Éxodo 23:8 - Bible in Tzotzil de Chenalhó with Deuterocanon

⁸ “Mu me xatsaquic taq'uin ti c'alal chachapanvanique, yu'un li taq'uine ja' tspasvan ta ma'sat, yu'un jech xu' mu xachapanbeic o sc'op li boch'otic mu'yuc smule.

Bible in Tzotzil de Chamula

⁸ “Mu me xatsac mich'ob c'abal. Yu'un ti mich'ob c'abale, ja' toj ven xyaluvan ta spaquel c'op. Va'i un, tey xa no'ox ta xtuch'ilanbat ta be sc'op ti buch'u ch'abal smule.

Éxodo 23:8 Iomraidhean Croise

Salmos 15:5

Xchi'uc ti chac' ta q'uexel staq'uin ti mu sc'anbe sjole, ti mu xch'am smoton taq'uin yu'un ac'o scontrainic li boch'o mu'yuc smule. Li boch'o jech yo'nton chac le'e mu xyal o ta lum.

Salmos 26:10

Yu'un li stuquique nojem ta sc'obic li c'usitic chopole; nojem ta sc'obic li smoton taq'uinic chch'amic ta scoj lo'lavaneje.

Proverbios 15:27

Li boch'o xpich'et no'ox yo'ntone ta sa' svocol xchi'uc li boch'otic oy yu'un ta snae; yan li boch'o mu sc'an xchon sba ta taq'uine jun yo'nton chcuxi.

Proverbios 17:23

Li boch'o chopole ta xch'am taq'uin ta mucul; ja' xa ta soques o li tuq'uil chapanele.

Proverbios 17:8

Li matanale ja' slequilal chc'ot li boch'o chaq'ue; lec jun yo'nton buyuc no'ox chbat.

Proverbios 19:4

Li c'ulejalile chic' tal ep boch'o lec chisc'opanutic; yan li me'onale mu'yuc boch'o lec xisc'opanutic yu'un.

Eclesiastés 7:7

Li slo'lael taq'uin ta sventa sibtasvaneje ta svovijesbe sjol li boch'o bije; li xch'amel taq'uine ta sbolibtas co'ntontic.

Isaías 1:13

Mu xa xavich'bicun tal yan matanal; i'ech' xa co'nton yu'un li xch'ayilal apomique. Mu xa sts'ic cu'un ti chatsobic tal scotol achi'iltaquic yu'un chapasic q'uin sventa ach' u, xchi'uc sventa chatsob abaic ta sc'ac'alil chacux avo'ntonique; mu'yuc stu chquil li q'uin chapasique yu'un toj chopoloxuc.

Isaías 1:23

Li banquilaletic avu'une puru jbajmantaletic; ja' xa xchi'ilic j'eleq'uetic. Scotolic lec xa'yic xch'amel taq'uin; ja' tsa'ic c'u x'elan xu' ch-ac'bat smotonic. Mu'yuc tuc' chchapanic li me'on ololetique; tsmaquilanbeic ta be xchapanel li me'on antsetique.

Isaías 33:15

Li boch'o ja' tspas c'usi tuc', c'usi melele, li boch'o mu'yuc ta yo'nton tspas canal ta sventa lo'lavaneje, li boch'o mu xchon sba ta matanale, li boch'o mu xich' ta muc' ti c'alal ch-albat milvaneje, xchi'uc li boch'o tsmac sat ta sventa li c'usitic chopole,

Isaías 5:22

Toj abul abaic, vo'oxuc ti lec xu' avu'unic uch' poxe, xchi'uc vo'oxuc ti mu'yuc boch'o xastsaloxuc ta scapel poxe,

Isaías 5:23

xchi'uc vo'oxuc ti ta sventa taq'uin chavalic mu'yuc smul li boch'o oy smule, ti mu xa xavaq'uic spoj sba jutuc ec li boch'o mu'yuc smule.

Ezequiel 22:12

Oy boch'o la xchon sbaic ta taq'uin sventa chmilvanic, xchi'uc la sc'anbeic sjol staq'uinic, xchi'uc la xch'ambeic svocaroil. Oy boch'o la stsatsal elc'anbeic c'usi oy yu'un xchi'ilic noxtoc. Solel vu'un laj ach'ayicun o ta avo'ntonic.

Oseas 4:18

Batem yo'nton o ta yacubel; muc x'ech' yo'ntonic o ta mulivajel. Li banquilaletic yu'unique ja' la sc'anic o li c'usi chac' q'uexlale.

Amós 5:12

Yu'un li vu'une jna'oj ti toj ep atoyobbailique, xchi'uc ti toj ep amulique. Jna'oj ti chavac'beic svocol li boch'o tuc' yo'ntone, ti achonoj abaic ta taq'uine, xchi'uc ti chamacbeic sbe ta stojol jchapanvanejetic li me'onetique.

Miqueas 7:3

Ja' xa no'ox yabtelic o spasel li c'usitic chopole: li banquilaletique ta persa tsc'an smotonic; li jchapanvanejetique ta taq'uin chchapanvanic; li boch'otic muc' chac' sbaique ja' xa no'ox tspasic li c'usitic tsc'an yo'ntonique, jech te ta soc o yu'unic li lume.

Deuteronomio 10:17

Yu'un li Muc'ul Dios cu'untique ja' Dios yu'un scotol li yan diosetique, xchi'uc ja' Ajvalil yu'un scotol li ajvaliletique. Ja' no'ox stuc sventainoj scotol, ech'em tsatsal. Ja' no'ox stuc xi'bil. Muc t'ujbiluc no'ox tspas li boch'o chc'uxubine. Muc ta taq'uinuc chac' li c'uxubinele.

Deuteronomio 16:19

Mu me xasoquesic li tuq'uil chapanele. Mu me xat'ujic li boch'o chacoltaique. Mu me xach'amic taq'uin ti c'alal chachapanvanique. Yu'un li taq'uine tspas ta ma'sat yu'un li boch'otic bijique, xchi'uc chlic socbe sc'op li boch'otic tuc' yo'ntonique.

1 Samuel 12:3

Li' oyune, albicun ta jamal me oy boch'o laj quich'be xvacax, o me sburo, me oy boch'o laj cuts'inta, la jchopolc'opta, me oy boch'o la jtsacbe staq'uin jech mu'yuc xa lec la jchapan o. Xu' chavalic li' ta stojol Dios, xchi'uc ta stojol li ajvalil la st'ujboxuque; xu' ta jtoj ti c'u yepal jmule —xi.

1 Samuel 8:3

Pero li xnich'nabe muc xchanic jech chac c'u cha'al la spas li stotique. Ibat yo'ntonic yu'un taq'uin; muc xa tuc'uc xchapanvanic o ta scoj ti la xch'amic taq'uine.