Éxodo 23:23 - Bible in Tzotzil de Chenalhó with Deuterocanon

²³ Yu'un li j'almantal cu'une, ja' ba'yucbe chbat avu'unic; ja' chayic'oxuc batel ta yosilal li amorretic, li hetetic, li ferezetic, li canaanetic, li hevetic, xchi'uc li jebusetique. Yu'un li stuquique ta xculesic o ta j'ech'el.

Bible in Tzotzil de Chamula

²³ Yu'un ti caj'ánjele jba'be ta xbat ta atojol ti ta xic'ot ochel ta slumalic ti amorreoetique, ti hititaetique, ti ferezeoetique, ti cananeoetique, ti heveoetique, xchi'uc ti jebuseoetique, ja'ic ti ta jtenic loq'uel ta j'ech'ele.

Éxodo 23:23 Iomraidhean Croise

Génesis 24:7

Li Muc'ul Diose, ja' li Dios ta vinajel ti la sloq'uesun tal ta sna li jtote xchi'uc ta yosilal li cuts' calaltaque, xchi'uc ti laj yalbun ta jamal ti chac'be jmomnich'nabtac li banamil li'i, ja' ta stacbot tal yaj'almantal, ja' ba'yucbe ta xbat avu'un ta sa'bel yajnil li jnich'one.

Génesis 34:2

Pero li Siqueme, ja' li xnich'on Hamor heveo vinique, ja' li banquilal yu'unic te ta lume, laj yil li tsebe. Jech te la stsatsal-tsac; laj yuts'inta.

Éxodo 18:8

Li Moisese la xcholbe ya'ay smuni' scotol c'usi la spas Muc'ul Dios ta stojol li faraone xchi'uc ta stojol scotol li egiptoetic c'alal la scolta li israeletique. Xchi'uc laj yalbe scotol c'u x'elan svocolic tal ta be xchi'uc ti c'u x'elan icoltaatic yu'un Muc'ul Diose.

Éxodo 23:20

“A'yo ava'yic, ta jtac tal ta atojolic caj'almantal, yu'un ja' chaxchi'inoxuc batel ta be; ja' chayic'oxuc batel ti bu chapanbil avavilic cu'une.

Éxodo 3:17

Xchi'uc laj yalbun ti chascoltaoxuc loq'uel ta sventa li xc'uxul avocolic li' ta Egiptoe, yu'un chayic'oxuc batel ta banamil yo' bu nacalic li canaanetique, li hetetique, li amorretique, li ferezetique, li hevetique, xchi'uc li jebusetique. Ja' li jun banamil ti bu ta xloc' ep ya'lel xchu' vacax xchi'uc pom jech chac c'u cha'al chloc' vo'e’, uto.

Éxodo 32:2

Itac'ov li Aarone: —Loq'uesbeic tal staq'uinal xchiquin avajnilic xchi'uc staq'uinal xchiquin aqueremic atsebic ti pasbilic ta c'anal taq'uine. Ich'bicun tal li'i —xi.

Isaías 5:13

Ta sventa ti mu xa'ibeic smelol li jteclumale, jech ch-ic'atic batel ta yan banamil. Scotol li jteclumal xchi'uc li banquilaletic yu'unique te chchamic ta vi'nal xchi'uc ta taqui o'ntonal.

Deuteronomio 9:3

“Ja' yu'un li' ta orae, tsc'an chana'ic ti ja' ba'yucbe ta xbat avu'unic stuc li Muc'ul Diose, yu'un ja' jech chac c'u cha'al c'oc' ti xu' yu'un chchic' scotole. Ta asatic tslajes scotol, tsbic'tajes scotol li muc'tic banamile. Ja' yu'un li vo'oxuque jmaq'uel no'ox ta satil chanutsic loq'uel, chalajesic scotol jech chac c'u cha'al yaloj li Diose.

Josué 23:9

Yu'un li Muc'ul Diose ja' la stsalboxuc scotol li yajval banamiletic ti toj tsotsique, ti toj simaronique. Ta sliqueb xchi'uc c'alal to tana mu'yuc boch'o xastsaloxuc o.

Josué 5:13

C'alal ja'o te va'al ta nopol Jericó li Josuee, laj yil te va'al ta stuq'uil jun vinic yich'oj jun espada. Li Josuee inopaj batel; jech la sjac'be: —¿Me vu'uncutic tal acoltauncutic, o me ja' tal acolta li cajcontracutique? —xut.

Josué 9:1

Li ajvaliletic yu'un hetetic, amorretic, canaanetic, ferezetic, hevetic, xchi'uc jebusetique laj ya'yic li c'usi ic'ot ta pasele. (Li ajvaliletic le'e ja' te nacajtic ta smaleb c'ac'al yu'un li uc'um Jordán ta toyolaltic, ta vitsetic, ta stenlejaltic, xchi'uc ta scotol ti'ti' Nab Mediterráneo c'alal to ta yosilal Libanoe.)