Éxodo 23:13 - Bible in Tzotzil de Chenalhó with Deuterocanon

¹³ “Pasic me scotol li c'usitic laj calboxuque. Me jutuc mu me xloc' ta aveic, mu me xavalbeic sbi li yantic diosetique.

Bible in Tzotzil de Chamula

¹³ “C'otuc ta pasel avu'unic scotol ti va'i s'elan laj cale, xchi'uc xtoc j'ech'eluc me lajuc sc'oplal avu'unic ti tey no'ox ta ave ta ati'ic ta yalilanbel sc'oplal ti yan diosetique.

Éxodo 23:13 Iomraidhean Croise

Salmos 16:4

Pero ja' no'ox chepajes svocol stuquic li boch'otic chich'ic ta muc' sloc'obal yan diosetique. Vu'une me jutuc mu'yuc ta jtic' jba ta smilel li matanal yu'unique; me jutuc mu'yuc chloc' ta que sbi sventa chquich' ta muc' li diosetic yu'unique.

Salmos 39:1

Jnopoj ti ta jq'uel jba ta sventa li c'usitic ta jpase. Mu jc'an jsa' jmul xchi'uc li coq'ue; ta xcac'be lec freno li quee, yu'un li' oyic ta jtojol li boch'otic chopol yo'ntonique.

Éxodo 23:24

Mu me xachanic c'usitic chopol tspasic li yantic lum le'e. Mu me xavich'beic ta muc' li diosetic yu'unique; mu me xaquejan abaic ta stojol. Lilinic scotol li tonetic scuyoj ta sdiosique.

Éxodo 23:32

“Mu me c'usi xachapan achi'uquic, xchi'uc mu me c'usi xachapanic ta sventa li diosetic yu'unique.

Jeremías 10:11

Israeletic, jech xavalbeic li boch'o mu'yuc yich'ojic ta muc' cuxul Diose: “Li diosetic ti mu ja'uc la spasic li vinajel banamile, ta sacch'ayic li' ta sba banamil; me junuc mu'yuc ta xcomic li' ta yolon vinajel”, utic.

Oseas 2:17

Ta jch'aybe o ta ye sbi li baaletique, jech mu xa xloc' o ta ye.

Zacarías 13:2

Ta sc'ac'alil le'e ta jloq'uesbe scotol li c'usitic scuyoj ta sdiosic ta scotol yosilalique, jech mu'yuc xa boch'o tsna' o. Jech noxtoc li j'alc'opetic yu'unic xchi'uc li pucuj ti tsoquesvane ta jip loq'uel ta yosilalic.

Números 32:38

li Neboe, li Baal-meone, xchi'uc li Sibmae. Oy jayibuc lumetic ti la sjelbeic sbie, ja' laj yac' sbi stuquic li boch'otic la xcha'meltsanique.

Efesios 5:12

Yu'un toj q'uexlal sba li c'usi tspasic ta mucule, mu stac' alel.

Efesios 5:15

Ja' yu'un q'uelo me abaic lec ta sventa li c'usitic chapasique. Mu me jechucoxuc jech chac c'u cha'al li boch'o bolique, ja'uc jechoxuc jech chac c'u cha'al li boch'o bijique.

Deuteronomio 12:3

Vuq'uesbeic noxtoc li scajleb smoton sdiosique. Biq'uitic xalilinic li tonetique. Chiq'uic li te'etic bu va'ajtic yu'unic chich'ic ta muq'ue, voc'beic scotol li sloc'obaltac sdiosique. Lajesbeic sc'oplal, jech mu'yuc xa boch'o tsna'ilan o.

Deuteronomio 4:15

“C'alal la sc'opanoxuc ta o'lol yat c'oc' li Muc'ul Dios te ta vits Horebe, mu'yuc c'usi xavilbeic sloc'obal. Ja' yu'un bijanic me.

Deuteronomio 4:23

Pero bijanic me. Mu me xch'ay ta avo'ntonic li c'usi la xchapan Muc'ul Dios ta atojolique. Mu me c'usi xapasbeic sloc'obal jech chac c'u cha'al laj yalboxuc Muc'ul Dios cu'untic ti mu xu' chapasique.

Deuteronomio 4:9

Ja' yu'un q'uelo me abaic. Mu me xch'ay ta avo'ntonic li c'usitic avilojique. Ja' me xanopilanic o. Albo me ya'yic li anich'nabique xchi'uc li amomnich'nabique.

Deuteronomio 6:1

“Li'i ja' li mantaletic yu'un Muc'ul Diose xchi'uc li c'usitic yan yalojbun ti ta xcalboxuc ava'yique, yu'un ac'o apasic scotol c'ac'al te ta avosilalic ti bu chayac'boxuque.

1 Timoteo 4:16

Q'uelo me aba atuc, xchi'uc q'uelo me lec ti c'u x'elan chachanubtasvane. Ja' me te oyuc o ta avo'nton scotol li c'usitic laj calbote. Me jech chapase, chacol li vo'ote xchi'uc li boch'otic ta xa'ibot ac'ope.

Hebreos 12:15

Q'uelilanic me ti mu me oyuc boch'o mu sta li coltael chijyac'butic Diose, yu'un me yan o yo'ntone xu' jech chc'ot jech chac' c'u cha'al yibel ch'ail ts'i'lal, jech xu' ep boch'o chlic socuc yu'un.

Josué 22:5

Ja' no'ox chacalboxuc ti junuc me avo'nton xach'unic li mantaletic li tojobtaseletic laj yalboxuc comel li Moisese, ja' li yajtunel Muc'ul Diose. Ja' ti tsc'an ac'o ac'anic o li Muc'ul Dios cu'untique ti te ac'o oyanic o ta be yu'une, ti ac'o ach'unbeic li smantaltaque, ti ja' ac'o ats'aclinic o stuque, xchi'uc ti ac'o tunanic yu'un ta scotol ajol avo'ntonique”, xut.

Josué 23:11

Ja' yu'un q'uelo me abaic lec li vo'oxuque; ja' no'ox me xavich'ic o ta muc' li Muc'ul Dios cu'untique.

Josué 23:7

Mu me jmojuc c'usi xapas achi'uquic li cristianoetic ti li' to nacajtic comen ta atojolique. Mu me xavich'ic ta muc' li diosetic yu'unique; mu me xat'abbeic sbi ti c'alal oy c'usi chavalique; mu me xatunic yu'un.