Éxodo 23:26 - Bible in Tzotzil de Chenalhó with Deuterocanon

²⁶ Mu'yuc ta xcac' chamanic ti c'alal mu to avorailicuque. Xchi'uc mu'yuc chloc' junuc ants ta alumalic ti chyal yole xchi'uc ti mu sna' x'alaje.

Bible in Tzotzil de Chamula

²⁶ Yu'un un, mu jc'an ta xcac' chaman ti c'alal ma'uc to yoraile. Ta alumale, mi ja'uc junuc ants ti ta syales ti yole, mi ja'uc junuc ti oy machero ta xloq'ue.

Éxodo 23:26 Iomraidhean Croise

Génesis 25:8

Tuc' no'ox icham ta smalubel. Te bat xchi'in li anima smoltotaque.

Génesis 35:29

C'alal ichame, mol xa'ox. Te bat yich' muquel yo' bu mucul li smoltotaque. Ja' imucat yu'un li xnich'nabe, ja' li Esaú xchi'uc Jacobe.

1 Crónicas 23:1

C'alal mol xa'ox, c'alal ep xa'ox jabil xch'iel li Davide, lic stic' ta ajvalilal sventa israeletic li xnich'one, ja' li Salomone.

Job 21:10

Li stot xvacaxique lec xnich'najic; li sme' xvacaxique lec xch'i x'alajic.

Job 42:17

Ep c'ac'al icuxi li Jobe; lec mol c'alal icham.

Job 5:26

Lec ataoj amalubel chacham jech chac c'u cha'al jchuc trigo ti lec staoj syijil chich' tuch'ele.

Salmos 107:38

Ta x'ac'batic lec bendición, ta sbolesatic lec, xchi'uc mu'yuc ta sbic'tajesbatic li sts'unub yovolique.

Salmos 144:13

Li snail jtrigocutique ac'o nojuc ta sventa ep ta chop ve'liletic; li jchijcutique ac'o epajuc, ac'o boluc; ac'o snojesic scotol li stenlejaltique.

Salmos 55:23

Dios cu'un, li jmilvanejetique li jlo'lavanejetique mu xcuxiic o; me j'o'loluc mu sc'upin ya'yic li xcuxlejalique, yu'un chavac' ochicuc yalel ta ch'en sventa ch'ayel, pero li vu'une ja' no'ox jpatoj co'nton o ta atojol.

Salmos 90:10

Ja' no'ox lajuneb xchanvinic (70) jabil ti xu' chicuxicutique; li boch'o toj lec tsotsique xu' chc'otic c'alal ta chanvinic (80) jabil, pero toj vocol chca'icutic, yu'un ja' no'ox puru vocol, puru abtel. Li jabilalcutique ta anil no'ox chjelov, jech ech'el libatcutic o.

Isaías 65:20

Me junuc olol mu'yuc chcham ta yololal; me junuc mol mu'yuc chcham ti c'alal mu'yuc tsta sjabilale. Me oy boch'o chcham ta vo'vinic (100) sjabilale, ‘Querem to icham’, xiic. Me oy jun mol ti chcham c'alal mu'yuc yich'oj vo'vinic (100) jabile, ‘Tuch'bil yorail icham’, xiic.

Oseas 9:14

Muc'ul Dios, pasbo li c'usi anopoj chapasbee. Paso mantal ti ac'o yaluc yol xnich'onique; ac'o mats'uc o ya'lel xchu' li antsetic yu'unique.

Deuteronomio 28:4

Chich' bendición avalab anich'nabic xchi'uc scotol c'usitic chats'unic. Xchi'uc lec chch'i yalab sme' avacaxic, xchi'uc achijic, xchi'uc scotol li c'usitic yan oy avu'unique.

Deuteronomio 4:40

Ch'unbeic me scotol li c'usitic chayalboxuque xchi'uc li smantaltaque, ja' ti chacalboxuc ava'yic li' ta orae. Me jech chapasique, xcuxet no'ox avo'ntonic li vo'oxuque xchi'uc li amomnich'nabique. Xchi'uc jal chacuxiic te ta avosilic yo' bu chayac'boxuc avich'ic li Muc'ul Dios cu'untique”, xi li Moisese.

Deuteronomio 7:14

Li vo'oxuque ep bendición chavich'ic; ja' mu sta jech li yantic lumetique. Mu'yuc bu chloc' vinic antsetic avu'unic ti mu sna' x'alaj xnich'najique. Jech noxtoc mu'yuc bu chloc' yol ats'unub avovolic ti mu sna' x'alaj xnich'najique.