Éxodo 23:3 - Bible in Tzotzil de Chenalhó with Deuterocanon

³ Mu me xavovil tic' abaic ta spojel li me'onetic c'alal me oy smulique.

Bible in Tzotzil de Chamula

³ Mi ja'uc xtoc ti tsots ta xava'an aba ta spojel ti me'un mu'nat ti c'alal vinaj xa ti jaytos loc' ti smule.

Éxodo 23:3 Iomraidhean Croise

Éxodo 23:6

“Mu me xamacbeic scoltael ta stojol jchapanvanejetic li me'onetique.

Proverbios 18:5

Li jchapanvanejetique mu lecuc me ja' tscoltaic li boch'o oy smule, xchi'uc me ja' mu xaq'uic c'opojuc li boch'o mu'yuc smule.

Proverbios 22:22

Mu me xapojbe c'usi oy yu'un me'on ta sventa ti abul no'ox sba chavile; mu me xavuts'inta ta stojol jchapanvanejetic li boch'o mu xu' yu'un tspoj sbae.

Isaías 10:1

Toj abul abaic, vo'oxuc ti chavalic mantal ac'o oyuc uts'intaele, ti chapuquic batel li c'usi chapal avu'unic ti mu xa boch'o sts'ic yu'une.

Levítico 19:15

“Mu me chopoluc xachapanvanic. Mu me ja'uc xapojic li me'one; mu me ja'uc xavich'ic ta muc' li jc'uleje. Tuc' me xachapanic li achi'iltaquique.

Amós 5:12

Yu'un li vu'une jna'oj ti toj ep atoyobbailique, xchi'uc ti toj ep amulique. Jna'oj ti chavac'beic svocol li boch'o tuc' yo'ntone, ti achonoj abaic ta taq'uine, xchi'uc ti chamacbeic sbe ta stojol jchapanvanejetic li me'onetique.

Deuteronomio 1:17

C'alal chachapanvanique, mu me xat'ujic li boch'o chac'uxubinique. Co'ol me xachapanic scotol, ac'o me muc ich'bilicuc ta muc', o me ich'bilic ta muc'. Mu me boch'o xaxi'ic yu'un, yu'un li avabtelic chachapanvanique ja' sventa Dios. C'alal me oy c'usi toj tsots ti mu xu' avu'unique, xtal avalbicun. Vu'un ta jchapan’, xcutic.

Deuteronomio 16:19

Mu me xasoquesic li tuq'uil chapanele. Mu me xat'ujic li boch'o chacoltaique. Mu me xach'amic taq'uin ti c'alal chachapanvanique. Yu'un li taq'uine tspas ta ma'sat yu'un li boch'otic bijique, xchi'uc chlic socbe sc'op li boch'otic tuc' yo'ntonique.

Santiago 3:17

Yan li jbijiltic chlic tal ta stojol Diose, lec scotol c'usitic ta jpastic yu'un. Jech noxtoc mu jliquestic c'op, oy ta co'nton jchi'iltic, oy slequil co'ntontic; chijc'uxubinvanutic, muc t'ujbiluc no'ox boch'o chquich'tic ta muc', xchi'uc muc ja'uc no'ox ta jmactic satil.