Éxodo 23:2 - Bible in Tzotzil de Chenalhó with Deuterocanon

² “Mu me ja'uc xats'aclinic ta spasel c'usi chopol li boch'o epique. “C'alal chaval ava'yejic ta stojol jchapanvanejetique, mu me ja'uc xachanic c'usi chopol tspasic li boch'otic epique. Mu me ja'uc xavac' ta avo'ntonic li c'usi mu'yuc tuq'ue.

Bible in Tzotzil de Chamula

² “Mu xachan ta sts'acliel mi ja' yepal ti co'ol chopol sjolique. “C'alal ta xa'ich'bat ave ati' ta xchapel ti c'usitic aviloj lec atuque, ma'uc me ti xasutes ave ta scoj ti ja' yepal ti jvoq'ue, ti tey xa no'ox ts'ijil ta xacom ti c'alal xana' lec ti naca jutbile.

Éxodo 23:2 Iomraidhean Croise

Génesis 19:4

C'alal mu'yuc to'ox chvayique, scotol li viniquetic ta Sodomae te ic'otic ta sna li Lote. C'alal ta ch'ium queremetic c'alal ta moletic italic; te vul set sbaic ta sna li Lote.

Génesis 6:12

Scotol cristianoetic ibolibic, jech i'epaj mulil ta banamil laj yil li Diose.

Génesis 7:1

Li Muc'ul Diose ts'acal jech laj yalbe li Noee: “Ochanic ta barco acotolic achi'uc avajnil anich'nab, yu'un vo'ot no'ox atuc laj apas c'usi ta jc'an ta scotol li cristianoetic li' ta orae.

1 Reyes 19:10

Jech itac'ov: “Toj nabal co'nton ta atojol Muc'ul Dios, vo'ot ti ech'em atsatsale. Yu'un li jchi'iltac ta israelale laj xa soquesic li c'usi chapanbil avu'une; laj xa sjinesic li scajleb amotone, xchi'uc laj xa smilic ta espada scotol li avaj'alc'optaque. Jtuc xa no'ox cuxulun, pero ta st'unicun yu'un tsc'an chismilicun ec”, xut.

Job 31:34

ta scoj chixi' yu'un li epal cristianoetique, xchi'uc ta scoj chisna'leicun li cuts' calaltaque. Mu'yuc bu jnac'oj xa jba; mu xa xiloc' o ta sti' jna.

Salmos 72:2

Yu'un jech lec tuc' ac'o xchapan li ateclumale; lec tuc' ac'o sventain li me'onetic avu'une.

Proverbios 1:15

mu me xbat achi'in; mu me co'oluc xaxanov achi'uc, voc'o me aba.

Proverbios 18:5

Li jchapanvanejetique mu lecuc me ja' tscoltaic li boch'o oy smule, xchi'uc me ja' mu xaq'uic c'opojuc li boch'o mu'yuc smule.

Proverbios 4:14

Mu me ja'uc xatambe batel sbe li boch'otic bolique; mu me xa'och batel yo' bu chanovic li boch'otic chopolique.

Jeremías 37:15

Li banquilaletique i'ilinic ta stojol li Jeremiase. La smajic, la stiq'uic ta chuquel te ta sna Jonatán, ja' li jts'ibajome, yu'un ja' c'otem ta chuquinab yu'unic li snae.

Jeremías 37:21

Ja' yu'un li ajvalil Sedequiase laj yal mantal ti te xa no'ox ac'o bat xchabiic ta yamaq'uil chuquinabe, xchi'uc ac'o yac'beic jbejuc pan sve' ta jujun c'ac'al ti te chich' pasel ta xoraltic ta spasubil pane. Jech te tal yaq'uilanbeic o, ja' to ti c'alal ilaj scotol li pan chich' pasel te ta lume. Jech te no'ox icom ta yamaq'uil chuquinab li Jeremiase.

Jeremías 38:9

—Ajvalil, li jchi'iltactique toj chopol c'usi la spasbeic li j'alc'op Jeremiase. Le'e ja' jun tsots mulil, yu'un la stiq'uic ta natil joc'. Xu' te ta xlaj ta vi'nal, yu'un mu'yuc ve'lil li' ta jlumaltique —xut.

Ezequiel 9:9

Jech laj yalbun: “Li smul la sa'ic ta jtojol li Israel xchi'uc Judae toj ep ta jyalel. Li avosilalique inoj ta ch'ich' yu'unic. Li alumalique inoj ta c'usitic mu'yuc tuc' tspasic. Yu'un jech laj yalic: ‘Laj xa sjip ta yo'nton cosilaltic li Muc'ul Diose. Mu xil li c'usi ta jpastique’, xiic.

Levítico 19:15

“Mu me chopoluc xachapanvanic. Mu me ja'uc xapojic li me'one; mu me ja'uc xavich'ic ta muc' li jc'uleje. Tuc' me xachapanic li achi'iltaquique.

Hageo 1:4

“¿Me ja' no'ox vo'oxuc yorail xu' chanaqui ta anaic ti toj c'upilic sba pasbil ti c'alal ja' yoquel jinem o li jch'ulnae?

Marcos 15:15

Li Pilatoe tsc'an ti jun yo'nton chcom li cristianoetique, jech la scolta li Barrabase. C'alal laj yac'beic nucul li Jesuse, laj yac' ta c'abal, yu'un ac'o bat sjoc'anic ta cruz.

Hechos 24:27

Pero c'alal ijelov chib jabile, iloc' ta yabtel li Felicse, ja' i'och ta xq'uexol Porcio Festo. Li Felicse tsc'an ti lec ch-ilat yu'un li judioetique jech te tiq'uil ta chuquel la scomtsan li Pabloe.

Hechos 25:9

Li Festoe tsc'an ti lec ch-ilat yu'un li judioetique, ja' yu'un jech la sjac'be li Pabloe: —¿Me chac'an chabat ta Jerusalén, yu'un ja' te ta xc'ot jchapanot? —xut.

Romanos 1:32

Ac'o me sna'ic ti yaloj Dios ch'ayel chbatic li boch'otic jech tspasique, pero te ono'ox tspasilanic o. Ma'uc no'ox ti te tspasilanic oe; ja' to toj lec cha'yic me oy boch'o yan jech chchanic spasel eq'ue.

Deuteronomio 1:17

C'alal chachapanvanique, mu me xat'ujic li boch'o chac'uxubinique. Co'ol me xachapanic scotol, ac'o me muc ich'bilicuc ta muc', o me ich'bilic ta muc'. Mu me boch'o xaxi'ic yu'un, yu'un li avabtelic chachapanvanique ja' sventa Dios. C'alal me oy c'usi toj tsots ti mu xu' avu'unique, xtal avalbicun. Vu'un ta jchapan’, xcutic.

Deuteronomio 16:19

Mu me xasoquesic li tuq'uil chapanele. Mu me xat'ujic li boch'o chacoltaique. Mu me xach'amic taq'uin ti c'alal chachapanvanique. Yu'un li taq'uine tspas ta ma'sat yu'un li boch'otic bijique, xchi'uc chlic socbe sc'op li boch'otic tuc' yo'ntonique.

Deuteronomio 24:17

“Mu me xapasic c'usi mu tuc'uc ta stojol li yanlumetique xchi'uc ta stojol li me'onetic ti chamen xa stot sme'ique. Xchi'uc mu me xavich'beic ta prentail sc'u' spoc' li me'on antsetique.

Josué 24:15

Yan me mu xac'an ja' xatunic yu'un li Muc'ul Diose, t'ujic ta ora boch'o chac'an chatunic yu'un. Me ja' chac'an chatunic yu'un ec li diosetic ti itunic yu'un jmoltotactic ta vo'one te ta jot uc'um Eufratese, o me ja' chac'an chatunic yu'un sdiosic li amorretic ti nacal ta avosilalique. Yan li vu'un jchi'uc cajnil jnich'nabe ja' no'ox chituncutic o yu'un li Muc'ul Diose —xi.

1 Samuel 15:24

Li Saule jech laj yalbe li Samuele: —Ta melel laj xa jta jmul; ja' la jbajbe smantal li Muc'ul Diose xchi'uc li mantal laj avalbune yu'un ja' lixi' yu'un li jchi'iltactique; ja' la jch'unbeic li c'usi la sc'anique.

1 Samuel 15:9

Pero li Saúl xchi'uc scotol xchi'iltaque muc smilic li Agage, xchi'uc li me' chijetic ti ven lequique, li vacaxetique, li ch'ium tot vacaxetic ti lec jubenique, xchi'uc li tot chijetique, xchi'uc li c'usitic lec toyolic stojole; muc xulesic scotol. Ja' no'ox laj yulesic li c'usitic mu'yuc lequique, ti mu'yuc lec stuique.