Éxodo 23:11 - Bible in Tzotzil de Chenalhó with Deuterocanon

¹¹ Ta svucubal jabile mu xa xabojic: ac'beic to xcux. Me oy to c'usi chloc' tee, ja' ac'o sve'ic ec li me'onetic te nacalic ta alumalique. Jech noxtoc me oy to c'usi chcom yu'unique, ja' xa ac'o sve'ic ec li te'tical chonbolometique. Jech me xapasic scotol c'alal ta ts'usubtic, c'alal ta olivaetic avu'unic.

Bible in Tzotzil de Chamula

¹¹ Ti ta yucubal (7) jabil une, xi s'elan ta xc'ot ta pasel ti mu'yuc xa ta xavabtelane: Ac'o xcux ti banomile yo' jech ti buch'utic abol sbaic ti oy ta alumale ta stsob slajesic ti c'usitic ta xcom teye, xchi'uc ta slajesic ec ti te'tical chon bolometic ti c'usitic ta staic teye. Ja' jech xapas xtoc xchi'uc ti banomil ti ja' yavil ats'unubal uvae xchi'uc ti olivoe.

Éxodo 23:11 Iomraidhean Croise

Nehemías 10:31

Jech noxtoc me oy chtal bolomajicuc ta sc'ac'alil ta jcux co'ntontic, o ta c'usiuc no'ox c'ac'alil ti voc'bil yu'un Muc'ul Dios sventa ta jtsob jbatique, me chtal xchonic ve'liletic, o c'usitic yan stac' tunel lajesele, mu'yuc ta jmanbetic. Jech noxtoc ta xcac'betic xcux cosiltic ta svucubal jabil, xchi'uc ta jch'aybetic yil li boch'otic oy yil cu'untique.

Nehemías 10:32

“Jech noxtoc persa chcac'tic chanib gramo saquil taq'uin sventa chtun ta yabtel Dios te ta ch'ulna,

Éxodo 23:10

“Vaquib no'ox jabil xu' chaboj li avosilique, xu' chats'unbeic sbel, xu' chatsobic li c'usi chloc' avu'unique.

Éxodo 23:12

“Vaquib no'ox c'ac'al xu' cha'abtejic. Ta svucubal c'ac'ale tsc'an chacux avo'ntonic, yu'un jech xu' chcuxic lec ec li avacaxique, li aburoique. Xchi'uc jech xu' chcuxic ec li amozoique xchi'uc li yanlumetique.

Levítico 25:20

“Oy yic'al jech chavalic: ‘¿C'usi ta jve'tic ta svucubal jabil ti me mu xu' c'usi ta jts'untic, me mu xu' ta jtsobbetic sat li c'usitic chloc' cu'untique?’, oy yic'al xachiic.

Levítico 25:22

C'alal chats'unic yan velta ta xvaxquibal jabile, ja' chave'ic ti c'u yepal tsobbil avu'unique, xchi'uc ja' to chave'ic ta sbalunebal jabil ja' to c'alal tsta yorail chatsobbeic sat li c'usitic chats'unic ta ach'e.

Números 16:14

Li vo'ote, mu'yuc chavic'uncutic ochel ta junuc banamil ti bu ta xloc' ep ya'lel xchu' vacax xchi'uc pom jech chac c'u cha'al ta xloc' vo'e. Xchi'uc mu'yuc bu avac'ojbun cosilcutic sventa jts'usubcutic. Ja' chac'an ti solel ta jch'uncutic xa no'ox iq'uel batel avu'un jech chac c'u cha'al ma'satetique. Mo'oj to ca'tic, mu jc'an xajq'uelotcutic o —xiic.

Deuteronomio 15:11

Yu'un scotol ora oy ono'ox boch'otic mu'yuc c'usi oy yu'unic te ta avosilalic, ja' yu'un chacalboxuc ti lecuc me avo'ntonic ta stojol li achi'ilic ti oy svocolic ta scoj mu'yuc c'usi oy yu'unique, ti abul sbaique.