Éxodo 23:19 - Bible in Tzotzil de Chenalhó with Deuterocanon

¹⁹ “Li sba sat c'usitic ats'unoj ta avosilic ti toj lequique, ich'bicun tal ta Ch'ulna cu'un, vu'un li Muc'ul Diosun avu'unique. “Mu me xapanic ta ya'lel xchu' sme' li unin ch'ium tentsune.

Bible in Tzotzil de Chamula

¹⁹ “Ti slequilal sba sat ti c'usitic ch'i ta abanomile, tsots sc'oplal ta xavich' batel ta xch'ulna ti Ajvalil ti ja' Dios avu'une. “Mu me capaluc ta ya'lel xchu' sme' ta xalacan ti ch'in tentsune.

Éxodo 23:19 Iomraidhean Croise

Nehemías 10:35

Xchi'uc ta jchapantic noxtoc ti jujun jabil chquich'tic batel ta xch'ulna yu'un Muc'ul Dios li sba sat c'usitic chloc' cu'untique xchi'uc li sba sat jsatinom te'etic cu'untique,

Nehemías 10:36

xchi'uc li sba jnich'nabtique xchi'uc li sba yol jts'unub covoltic jech chac c'u cha'al chal li mantaletique. Te chc'ot cac'betic ta sc'ob li paleetic te ch-abtejic ta ch'ulna yu'un Diose.

Éxodo 22:28

“Mu me c'usi yan xavich' xavalic ta stojol li Diose, xchi'uc mu me xachopolc'opojic ta stojol li banquilaletic avu'unic te ta alumalique.

Éxodo 22:29

“Mu me xjalij avu'unic ti chavich'bicun tal jmotonin li sba sat c'usitic chloc' avu'unique xchi'uc li ya'lel ats'usubique. “Voc'bicun me li sba aqueremique.

Éxodo 34:26

“Scotol li sba sat c'usitic ats'unojic ti lequique ich'bicun batel ta ch'ulna cu'un, vu'un li Muc'ul Diosun avu'unique. “Mu me xapanic ta ya'lel xchu' sme' li ch'ium tentsune”, xi li Muc'ul Diose.

Proverbios 12:10

Li boch'o tuc' yo'ntone oy ta yo'nton chc'uxubin li sts'unub yovole, yan li boch'o chopol yo'ntone chuts'inta li c'usitic oye.

Proverbios 3:9

Ich'o ta muc' Muc'ul Dios ta sventa li c'usitic oy avu'une, xchi'uc ta sventa li sba sat c'usitic chloc' avu'une.

Jeremías 10:3

Yu'un ti c'u x'elan stalelic, li c'usi chch'unic li yanlumetique mu'yuc stu o. Jbej te' ta xtuch'ic; ta xaanic lec li boch'o lec sna' yaanele.

Ezequiel 44:30

Li sba sat scotol c'usitic chloq'ue xchi'uc scotol li jmoton chquich' ac'bel ta jtojole ja' yu'unic li paleetique. Jech noxtoc li sba vots'elal harina chapasique ja' chavac'beic noxtoc li paleetique, yu'un jech te oy o ta anaic li bendición cu'une.

Ezequiel 48:13

Li osil ta sventa levietic ti sts'aquinoj sba xchi'uc li osil sventa paleetique ja' o'lol yoxlajunmil (12,500) metro snatil, vo'mil (5,000) metro sjamalil. Li jvoc' ch'ul banamil sventa Diose ja' o'lol yoxlajunmil (12,500) metro snatil, vo'mil (5,000) metro sjamalil noxtoc.

Ezequiel 48:14

Li banamil le'e mu xu' chich' chonel; mu'yuc boch'o xu' tsjel; mu xu' chich' aq'uel ta yan, yu'un ja' bats'i ch'ul banamil yu'un li Muc'ul Diose.

Números 15:21

Li matanaletic laj calboxuc sc'oplale, tsc'an me chavaq'uilanic o.

1 Corintios 15:20

Pero tana, li Cristoe icha'cuxi loq'uel ta smuquinal. Ja' sba sat ic'ot yu'unic li boch'otic ichamic xae.

Deuteronomio 14:21

“Me oy bu jech no'ox chcham stuc li chonbolometique, mu me xati'ic, yu'un vo'oxuc jun ta lum ti voc'biloxuc yu'un li Muc'ul Dios cu'untique. Yan li boch'otic te co'ol nacaloxuc achi'uquic ti yan slumalique, xu' chavac'beic sti', xchi'uc xu' chachonbeic batel li boch'otic te chjelovique. “Mu me xapanic ta ya'lel xchu' sme' li biq'uit tentsune.

Deuteronomio 26:10

Ja' yu'un laj quich' tal sba sat scotol li c'usitic iloc' cu'un ta cosil ti bu laj avac'bun, vo'ot li Muc'ul Diosot cu'une’, xachiic ta stojol li Muc'ul Diose. “Ta ora xavaq'uic ta stojol Muc'ul Dios cu'untic li moche, te xaquejan abaic ta stojol.

Deuteronomio 26:2

scotol li sba sat c'usitic ats'unojic ta avosilique, tulic scotol. Ich'ic batel ta jun moch. Bat aq'uic te yo' bu st'ujoj Muc'ul Dios cu'untic sventa chich' ich'el ta muq'ue.

Apocalipsis 14:4

Le'e ja' li boch'otic muc soques sbaic ta sventa antsetique, ti co'olic jech chac c'u cha'al tojol queremetique. Ja' chchi'inic batel li Ch'ium Chij ti buyuc no'ox chbate. Yu'un icoltaatic xa loq'uel ta stojol li cristianoetique, ja' jech ic'otic ta stojol Dios xchi'uc ta stojol Ch'ium Chij jech chac c'u cha'al li sba sat c'usi chich' aq'uel ta smoton Diose.