bu oy li Diose.

Éxodo 24:15

C'alal laj yal jech li Moisese, imuy batel ta vits. Li vitse ipix ta toc.

Éxodo 24:2

Ja' no'ox vo'ot xu' chanopaj tal ta jtojol; li yantique mu xu' chnopajic tal, xchi'uc mu me xachi'in muyel tal li yantic achi'iltaque —x'utat.

Éxodo 24:9

Li Moisese imuyic batel ta vits xchi'uc li Aarón, li Nadab, li Abiú, xchi'uc li lajuneb xchanvinic (70) banquilaletic yu'un israeletique.

Éxodo 28:1

“Li abanquil Aarón xchi'uc xnich'nabe, ja' li Nadab, Abiú, Eleazar, xchi'uc Itamare, voc'bun loq'uel ta stojol li achi'iltac ta israelale yu'un ja' chcomic o ta paleal cu'un.

Éxodo 3:5

Li Muc'ul Diose jech laj yalbe: —Mu me xanopaj tal li'i. Loq'ueso axonob, yu'un ja' ch'ul banamil ti bu va'alote —xut.

Éxodo 34:2

Xchi'uc chapano aba sob oc'om. Muyan batel ta vits Sinaí; te xc'ot ava'an aba ta jtojol ta mero sjol vits.

Éxodo 6:23

Li Aarone laj yic' sbaic xchi'uc Elisabet, ja' li stseb Aminadabe xchi'uc ja' xchi'il ta voq'uel li Naasone. Li Elisabete ivoc' yalabtac, ja' Nadab, Abiú, Eleazar, xchi'uc Itamar.

Ezequiel 8:11

Ta stuq'uil li c'usi loc'tabilique te va'ajtic lajuneb xchanvinic (70) viniquetic, ja' li banquilaletic yu'un israeletique. Ja' te oy ta o'lol yu'unic li Jaazanías xnich'on Safane. Stsacanojic jujun xchic'ubil pom; te ta xchiq'uic pom ta stojol li c'usi loc'tabilique. Ic'uben no'ox xch'ayilal chmuy yu'unic li pome.

Números 11:16

Li Muc'ul Diose jech laj yal: —Tsobo lajunebuc xchanvinic (70) moletic ti ja' israel viniquetique, ti ana'oj ti oy yabtelic ta stojol achi'iltac ta israelale. Ic'o tal te ta ch'ulna pasbil ta nucul; te xamalaicun.

San Lucas 10:1

Ts'acal la st'uj lajchab xchanvinic (72) viniquetic li Cajvaltique. Ta chabchab la stacan batel ba'yuc ta jujun lum xchi'uc ta tsobtsobnaetic ti bu snopoj chjelov batel li Cajvaltique.

San Lucas 10:17

Li lajchab xchanvinic (72) itacatic batele xcuxet no'ox yo'ntonic isutic, jech c'ot yalbeic li Jesuse: —Cajval, vo'ot ta abi ti c'alal ta pucujetic la xch'unbun jmantalcutique —xutic.

Deuteronomio 1:15

“Jech lic quic'an li boch'o t'ujbil avu'unic ta jujuchopoxuc, ti oy lec sbijilique, ti yilojic xa c'u x'elan ta chapanel c'opetique. Laj cac'be yabtel ta atojolic yu'un ac'o sventainoxuc. Oy laj cac'be sventainic jmil (1,000) viniquetic. Oy laj cac'be sventainic vo'vinic (100). Oy laj cac'be sventainic lajuneb yoxvinic (50). Oy laj cac'be sventainic lajuneb. Oy yantic laj cac'be yabtelic yu'un ac'o sventainic li jujuchop jchi'iltactique.