Éxodo 22:3 - Bible in Tzotzil de Chenalhó with Deuterocanon

³ Yan me ta c'ac'altic jech chc'ot ta pasele, li boch'o chmilvane, oy smul chc'ot. “Li boch'o ch-elc'aje, ac'o stoj ti c'u yepal stojol c'usi laj yelc'ane. Yan me mu'yuc stojol yu'une, ja' ac'o yich' chonel stuc, jech ta xtoj o li c'usi laj yelc'ane.

Bible in Tzotzil de Chamula

³ Yan mi ta c'ac'altic xa vinaje, cajal ta xcom ta bail mi xchame. “Va'i un, ti buch'u ta x'elc'aje, ta stoj sutel ti c'usi laj yelc'ane. Yan mi ch'abal ti taq'uin yu'une, chon xi batel yo' jech ta xtoj ti yeleq'ue.

Éxodo 22:3 Iomraidhean Croise

Génesis 44:10

Li jchabinae jech laj yal: —Xu' jech chc'ot ta pasel li c'usi laj avalique. Pero ja' no'ox xu' chcom ta jmozo li boch'o yich'oj tal li vasoe. Li yantique ac'o suticuc batel, yu'un mu'yuc smulic —xi.

Éxodo 21:2

“Me oy chaman amozoic ti achi'ilic no'ox ta israelale, vaquib no'ox jabil xu' ch-abtej avu'unic. Ta svucubal jabile xu' xa chacoltaic batel, pero me jutuc mu me c'usi stoj comel ti c'alal chacoltaic batele.

Éxodo 21:34

li yajval joq'ue ac'o stojbe li boch'o oy c'usi icham yu'une. Pero li yajval joq'ue te ac'o yich' comel li c'usi ichame.

Éxodo 22:2

“Me oy jun j'elec' ti sbats'il elec' chtaat ta jun nae, me imajat, me te icham oe, li boch'o chmilvane mu'yuc smul chcom.

Isaías 40:2

C'opanic ta yutsil avo'ntonic li Jerusalene; avananic, albeic ti its'aqui xa yu'unic li mozoinele, ti itoj xa yu'un li smulique, ti inel xa yu'unic li tsots vocol ti jeloven yepal laj cac'beic ta scoj smulique”, xi li Diose.

Isaías 50:1

Li Muc'ul Diose jech chal: “¿Bu oy svunal ti j'ech'el laj quicta o li ame'ique, ja' li Israele? ¿Me yu'un ta scoj oy ep quil ti la jchonoxuc batele? Ta scoj achopolil atuquic ti laj avich'ic chonel batele; ta scoj atoyobbailic ti laj quicta li ame'ique.

San Mateo 18:25

Ta sventa ti mu xa xtoj yu'un li yile, ja' yu'un li ajvalile laj yal mantal ti ac'o yich' chonel xchi'uc yajnil xnich'nab, xchi'uc scotol li c'usitic oy yu'une, yu'un jech xu' chtoj o li yile.

Jueces 10:7

Ja' yu'un li Muc'ul Diose i'ilin ta stojol li israeletique, jech laj yac' ochicuc ta sc'ob filistaetic xchi'uc ta sc'ob amonetic.

Jueces 2:14

Jech tsots i'ilintaatic o yu'un Muc'ul Dios li israeletique. Li Muc'ul Diose laj yac' taluc j'eleq'uetic, jech ipojbatic li c'usitic oy yu'unique, xchi'uc laj yac' ochicuc ta sc'ob li yajcontraique, jech muc xa xu' yu'un la stsalic.