Éxodo 22:23 - Bible in Tzotzil de Chenalhó with Deuterocanon

²³ yu'un me abul sba avu'unique, chisc'anbicun vocol ta jtojol, ja' ta jcoltaic ta xca'ibe li sc'opique.

Bible in Tzotzil de Chamula

²³ Mi yu'un ta xavilbajinique, mi ta sc'an spojelic ta jtojole, ta jtic' jba ta spojelic.

Éxodo 22:23 Iomraidhean Croise

Job 34:28

Laj yac'beic ya'ay Dios yoq'uel yavanelic li me'onetique, xchi'uc li boch'otic abul sbaique, li Diose laj ya'ay.

Job 35:9

“Ta scoj tsots uts'intael ch-avan li cristianoetique; ta scoj ilbajinel yu'un jpasmantaletic ch-oq'uic ta sc'anel vocol.

Salmos 10:14

Aviloj atuc li sbolil yo'ntonic ti toj chopole, jech chavac'be stoj, yu'un ac'o yich' yo'ntonic. Ja' chavic' ta atojol li boch'otic mu sna' spoj sbaique, vo'ot jcoltavanejot yu'un li me'onetique.

Salmos 140:12

Li Muc'ul Diose jna'oj ti tspoj li boch'o chich' vocole, xchi'uc ti tscolta li boch'o abul sbae.

Salmos 145:19

Ta xac'be c'usi tsc'anic li boch'otic chich'ic ta muq'ue; cha'ibe li sc'opic c'alal xvocoletique, jech ta scolta.

Salmos 18:6

C'alal ja'o oy ep jvocole, la jc'opan li Muc'ul Diose; la jc'anbe vocol li Dios cu'une. Laj ya'ibun jc'op c'alal to ta ch'ulna yu'un; i'och ta xchiquin ti xi'avet ta sc'anel vocol ta stojole.

Salmos 68:5

Ja' li Dios ti nacal ta xch'ulnae; ja' stotic c'otem li boch'otic mu'yuc xa stot sme'ique; ja' Jc'opojel yu'unic li me'on antsetique.

Éxodo 22:27

Yu'un me ja' no'ox jlic oy yu'une, bal to xa'ay smac o sic. Yu'un me mu xbat asutesbee, ¿c'usi tsmac sba o ti c'alal chvaye? Me la sc'anbun vocol ta jtojole, ta me xca'ibe sc'op, yu'un li vu'une jtalel jc'uxubinvanejun o.

Lamentaciones 5:3

Me'on ololuncutic xa, mu'yuc xa jtotcutic; li jme'cutique comenic ta me'on antsetic.

San Lucas 18:7

Yan li Dios ti tuc' yo'ntone, ¿me mu ja'uc jech ta xchapan c'usi tsc'anic ta c'ac'al ta ac'ubal li boch'otic t'ujbilic yu'une? Li stuque mu xjalij yu'un.

Deuteronomio 10:18

C'ux ta yo'nton li me'on ololetic xchi'uc li me'on antsetique. C'ux ta yo'nton, chac'be sve'el, chac'be sc'u' li yanlumetic te nacal ta alumalique.

Deuteronomio 15:9

Mu me xavac' ochuc ta ajol ta avo'ntonic c'usitic chopol ta nopel jech chac li'i: ‘Jutuc xa sc'an sta li svucubal jabile, ja' li sjabilal sventa xch'ayubil ililetique’, me xachie, jech xu' chopol asat chlic aq'uelic li achi'ilic ti mu'yuc c'usi oy yu'unique, jech mu'yuc c'usi xu' chavac'beic xch'aman. Pero li stuque xu' xvocolet no'ox ta stojol Muc'ul Dios ta sventa ti jech chapasique, jech oy amulic chc'ot.

Deuteronomio 24:15

Tojic ta ora no'ox ta yorail ti c'alal ch-abtej avu'unique. Mu me xamalaic x'ic'um osil yu'un mu'yuc c'usi oy yu'un, ja' yu'un chtun yu'un li stojole; bal to sman o c'usitic chtun yu'un. Me mu jechuc chapasique, xu' tsc'anic parteal ta stojol li Muc'ul Diose, jech vo'oxuc oy amulic chc'ot ta stojol Muc'ul Dios.

Santiago 5:4

A'yo ava'yic, li scomelal stojol aviniquic ta c'aoj ti muc ts'acaluc laj atojic batele, sbats'ilic avanel. Li yavanelic jc'aojetique ic'ot ta stojol Cajvaltic ti ech'em svu'ele.