Éxodo 22:7 - Bible in Tzotzil de Chenalhó with Deuterocanon

⁷ “Me oy boch'o chac'be xchabi saquil taq'uin yuts' yalal, o me ja' li c'usi toj toyolic stojole, me tal elc'anbatuc loq'uel ta sna li boch'o xchabioje, me laj yich' tael li j'eleq'ue, ac'o stoj chib velta ti c'u yepal stojol c'usi laj yelc'ane.

Bible in Tzotzil de Chamula

⁷ “Mi oy buch'u ta spat yo'nton ta stojol xchi'il ti ja' xu' ta xbat yac'be sventain ti staq'uine, mi ja' ti c'usitic oy yu'un ti toyol stojole, ja' no'ox un, mi oy c'uxi elc'anbat loq'uel ta sna ti buch'u sbainoje, jech ti j'eleq'ue, tsots sc'oplal x'ech' to o'lol ta stoj mi laj yich' taele.

Éxodo 22:7 Iomraidhean Croise

Éxodo 22:4

“Me te to cuxul chich' tabel li c'usi yelc'anoje, ac'o stoj chib velta jech chac' c'u cha'al stojol ono'oxe, ac'o me vacax, me buro, me chij.

Éxodo 22:6

“Me oy boch'o chac' c'oc', me i'och batel tocalte' yu'une, me la xchic' trigo ti jmoj xa tsobbile, o me ja' ic'ac' ti bu taquin xa ti yorail xa chich' tuch'ele, xchi'uc me ic'ac' yantic ts'unubiletic yu'une, li boch'o chac' c'oq'ue ac'o stoj li c'usitic chc'ac' yu'une.

Jeremías 2:26

“Jech chac c'u cha'al chyal ta q'uexlal jun j'elec' me ivinaje, ja' jech chyalic ta q'uexlal ec li smomnich'nab Israele; chyalic ta q'uexlal li ajvaliletic, li banquilaletic, li paleetic, xchi'uc li j'alc'opetic yu'unique.

Levítico 19:13

“Mu me toj simaronuc xapas abaic ta stojol achi'ilic; mu me xapojbeic c'usi oy yu'un. “Mu me xamacbeic stojol aviniquic yu'un ta yoc'omal to chavac'beic.

Levítico 6:1

Li Muc'ul Diose la sc'opan li Moisese, jech laj yalbe:

Levítico 6:2

“Me oy boch'o la sta smule, me j'elec' ic'ot ta jtojol ta sventa ti la slo'la xchi'ile, me la scuy ta yu'un li c'usi ac'bil sventain, o li c'usi xch'amanoje, me laj yelc'an, o me la stsatsal poj no'oxe, oy smul chc'ot o.

Levítico 6:5

Ac'o sutes noxtoc li c'usi laj yal ta jtojol chac' ti jech no'ox i'epalc'opoj xchi'uque. Ja'o ac'o sutesbe scotol yajval c'alal chac' li milbil matanal ta sventa smule, xchi'uc ac'o yac'be xchi'il jun ta vo'vo'.

San Juan 12:6

Ti jech laj yal li Judase, mu yu'unuc ja' tsc'an ta xc'uxubin li me'onetique. Yu'un li stuque ja' j'elec'. Yu'un ja' xchabioj li yavil jtaq'uincutique, jech te ono'ox ta xelc'an li taq'uin te tiq'uile.

1 Corintios 6:10

li j'eleq'uetique, li boch'otic xpich'et no'ox yo'ntonique, li jyacubeletique, li boch'otic chopol chalbeic sc'oplal xchi'ilique, xchi'uc li boch'otic tslo'labeic ta mucul c'usi oy yu'un xchi'ilique.