Éxodo 23:1 - Bible in Tzotzil de Chenalhó with Deuterocanon

¹ “Mu me xavalic c'usi mu meleluc; mu me xachi'inic li boch'otic chopolique, yu'un jech mu teuc xa'ochic ta j'epalc'op testigo yu'unic ta sventa li c'usi chopol tspasique.

Bible in Tzotzil de Chamula

¹ “Mu me ja'uc ti teq'uel ta xc'ot ta avo'nton ti jeche' c'op no'oxe. Mi ja'uc ti lec xa xava'i xapay ac'op xchi'uc ti buch'u toj chopole, ti utsuc xa xava'an aba ta jeche' rexticoal yu'une.

Éxodo 23:1 Iomraidhean Croise

Génesis 39:17

C'alal ivul li smalale, lic xcholbe ya'ay jech chac c'u cha'al laj yal ono'oxe. Jech laj yalbe: —Li hebreo vinic, ja' li amozo laj avic' tale, i'och yo' bu oyune yu'un tsc'an ox chiyuts'intaun.

2 Samuel 16:3

Itac'ov li ajvalile: —¿Bu oy li smomnich'on anima avajvale? —xut. Itac'ov li Sibae: —Te comen ta Jerusalén, yu'un scotol israeletic tsnopic ja' chac'beic sutel li abtel ti oy to'ox ta sventa smoltote —xut.

2 Samuel 19:27

Pero la soquesbun jc'oplal ta atojol. Vo'ot li ajvalilot cu'une co'olot jech chac c'u cha'al yaj'almantal Dios, ja' yu'un pasbun li c'usi tsc'an avo'ntone.

Salmos 101:5

Ta jmacbe yeic li boch'otic chopol chalbeic sc'oplal xchi'ilique; mu'yuc ta jts'icbe li jtoybaetic ti muc' yac'oj sbaique.

Salmos 120:3

J'epalc'op, ¿c'usi atojol chavich', c'usi chata, vo'ot ti chalo'lavan achi'uc avoq'ue?

Salmos 15:3

ti mu'yuc boch'o tsocbe yo'nton ta scoj yee, ti mu'yuc c'usi chopol tspasbe xchi'iltaque, ti mu soquesbe sc'oplal boch'o nopol nacajtic xchi'uque,

Salmos 27:12

Mu me xavac'be spas c'usi tsc'an yo'ntonic ta jtojol li cajcontrataque, yu'un liquem j'epalc'op testigoetic ta jcontrainel; tsc'an chispasbicun li c'usi tsc'an yo'ntonique.

Salmos 35:11

Ta xliquic chopol testigoetic ta jcontra; ta sjac'bicun li c'usi mu jna'e.

Éxodo 20:16

“Mu me xanopbe smul achi'ilic.

Éxodo 23:7

“Mu me xach'unic li tic'bil muliletique, xchi'uc mu me xavaq'uic ta milel li boch'o mu'yuc smule. Yu'un li vu'une mu'yuc ta jmucbe smul li boch'o oy smule.

Proverbios 10:18

Li boch'o xti'et yo'nton ta mucule xco'laj xchi'uc epalc'op tspas; li boch'o tspucbe sc'oplal xchi'ile ja' bol cristiano.

Proverbios 12:17

Boch'o lequil testigoe melel c'usi chal; yan li j'epalc'op testigoe ja' no'ox chlo'lavan.

Proverbios 14:5

Li lequil testigoe mu x'epalc'opoj; yan li chopol testigoe puru epalc'op tspas.

Proverbios 17:4

Li boch'o chopole ja' xa te ts'e'el xchiquin ta ya'yel li bol lo'ile; li j'epalc'ope ja' xa toj lec cha'ay li chopol lo'ile.

Proverbios 19:28

Li j'epalc'op testigoe ja' ta slaban li tuq'uil chapanele; li boch'o chopole tsjop ta alel scotol li c'usi chopole.

Proverbios 19:5

Li j'epalc'op testigoe ta ono'ox xich'be stojol, yu'un li boch'o puru epalc'op tspase mu xu' colem chcom.

Proverbios 19:9

Li j'epalc'op testigoe ta ono'ox xich'be stojol; li boch'o jeche' no'ox tsnop c'usi chale ta ono'ox xch'ay.

Proverbios 21:28

Li j'epalc'op testigoe mu'yuc stu ch-ilat; yan li boch'o cha'ibe lec smelole oy stu li c'usi chale.

Proverbios 24:28

Mu me xava'an aba ta j'epalc'op testigo ta scontrainel li achi'ile; mu me xalo'lavan achi'uc li avee.

Proverbios 25:18

Li boch'o jeche' no'ox ta snopbe smul xchi'ile ja' jech c'otem jech chac c'u cha'al martillo, cuchilo, xchi'uc flecha ti lec ts'ubts'ub sni'e.

Proverbios 25:23

Li ic' chtal ta nortee ja' chic' tal li q'uinubale; li c'usi chopol chloc' ta quetique ja' chac' li sc'ac'al o'ntonale.

Proverbios 6:19

ja' li j'epalc'op testigoe ti mu meleluc c'usi chale, ja' li boch'o tsocbe sjol xchi'iltaque.

Jeremías 20:10

Yu'un chca'ay ti puru mucul lo'il tspasique: “Puru xi'el xa no'ox ya'yel”, xiic. Jech chalic noxtoc: “La'ic, la jtic'betic smul”, xiic. Li boch'otic co'ol co'nton jchi'uque jech chalic ec: “Oyuc c'uxi lajuc ta lo'laele, jech xu' ta jtsaltic, jech xu' ta jpacbetic”, xiic.

Levítico 19:11

“Mu me xa'elc'ajic. Mu me xa'epalc'opojic; mu me xalo'la abaic.

Levítico 19:16

“Mu me xalo'ilta batel achi'ilic. “Mu me xachapanbe sc'oplal achi'ilic yu'un chamilic. Jech chcal vu'un li Muc'ul Diosune.

San Mateo 19:18

Jech la sjac' li vinique: —¿C'usitic mantalil ti tsc'an ta jch'une? —xi. Itac'ov li Jesuse: —‘Mu me xamilvan. Mu me xamulivaj. Mu me xa'elc'aj. Mu me xanopbe smul achi'il.

San Lucas 19:8

Li Zaqueoe iva'i, jech laj yalbe li Cajvaltique: —Cajval, a'yo ava'ay. Ta xcac'be j'o'loluc c'usitic oy cu'un li me'onetique. Me oy boch'o la jmucul lo'labe staq'uine, chanib velta jech yepal ta jsutesbe —xi.

San Lucas 3:14

Jech la sjaq'uic jayibuc soldadoetic ec: —Li vu'uncutique, ¿c'usi tsc'an ta jpascutic ec? —xiic. Itac'ov li Juane: —Cuxetuc no'ox avo'ntonic ti c'u yepal chavich' atojolique. Mu me boch'o xasibtasic, mu me boch'o xanopbeic smul sventa chapojbeic c'usi oy yu'un —xut.

San Juan 7:51

—¿Me jech chal ta mantaletic cu'untic ti xu' ta jchapantic jun jchi'iltic c'alal mu'yuc to ca'yojtic c'usi chal, xchi'uc c'alal mu to jna'tic c'usi smule? —xut.

Romanos 3:8

Ti meleluque, ¿c'u yu'un mu ja'uc ta jpastic c'usitic chopol, yu'un jech xu' ta jtatic li c'usitic leque? Oy boch'o jech chisoquesbun jc'oplalcutic, chalic ti ja' jech chichanubtasvancutique. Li boch'otic jech chalique ta ono'ox xich'ic chapanbel smulic.

Efesios 4:25

Ja' yu'un comtsanic li epalc'ope; meleluc scotol li c'usitic chavalbe abaique. Yu'un jun no'ox c'otemoxuc, jmoj atsacoj abaic ta acotolic.

Deuteronomio 5:20

‘Mu me xanopbe smul achi'ilic.

2 Timoteo 3:3

Mu'yuc slequil yo'ntonic, mu'yuc xc'uxul yo'ntonic, ta sa'beic smul yantic, mu'yuc spajeb cha'yic li c'usi tsc'an yo'ntonique, solel mu xq'uexovic o, simaronijemic o ta jyalel, ja' tscontrainic o li c'usitic leque.

1 Pedro 3:16

Pero ta smuc'uluc avo'nton xavalic; ich'vananic me ta muc'. Mu me xapasic li c'usi xu' chac' slo'il ajol avo'ntonique, yu'un jech chq'uexovic li boch'otic chopol chilic li c'usi lec chapasic ta sventa Cristoe.

Apocalipsis 12:10

Laj ca'ay oy boch'o tsots chc'opoj ta vinajel, jech laj yal: “Li' xa oy li coltael yu'un Dios cu'untique. Ivinaj xa li svu'ele, xchi'uc ti ja' tspas mantal stuque. Jech noxtoc laj xa yich' tsots svu'el li Cristoe, yu'un ijipat xa yalel li jtic'mulil yu'un jch'unolajeletic te ta banamile ti ta c'ac'al ta ac'ubal tstiq'uilanbe smul ta stojol li Dios cu'untique.