Éxodo 23:15 - Bible in Tzotzil de Chenalhó with Deuterocanon

¹⁵ Pasic q'uin sventa pan ti mu'yuc yich'oj svolesubil xch'ute, jech chac c'u cha'al calojboxuc ono'oxe. Vucub c'ac'al xave'ic batel pan ti mu'yuc yich'oj svolesubil xch'ute. Li c'usi ual calojboxuc ono'oxe, ja' li u Abibe, yu'un ja' jech u ti laloq'uic tal ta Egiptoe. Mu'yuc boch'o xu' chtal ta jtojol ti me mu'yuc c'usi yich'oj tal jutuque.

Bible in Tzotzil de Chamula

¹⁵ Ta xapasbeic sq'uinal pan ti ch'abal ac'bil ti spajubtasobile. Jech c'u cha'al calojboxuc ava'iic ti jmantale, vucub (7) c'ac'al sjalil ta xave'ic pan ti ch'abal ac'bil ti spajubtasobile. Ti jech albil sc'oplal taje, ja' me ta yual Abib, yu'un ti jech u laloq'uic talel ta Egiptoe. Yu'un mu'yuc buch'u junuc xu' ta xtal ta jtojol ti mi mu'yuc c'usi yich'oj talele.

Éxodo 23:15 Iomraidhean Croise

Éxodo 12:2

“Li u li'i, ja' li sliqueb u yu'un jabile, tsots me sc'oplal chcom avu'unic.

Éxodo 13:3

Li Moisese jech lic yalbe li xchi'iltac ta israelale: “Na'ic me ti tsots sc'oplal li jun c'ac'al li'i. Mu me xave'ic pan ti yich'oj svolesubil xch'ute, yu'un ja' sc'ac'alil la sloq'uesoxuc tal ta Egipto ta svu'el stsatsal li Muc'ul Dios ti bu to'ox tiq'uiloxuc ta mozoile.

Éxodo 13:4

Li c'usi ora laloq'uic tal li'i ja' ta u Abib.

Éxodo 22:29

“Mu me xjalij avu'unic ti chavich'bicun tal jmotonin li sba sat c'usitic chloc' avu'unique xchi'uc li ya'lel ats'usubique. “Voc'bicun me li sba aqueremique.

Éxodo 34:18

“Pasic me li q'uin sventa pan ti mu'yuc yich'oj svolesubil xch'ut, jech chac c'u cha'al calojboxuc ono'oxe. Vucub c'ac'al xave'ic pan ti mu'yuc yich'oj svolesubil xch'ute. Li c'usi ora calojboxuc chapasique ja' ta Abib, yu'un ja' jech u ti laloq'uic tal ta Egiptoe.

Éxodo 34:20

Jech noxtoc li sba yol aburoique aq'uic jcotuc ch'ium chij, o me ch'ium tentsun ta xq'uexol. Me muc xavac'beic xq'uexole, ja' xac'asbeic snuc' li unin buroe. Jech noxtoc tsc'an chavac'beic xq'uexol li jujun sba anich'nabique. Mu me junuc boch'o jeche' xmeymun tal sc'ob c'alal chtal ta jtojol, vu'un li Muc'ul Diosune.

Levítico 23:10

“Jech xavalbe ya'yic scotol li achi'iltac ta israelale: C'alal me la'ochic xa'ox batel te ta avosilic yo' bu chacac'boxuque, me la sta yorail chatsob atrigoique, li sba chucal atrigoic chatuch'ique ich'ic batel ta stojol li palee.

Miqueas 6:6

¿C'usi xu' chquich' batel ta stojol li Muc'ul Diose? ¿C'usi xu' chquich' o ta muc' li Dios te oy ta toyole? ¿Me ja' chquich' batel ta stojol li matanal sventa chich' chiq'uele, o me ja' chquich'be batel li ch'ium vacaxetic ti jun to jabil svoq'uelique?

Marcos 14:12

Ta sba sc'ac'alil q'uin c'alal ta sve'ic pan ti mu'yuc yich'oj svolesubil xch'ute, xchi'uc c'alal ta smilic li ch'ium chij ta sventa q'uin Coltaele, jech ijac'bat yu'un yajchanc'optac li Jesuse: —¿Bu chac'an ta xbat jmeltsancutic li ch'ium chij ta jti'tic ta sventa q'uin Coltaele? —xutic.

San Lucas 2:41

Li stot sme' Jesuse scotol jabil ta xc'otilanic ta Jerusalén ti c'alal yorail q'uin Coltael yu'unique.

San Lucas 22:7

C'alal la sta sc'ac'alil ta sve'ic pan ti mu'yuc yich'oj svolesubil xch'ute, ja'o ti c'alal ta smilic li ch'ium chij ta sventa q'uin Coltaele,

Hechos 12:3

C'alal laj yil Herodes ti toj lec laj ya'yic li yantic judioetique, jech la stsac noxtoc li Pedroe. Ja'o ta yorail q'uin sventa pan ti mu'yuc yich'oj svolesubil xch'ute.

Deuteronomio 16:16

“Scotol li viniquetique tsc'an chbatic ta stojol Muc'ul Dios oxib velta ta jabil te ta yavil yo' bu t'ujbil yu'une. Tsc'an ja'o chbatic ti c'alal yorail q'uinetic jech chac li'i: q'uin sventa pan mu'yuc yich'oj svolesubil, q'uin Xemunaetic, xchi'uc q'uin Yaxnaetic. Mu me junuc boch'o jeche' xmeymun batel sc'ob avu'unic ti c'alal chbat ta stojol Muc'ul Diose.

1 Samuel 6:3

Itac'ovic: —Me chasutesic batel li xcaxail smantal Dios yu'un israeletique, mu me xocoluc xataquic batel. Aq'uic batel matanal sventa stojol amulic, jech chacolic, xchi'uc jech chlic ana'ic c'u yu'un ti mu x'ech' li avocolique —xiic.