Éxodo 23:21 - Bible in Tzotzil de Chenalhó with Deuterocanon

²¹ Mu me xavoc' abaic ta stojol; a'ibeic me li sc'ope. Mu me xabajbeic smantal, mu'yuc me xaspasboxuc perdón me laj ata amulique, yu'un ja' ta jventa ti ch-abteje.

Bible in Tzotzil de Chamula

²¹ Mu xach'ac aba ta stojol. Ch'uno ti bu ta xic'ot batele. Mu xatoy aba ta stojol, yu'un ti ánjel taje yich'oj yabtel cu'un, mi ja'uc xataic ti ch'an no'ox xayutic yu'un ti amulique.

Éxodo 23:21 Iomraidhean Croise

Salmos 2:12

Yu'un jech mu x'ilin ta atojolic, naca me chamanic ta be yu'un; yu'un mu vocoluc xu' tstsan li sc'ac'al yo'ntone. Xcuxet no'ox yo'nton li boch'otic ja' spatoj yo'ntonic yu'une.

Salmos 72:19

Ac'o ich'atuc ta muc' sbatel osil li xch'ul bie; ac'o nojuc ta slequilal scotol li banamile. Jech ac'o c'otuc ta pasel. Jechuc.

Salmos 78:40

Toj ep ta velta la stoy sbaic ta stojol te ta xocol banamil; ep laj yac'beic yat yo'nton te ta taqui banamil.

Salmos 78:56

Pero li stuquique la sa'beic sc'ac'al yo'nton li Diose. La stoy sbaic ta stojol li Boch'o te oy ta vinajele; muc xch'unbeic li smantaltaque.

Salmos 83:18

Yu'un jech ac'o yotquinic ti vo'ot no'ox atuc Muc'ul Diosote, ti vo'ot no'ox atuc te oyot ta vinajele, ti oy ta ac'ob scotol li banamile.

Éxodo 3:14

Itac'ov li Diose: —VU'UN TI TE ONO'OX OYUN OE. Jech xavalbe li achi'iltaque: ‘VU'UN la stacun tal ta atojolic’, uto —xi.

Éxodo 32:34

Ja' lec batan xa; ic'o batel li achi'iltac yo' bu calojbote. Ja' ta stojobtasot batel li j'almantal cu'une. C'alal tsta yoraile, vu'un chcac'be stojol li smulique —xi.

Éxodo 6:3

laj cac' jba ta otquinel ta stojol Abraham, Isaac, xchi'uc Jacob vu'un ti “Ech'em Stsatsal”, xi jbie. Pero mu'yuc laj cac'be yotquinic ti ta melel ja' Muc'ul Dios jbie.

Isaías 42:8

Vu'un li Muc'ul Dios jbie, mu xcac' boch'o yan chich' li jlequilal cutsilale; mu xcac' ja' chc'ot ta stojolic quich'el ta muc' li c'usitic loc'tabilic no'oxe.

Isaías 45:6

Yu'un jech ac'o ana' ti mu'yuc yan Dios jech chac c'u cha'al vu'une. Mu'yuc bu ta tael yan Dios, me ta sloq'ueb c'ac'al, me ta smaleb c'ac'al ti co'ol jech chac c'u cha'al vu'une.

Isaías 57:15

Yu'un li boch'o oy ta sc'ob scotole, ti stalel cuxul o sbatel osile, ti Ch'ul Dios, xi ch-albate, jech chal: “Vu'un te nacalun ta toyol, ta ch'ul vinajel, xchi'uc te oyun ta stojol noxtoc li boch'otic biq'uit chac' sbaique, xchi'uc li boch'otic abul sba cha'yique; te ta xcac'beic lec stsatsal yo'ntonic, ta jmuq'uibtasbe yo'ntonic.

Isaías 7:14

A'yo ava'ay, ja' stuc Muc'ul Dios ta xac'bot avil senyail: A'yo ava'ay, ta to xlic xchi'in yol jun tseb; ta svoq'ues jun querem, Emanuel ta xac'be sbi.

Isaías 9:5

Li snatil xonobic soldadoetic slapojic tal ta pasc'op ti xpojlajet no'ox tal yu'unique, xchi'uc li sc'u'ic bonajtic ta ch'ich'e, chich' chiq'uel, chich' ulesel o ta c'oc'.

Isaías 9:6

Yu'un ivoc' jun querem ta jtojoltic; lij'ac'bat jun nich'onil. Ja' ac'bil tsots yabtel sventa tspas mantal; ja' jech sbi ch-ac'bat: Ech'em Yutsil, Jbijubtasvanej, Tsatsal Dios, Totil Sbatel Osil, J'ac'-Jun-O'ntonal, xi sbi chc'ot.

Jeremías 23:6

C'alal ja'o tiq'uil ta pasmantale, li Judae lec jun yo'nton; li Israele mu'yuc c'usi chal yo'nton. Ja' jech sbi chc'ot yu'unic: ‘Li Muc'ul Diose ja' tuq'uil jchapanvanej cu'untic’, xi sbi chc'ot”, xi.

Jeremías 5:7

Ja' yu'un jech chal li Muc'ul Diose: “¿C'u x'elan xu' ta jts'icbot yepal li amul le'e? Li anich'nabique la scomtsanicun; c'alal oy c'usi chalic ta jamale, ja' la st'abbeic sbi li c'usi muc diosuque. Laj cac'be ep sve'elic, pero ja' no'ox imulivajic; muc vu'cun laj yich'icun ta muc', ja' no'ox ibatic ta snail muliletic.

Malaquías 3:1

Li Muc'ul Dios ti tspas ta mantal scotol te ta vinajele jech chal: “A'yo ava'yic, ta jtac batel j'almantal cu'un, ja' chbat sjambun jbe. Jech ta ora no'ox ta xtal ochuc ta xch'ulna li Ajvalil chasa'ique. Chvul xa ta loq'uel li boch'o tacbil tal sventa chtal yal c'usi chapanbil ono'ox, ti chac'anic ac'o taluque. Le' xa nopol xtale”, xi.

Números 14:11

Li Muc'ul Diose jech laj yalbe li Moisese: —¿Baq'uin to chlic lecubuc yo'ntonic ta jtojol li cristianoetic li'i? ¿Baq'uin to chlic xch'unic lec?, yu'un ep xa sq'uelubil jtsatsal la jpas ta stojolic.

Números 14:35

Vu'un li Muc'ul Diosune, jbel jech chcal o: Ja' jech ta jpasbe li jbajmantal cristianoetic li'i, ti jmoj la scontrainicune. Li' ta xchamic ta xocol banamil, jech ta xlaj sc'oplalic o, uto li achi'iltaque —xi li Muc'ul Diose.

San Mateo 1:23

“A'yo ava'yic, ta xlic xchi'in yol jun tojol tseb, ta svoq'ues jun querem; Emanuel ta xac'be sbi”, xi ono'ox. “Dios li' jchi'uctic”, xi smelol li sbie.

San Mateo 17:5

C'alal ja'o chlo'ilaj li Pedroe, ital jvol toc, oy xojobal; te macbil ic'otic. Te laj ya'yic c'op ta yut toc, jech laj yal: “Li'i ja' jnich'on, lec jc'anoj. Lec jpatoj co'nton yu'un. A'ibeic sc'op”,, xi.

San Juan 10:30

Li vu'une jununcutic xchi'uc li Jtote —xi li Jesuse.

San Juan 10:38

Pero me ja' yabtel ta jpasbe chavilique, ac'o me mu xach'unicun li vu'une, ch'unic ta sventa li cabtel ta jpase, yu'un jech chana'ic o ti li' oy ta jtojol li Jtote, xchi'uc ti oyun ta stojol eq'ue —xi li Jesuse.

San Juan 5:23

Yu'un jech ac'o ich'atcun ta muc', jech chac c'u cha'al ich'bil ta muc' li Jtote. Li boch'otic mu xiyich'icun ta muc' vu'un li xnich'onune ja' mu xich'ic o ta muc' li Jtot ti la stacun tale.

Efesios 4:30

Mu me xavac'beic yat yo'nton li Ch'ul Espíritu yu'un Diose. Yu'un ja' senyail ac'biloxuc ti c'alal tsta sc'ac'alil coltaele.

Deuteronomio 18:19

Pero me oy boch'o mu xich' ta muc' c'usi chcalbeic ta sventa li j'alc'ope, ta xquich'be sc'op c'u yu'un.

Deuteronomio 9:7

“Mu me xch'ay ta avo'ntonic ti ep laj avaq'uic ilinuc te ta xocol banamil li Muc'ul Diose. C'alal laloq'uic tal ta Egiptoe, xchi'uc c'alal to lavulic li'i, scotol ora laj abajilanbeic li smantale.

Colosenses 2:9

Yu'un li Cristoe yich'ojbe scotol c'u x'elan stalel li Diose.

Hebreos 12:25

Ja' yu'un q'uelo me abaic, mu me xabajic li c'opanel yu'un Diose. Yu'un li boch'otic la sbajic c'usi i'albatic yu'un li banquilal yu'unic li' ta banamile, muc xcolic. ¡Buuc xa me ta jbajtic comel li Dios ti chisc'opanutic tal c'alal ta vinajele, j'ech'el mu xijcol o!

Hebreos 3:16

¿Boch'o sc'oplalic ti laj ya'yic ic'opanatic yu'un Diose, ti ja' no'ox la scontrainique? ¿Me mu ja'uc sc'oplalic scotol li israeletic ti iloq'uesatic tal ta Egipto yu'un Moisese?

Josué 24:19

Li Josuee jech laj yalbe: —Mu xu' avu'un chatunic yu'un li Muc'ul Diose. Yu'un li Diose bats'i tuc' yo'nton; it'ix yo'nton me yan boch'o chquich'tic ta muq'ue. Mu sts'ic yu'un li atoyobbailic ta stojole, xchi'uc li amulique.

1 Juan 5:16

Me ta xquiltic ti oy jchi'iltic ta spasilan c'usi chopol ti ma'uc to sventa ch'ayele, ja' sc'an ta jc'opanbetic Dios ta stojol, jech ch-ac'bat xcuxlejal yu'un Dios me ma'uc to sventa ch'ayel li mulil tspase. Yu'un oy mulil ti ja' sventa ch'ayele. Ta sventa le'e, mu'yuc chacalboxuc ti ac'o ac'opanbeic Dios ta stojole.

Apocalipsis 1:8

Jech chal li Cajvaltic Diose: “Vu'un sliquebun, vu'un slajebun”,, xi. Ja' li Boch'o te ono'ox oy oe, xchi'uc ti te oy o c'alal to tanae xchi'uc ti te oy o sbatel osile, ti ech'em svu'ele.

Apocalipsis 2:23

Yan li mero yalabtac stuc li antse, ta jmilic o. Yu'un jech tsna'ic o scotol cu'untac ta jujutsob ti vu'un jna'ojbe, ti vu'un xcotquinbe yo'nton li cristianoetique, xchi'uc ti vu'un ta xcac'be stojol ti c'u x'elan yabtelique.

Apocalipsis 2:8

Jech laj yalbun noxtoc li Cajvaltique: “Jech xats'ibabe batel li j'almantal yu'un jtsob jch'unolajeletic ta lum Esmirnae: ‘Li Boch'o te oy ta sliqueb xchi'uc ta slajebe, ja' ti icham xchi'uc ti icha'cuxie, jech chayalboxuc:

Apocalipsis 3:7

Jech laj yalbun noxtoc li Cajvaltique: “Jech xats'ibabe batel li j'almantal yu'un jtsob jch'unolajeletic ta lum Filadelfiae: ‘Jech chal li Boch'o mu'yuc smule, ti melel scotol c'usi chale, ja' li Boch'o yich'oj ta sc'ob li sllavi Davide. Ja' li Boch'o ta sjam ti mu'yuc boch'o xu' yu'un tsmaque, ja' li Boch'o ta smac ti mu'yuc boch'o xu' yu'un tsjame.

Jueces 13:18

Itac'ov li j'almantale: —¿C'u yu'un ti chajac'bun jbie? Ja' toj lec, toj muc' ta a'yel li jbie —xi.