Éxodo 23:25 - Bible in Tzotzil de Chenalhó with Deuterocanon

²⁵ Vu'un no'ox xavich'icun ta muc'; vu'un li Muc'ul Diosun avu'unique, jech ta xcac'be bendición li apanique xchi'uc li ava'alique. “Mu'yuc ta xcac' taluc chamel ta atojolic.

Bible in Tzotzil de Chamula

²⁵ Nijano, chimano aba ta yich'el ta muc' ti Ajvalil ti ja' Dios avu'une. Jech ti stuque ta sts'uiltasbot ti ave'el ava'ale. “Ta jnamajes ta atojol ti chamel lajele.

Éxodo 23:25 Iomraidhean Croise

Salmos 103:3

Ja' chispasbun perdón yu'un scotol li jmule; ja' chiscoltaun ta sventa scotol c'usiuc no'ox c'ux chca'ay.

Éxodo 15:26

Jech i'albatic: “Me chavich'ic lec ta muc' c'usi chacalboxuc vu'un li Muc'ul Diosun avu'unique, me chapasic li c'usi ta jc'ane, me chach'unic, me chavich'ic ta muc' li mantaletic cu'une, mu'yuc ta xcac' taluc jchopuc avocolic jech chac c'u cha'al laj cac' ta stojol li egiptoetique. Yu'un vu'un Muc'ul Diosun; vu'un chajcoltaoxuc ta achamelic”, x'utatic yu'un li Diose.

Eclesiastés 5:20

Jech mu xlo'ilaj yo'nton ti jayib c'ac'al cuxule, yu'un ac'bil xcuxetel yo'nton yu'un li Diose.

Isaías 33:16

le'e ja' jun yo'nton chcuxi; ja' snac'ubbail chc'ot li muc'tic tsatsal tone. Oy lec sve'el, xchi'uc oy lec vo' yuch'; mu'yuc c'usi sc'an cha'ay o.

Isaías 33:24

Mu jbejuc ta na jech chal: “Toj ipun”, mu'yuc xi, yu'un tspasbatic perdón yu'un smulic scotol li jnaclumetic ta Sione.

Jeremías 8:2

Te no'ox tanpuc chbat ta osilaltic ta sba ta sat li c'ac'al, li u, xchi'uc li c'analetique, yu'un ja' laj yich'ic ta muc', ja' itunic yu'un, ja' la sts'aclinic o, ja' la sjac'beic li c'usi tsjaq'uique, ja' la squejan sbaic ta stojol. Mu'yuc boch'o chtal stsobbe li sbaquilique, mu'yuc boch'o chtal smuc, te no'ox chch'ay batel ta banamil jech chac c'u cha'al c'a'ep.

Daniel 1:15

C'alal la sta lajuneb c'ac'ale, ja' toj lec satic, lec sololic; ja' mu sta jech li yantic queremetic ti co'ol sve'elic xchi'uc ajvalile.

Levítico 11:44

yu'un vu'un Muc'ul Diosun avu'unic, jech tsc'an chavac' abaic ta tuq'uibtasel, xchi'uc tsc'an tuc' avo'ntonic yu'un li vu'une tuc' co'nton. Jech tsc'an ti mu xasoques abaic ta sventa li chonetic ti xjochet, ti xquilet ta banamil chanovique.

Levítico 26:3

“Me chach'unic, me chapasic li mantaletic xchi'uc li chanubtaseletic cu'une,

Malaquías 3:10

Ich'ic tal scotol li jujun ta lajlajunebe; la' aq'uic ta yavil cu'un, yu'un jech oy ve'lil ta jna. Pasic preva avilic; te chavilic me muc ta jamboxuc li sventanail vinajele, me muc ta jmalboxuc yalel tal li bendición sventa ch-epaj c'usitic oy avu'unique.

San Mateo 4:10

Ja' yu'un li Jesuse jech laj yalbe: —Batan, Satanás. Yu'un jech ts'ibabil ta sc'op Dios: ‘Ja' no'ox xavich'ic ta muc' stuc li Cajvaltique, ja' li Dios avu'une, ja' no'ox xaquejan aba ta stojol’, xi ts'ibabil —xut.

Deuteronomio 10:12

“Jchi'iltac israeletic, tana li'i, ¿c'usi tsc'an ac'o apasic li Muc'ul Dios cu'untique? Ja' no'ox tsc'an ti ac'o avich'ic ta muq'ue, xchi'uc ti ac'o atamic batel li lequil be yu'une. Jech c'anic me ta scotol ajol avo'ntonic.

Deuteronomio 10:20

“Ich'ic me ta muc' li Muc'ul Diose cu'untique. Ja' no'ox me xaquejan abaic ta stojol. Junuc me avo'ntonic ta stojol. C'alal me oy c'usi chac'an chavalic ti chava'anic testigoe, ja' me xava'anic ta testigo stuc li Muc'ul Diose.

Deuteronomio 13:4

Ja' no'ox me xats'aclinic o li Muc'ul Dios cu'untique. Ja' no'ox xavich'ic ta muc' stuc. Ch'unbeic me li smantaltaque. A'ibeic li sc'ope. Tsobo abaic ta yich'el ta muc'. Te me oyanic o ta stojol.

Deuteronomio 6:13

Ja' no'ox xavich'ic ta muc' stuc li Muc'ul Dios cu'untique. Ja' no'ox xaquejan abaic ta stojol. C'alal me oy c'usi chavalic ti chava'anic testigoe, ja' me xavalbeic sbi li Diose.

Deuteronomio 7:13

Lec chasc'anoxuc. Chayac'boxuc ep bendición, xchi'uc chasbolesoxuc. Chac'be bendición noxtoc li anich'nabique xchi'uc li c'usitic oy avu'unique, ja' li trigoe, li ts'usube, xchi'uc li aceitee. Xchi'uc lec chch'i yol li avacaxique xchi'uc li achijique. Yu'un jech ono'ox yalojbe jmoltotactic ta vo'one ti chayac'boxuc scotol c'alal me te xa oyoxuc ta avosilique.

Deuteronomio 7:15

Li Muc'ul Diose mu xac' taluc chamel ta atojolic, xchi'uc muc xac' taluc li c'usitic toj chopolique, ti toj xi'balic sba jech chac c'u cha'al ava'yojbeic sc'oplal ic'ot ta pasel ta Egiptoe. Yan li avajcontraique chcac' taluc ta stojolic scotol, yu'un ac'o sta ep svocolic.

Josué 22:5

Ja' no'ox chacalboxuc ti junuc me avo'nton xach'unic li mantaletic li tojobtaseletic laj yalboxuc comel li Moisese, ja' li yajtunel Muc'ul Diose. Ja' ti tsc'an ac'o ac'anic o li Muc'ul Dios cu'untique ti te ac'o oyanic o ta be yu'une, ti ac'o ach'unbeic li smantaltaque, ti ja' ac'o ats'aclinic o stuque, xchi'uc ti ac'o tunanic yu'un ta scotol ajol avo'ntonique”, xut.

Josué 24:21

Jech itac'ovic: —Mu xc'ot ta pasel jech. Ja' no'ox chituncutic yu'un li Muc'ul Diose —xiic.

Josué 24:24

Jech itac'ovic: —Ja' no'ox chituncutic o yu'un li Muc'ul Diose; ja' no'ox ta jch'unbecutic li c'usi chale —xiic.

1 Samuel 12:20

Itac'ov li Samuele: —Mu xaxi'ic. Ta melel toj chopol li c'usi laj apasique, pero mu me xanamajic ta stojol li Muc'ul Diose; ja' lec ich'ic ta muc' ta scotol avo'ntonic.

1 Samuel 12:24

Ja' no'ox xavich'ic ta muc' li Muc'ul Diose; ja' no'ox xatunic yu'un ta scotol avo'ntonic ta melel. Nopic lec ava'yic ti toj tsotsic li c'usitic la spas tal ta atojolique.

1 Samuel 7:3

Ja' yu'un li Samuele jech laj yalbe scotol li israeletique: “Me ta melel scotol avo'nton chasutic tal yan velta ta stojol li Muc'ul Diose, loq'uesic ta atojolic li yantic diosetic avu'unique xchi'uc li sloc'obaltac Astarote. Ja' no'ox ac'o avo'ntonic ta stojol li Muc'ul Diose; ja' no'ox stuc xavich'ic ta muc', jech chascoltaoxuc loq'uel ta sc'ob li filistaetique”, xut.