Éxodo 23:6 - Bible in Tzotzil de Chenalhó with Deuterocanon

⁶ “Mu me xamacbeic scoltael ta stojol jchapanvanejetic li me'onetique.

Bible in Tzotzil de Chamula

⁶ “Ma'uc me ti mu xava'ibe sc'op ti me'un mu'nat ti mi oy stuq'uil ti c'u s'elan ta sc'an chapanele.

Éxodo 23:6 Iomraidhean Croise

2 Crónicas 19:7

Ja' yu'un xi'anic me yu'un li Muc'ul Diose; q'uelo me abaic lec. Yu'un ta stojol li Muc'ul Dios cu'untique mu'yuc chopol chapanel te; muc t'ujbiluc no'ox chich' pasel, xchi'uc mu'yuc boch'o xu' tspoj sba ta taq'uin”, xut.

Job 31:13

“Me oy mu'yuc stu laj quil jmozo, jquiara ti c'alal tal sc'anic parteale,

Proverbios 18:5

Li jchapanvanejetique mu lecuc me ja' tscoltaic li boch'o oy smule, xchi'uc me ja' mu xaq'uic c'opojuc li boch'o mu'yuc smule.

Proverbios 22:22

Mu me xapojbe c'usi oy yu'un me'on ta sventa ti abul no'ox sba chavile; mu me xavuts'inta ta stojol jchapanvanejetic li boch'o mu xu' yu'un tspoj sbae.

Proverbios 31:5

Me jech te chuch'ilanic o poxe, xu' chlic ch'ayuc ta yo'ntonic li mantaletique, jech mu xa stuc'ulanbeic o ya'yej li boch'o abul sbaique.

Eclesiastés 5:8

Mu me xch'ay avo'nton c'alal me oy chavil ta junuc banamil ti uts'intabilic li me'onetique ti me soquesbil xa li tuq'uil chapanele. Yu'un li jchapanvanejetique oy to yan banquilal yu'unic ti ja' chmucbat smulic yu'une. Xchi'uc oy to yan banquilal jpasmantal ti ja' cajal yabtele; ja' chmucbat smulic noxtoc.

Isaías 5:23

xchi'uc vo'oxuc ti ta sventa taq'uin chavalic mu'yuc smul li boch'o oy smule, ti mu xa xavaq'uic spoj sba jutuc ec li boch'o mu'yuc smule.

Jeremías 5:28

Solel iju'p xchi'uquic o, xja'te-ja'te xa lec li snuculilique. Solel ijelov ta bis li smulique. Mu'yuc tuc' chchapanic li me'on ololetique; mu'yuc tscoltaic li me'onetique.

Jeremías 6:28

Ja' mero jbajmantal scotolic, ven jlo'iltavanejetic; toj ven tsots yo'ntonic, solel ja' xchi'ilic bronce taq'uin xchi'uc tsatsal taq'uin.

Jeremías 7:6

me mu xavuts'intaic li yanlumetique, li me'on ololetique, li me'on antsetique, me mu'yuc chamalbeic xch'ich'al li' ta banamil li boch'otic mu'yuc smulique, me mu'yuc chbat avich'ic ta muc' li yantic diosetic ti ja' no'ox chasa' avocolic yu'une,

Levítico 19:15

“Mu me chopoluc xachapanvanic. Mu me ja'uc xapojic li me'one; mu me ja'uc xavich'ic ta muc' li jc'uleje. Tuc' me xachapanic li achi'iltaquique.

Malaquías 3:5

Li Muc'ul Dios ti tspas ta mantal scotol te ta vinajele jech chal: “Vu'un chtal jchapanoxuc. Vu'un ta jva'an jba ta testigo ta scontrainel li j'ac'chameletique, li jmulaviletique, li boch'otic tst'abbeic sbi Dios c'alal ch-epalc'opojique, xchi'uc li boch'otic tslo'laic j'abtel yu'unique, xchi'uc li boch'otic abul sba yu'unic me'on antsetic, xchi'uc me'on ololetique, xchi'uc li boch'o mu'yuc tuc' c'usi tspasbeic yanlumetique, ti solel mu'yuc jxi'elal cha'yic oe”, xi li Muc'ul Diose.

Deuteronomio 16:19

Mu me xasoquesic li tuq'uil chapanele. Mu me xat'ujic li boch'o chacoltaique. Mu me xach'amic taq'uin ti c'alal chachapanvanique. Yu'un li taq'uine tspas ta ma'sat yu'un li boch'otic bijique, xchi'uc chlic socbe sc'op li boch'otic tuc' yo'ntonique.

Deuteronomio 27:19

‘Ac'o ac'batuc stoj li boch'o chopol c'usi tspasbe jun yanlum cristianoe, me me'on ants, o me jun me'on olol’, ac'o xiicuc. ‘Jechuc’, ac'o xiicuc scotol li jchi'iltactique.

1 Samuel 8:3

Pero li xnich'nabe muc xchanic jech chac c'u cha'al la spas li stotique. Ibat yo'ntonic yu'un taq'uin; muc xa tuc'uc xchapanvanic o ta scoj ti la xch'amic taq'uine.