Éxodo 23:18 - Bible in Tzotzil de Chenalhó with Deuterocanon

¹⁸ “C'alal chamilbicun jmotonin li ats'unub avovolique, li xch'ich'ale mu me xavac'bicun xchi'uc li pan ti yich'oj svolesubil xch'ute, xchi'uc mu me xanac'beic xepual sventa yoc'omal.

Bible in Tzotzil de Chamula

¹⁸ “C'alal mi ta xachapanbeicun milbil chon bolom ta sventa ti matanale, mu me capaluc xchi'uc xch'ich'el ta xaq'uic. Ch'abaluc me yich'oj spajubtasobil ti pan xtoque. Ja' jech ti xepu'e, mu me teyuc q'uejel ta sta ta yoc'omal.

Éxodo 23:18 Iomraidhean Croise

Éxodo 12:10

Mu me xanaq'uic ta sventa yoc'omal. Me oy to chcom avu'unique, chiq'uic ta c'oc'.

Éxodo 12:15

Vucub c'ac'al te xlic ave'ic batel pan ti mu'yuc yich'oj svolesubil xch'ute. Ta sba c'ac'ale tsc'an mu'yuc xa boch'o oy svolesubil xch'ut pan te ta sna. Me oy boch'o tsve' pan ti yich'oj svolesubil xch'ut li vucub c'ac'al xbate, taquic loq'uel ta atojolic.

Éxodo 12:8

Te no'ox ta yac'ubalil xati'ic li chije. Vobil ta c'oc' xapasic. Capal ta ch'ail vomol xati'ic, xchi'uc ta pan ti mu'yuc yich'oj svolesubil xch'ute.

Éxodo 16:19

Li Moisese jech laj yalbe li xchi'iltaque: —Mu me boch'o scomtsan avu'unic sventa yoc'omal —xut.

Éxodo 29:34

Pero me icom scomelal sventa yoc'omale xchi'uc li pan sventa ich'ub abtelale, chiq'uic ta c'oc'. Mu me boch'o sti' avu'unic, yu'un ja' ch'ul matanal.

Éxodo 34:25

“Li xch'ich'al jmoton chamilbicune, mu me co'oluc xavac'bicun xchi'uc li pan yich'oj svolesubil xch'ute, xchi'uc mu me xaq'uejic comel sventa yoc'omal li jmoton chamilbicun ta sventa q'uin Coltaele.

Levítico 2:11

“Li matanaletic ti co'oltic jech chac c'u cha'al trigo chavac'bicun, vu'un li Muc'ul Diosune, mu me xavac'beic svolesubil xch'ut yu'un mu xu' chachic'bicun jmotonin li c'usi yich'oj svolesubil xch'ute, xchi'uc li spom muc'ta pome.

Levítico 7:12

Me ja' chamilbicun sventa oy c'usi chatojbicun ta vocole, aq'uic noxtoc muc'tic vaj mu'yuc yich'oj svolesubil xch'ut vots'bil ta aceite, xchi'uc bic'tal vaj mu'yuc yich'oj svolesubil xch'ut jaxbil ta aceite xchi'uc yan muc'tic vaj pasbil ta lequil arina vots'bil ta aceite.

Levítico 7:15

“Li sbec'tal jmoton sventa oy c'usi chatojbicun ta vocol xchi'uc sventa xu' chanopajic ta jtojole ac'o yich' ti'el te no'ox ta sc'ac'alil. Mu xu' chanaq'uic sventa yoc'omal.

Deuteronomio 16:4

Li vucub c'ac'ale mu me oyuc svolesubil xch'ut pan avu'unic ta scotol avosilalic. Jech noxtoc li smoton Dios chavaq'uic ta sba c'ac'ale, mu me xacomtsanic sventa yoc'omal.