Éxodo 22:21 - Bible in Tzotzil de Chenalhó with Deuterocanon

²¹ “Li yanlumetique mu me xavuts'intaic, mu me xavutic, yu'un ja' jech yanlumoxuc ec ti c'alal te to'ox oyoxuc ta Egiptoe.

Bible in Tzotzil de Chamula

²¹ “Mu xavilbajin ta yutilanel ti jyanlumetique, yu'un jyanlum la'ech'ic ta Egipto ec.

Éxodo 22:21 Iomraidhean Croise

Job 6:27

Ja' no'ox oy ta avo'ntonic chavuts'intaic li boch'o mu'yuc xa stot sme'e; amacojbeic sat li boch'o lec xac'opanique.

Salmos 146:9

Li Muc'ul Diose ta xchabi li yanlumetic li' nacalique, tscolta li me'on ololetic xchi'uc li me'on antsetique; yan li boch'otic chopolique chac' ch'ayicuc o ta be.

Éxodo 20:2

“Vu'un Muc'ul Diosun avu'unic. Vu'un la jloq'uesoxuc tal ta Egipto ti bu to'ox tiq'uiloxuc ta mozoile.

Éxodo 23:9

“Mu me xavilbajinic li yanlumetique, yu'un ja' jech yanlumoxuc ec ti c'alal te to'ox nacaloxuc ta Egiptoe. Ja' yu'un lec xana'ic c'u x'elan ti c'alal ta yanlum nacaloxuque.

Isaías 1:17

Ja' chanic spasel li c'usitic leque; ja' sa'ic li c'usitic tuq'ue; coltaic li boch'o uts'intabilique, tuc' xachapanic li boch'o mu'yuc stot sme'ique; va'ano abaic ta scoltael li me'on antsetique”, xi li Muc'ul Diose.

Jeremías 22:3

Jech ta xal: Lec me tuc' xachapanvanic li' ta avosilalique; tuc' c'usitic xapasic. Coltaic loq'uel ta sc'ob j'uts'intavanejetic li boch'otic uts'intabilique. Mu me xalo'laic; mu xavelc'anbeic c'usi oy yu'un li yanlumetique, li me'on ololetique, xchi'uc li me'on antsetique. Mu me xamalbeic xch'ich'al li boch'otic mu'yuc smulique.

Jeremías 7:6

me mu xavuts'intaic li yanlumetique, li me'on ololetique, li me'on antsetique, me mu'yuc chamalbeic xch'ich'al li' ta banamil li boch'otic mu'yuc smulique, me mu'yuc chbat avich'ic ta muc' li yantic diosetic ti ja' no'ox chasa' avocolic yu'une,

Ezequiel 22:7

Li jnaclumetic avu'une mu xich'ic ta muc' li stot sme'ique. Abul sbaic ta uts'intael yu'unic li yanlumetic te nacalique, xchi'uc la spojbeic c'usitic oy yu'unic li me'on antsetique xchi'uc li me'on ololetique.

Levítico 19:13

“Mu me toj simaronuc xapas abaic ta stojol achi'ilic; mu me xapojbeic c'usi oy yu'un. “Mu me xamacbeic stojol aviniquic yu'un ta yoc'omal to chavac'beic.

Levítico 19:33

“Mu me ilbajuc xavilic li yanlumetic te co'ol nacaloxuc achi'uquique.

Levítico 19:34

Cuyic jech chac c'u cha'al mero achi'ilic ta israelal, c'anic lec jech chac c'u cha'al ac'anoj abaic li vo'oxuque. Yu'un ja' jech yanlum c'otemoxuc ec ti c'alal te to'ox oyoxuc ta Egiptoe, vu'un li Muc'ul Diosune.

Levítico 25:35

“Me oy junuc achi'ilic ti solel me'one, me te chc'ot ta anaique, iq'uic ochel ta anaic. Te chi'inic jayibuc c'ac'al jech chac c'u cha'al jvayna avu'unic.

Zacarías 7:10

Mu me xavuts'intaic li me'on antsetique, li me'on ololetique, li yanlumetic te oyique, xchi'uc li me'onetique. Mu me c'usi chopol xanop xapasbe li achi'ilique”, xi li Diose.

Malaquías 3:5

Li Muc'ul Dios ti tspas ta mantal scotol te ta vinajele jech chal: “Vu'un chtal jchapanoxuc. Vu'un ta jva'an jba ta testigo ta scontrainel li j'ac'chameletique, li jmulaviletique, li boch'otic tst'abbeic sbi Dios c'alal ch-epalc'opojique, xchi'uc li boch'otic tslo'laic j'abtel yu'unique, xchi'uc li boch'otic abul sba yu'unic me'on antsetic, xchi'uc me'on ololetique, xchi'uc li boch'o mu'yuc tuc' c'usi tspasbeic yanlumetique, ti solel mu'yuc jxi'elal cha'yic oe”, xi li Muc'ul Diose.

Deuteronomio 1:16

Jech lic jchanubtasic lec li jchapanvanejetic avu'unique yu'un jech tsna'ic c'u x'elan lec ac'o spas li yabtelique. Jech laj calbeic: ‘Ventainic lec scotol li jchi'iltactique; chapanvananic lec. Tuc' me xachapanic scotol li jchi'iltactique xchi'uc c'alal ta yanlumetic.

Deuteronomio 10:18

C'ux ta yo'nton li me'on ololetic xchi'uc li me'on antsetique. C'ux ta yo'nton, chac'be sve'el, chac'be sc'u' li yanlumetic te nacal ta alumalique.

Deuteronomio 10:19

Ja' no'ox jech ec li vo'oxuque c'anic me li yanlum te achi'uquique. Na'ic me ti ja' jech yanlumoxuc ec ti c'alal te to'ox oyoxuc ta Egiptoe.

Deuteronomio 15:15

Mu me xch'ay ta avo'ntonic ti ja' to'ox jech mozoinbiloxuc te ta Egipto eq'ue, xchi'uc ti ja' la scoltaoxuc loq'uel tal li Muc'ul Dios cu'untique. Ja' yu'un jech mantal ta xcalboxuc ava'yic.

Deuteronomio 23:16

Xu' chavaq'uic nacluc te ta alumalic ti bu lec cha'ye xchi'uc ti bu tst'uj stuque, pero mu me boch'o xuts'inta avu'unic.

Deuteronomio 23:7

“Yan li edometique mu me chopoluc xavilic, yu'un ja' avuts' avalalic. Ja' no'ox jech ec li egiptoetique mu me chopoluc xavilic, yu'un te to'ox ay naclanic ta yosilalic.

Deuteronomio 24:17

“Mu me xapasic c'usi mu tuc'uc ta stojol li yanlumetique xchi'uc ta stojol li me'onetic ti chamen xa stot sme'ique. Xchi'uc mu me xavich'beic ta prentail sc'u' spoc' li me'on antsetique.

Deuteronomio 27:19

‘Ac'o ac'batuc stoj li boch'o chopol c'usi tspasbe jun yanlum cristianoe, me me'on ants, o me jun me'on olol’, ac'o xiicuc. ‘Jechuc’, ac'o xiicuc scotol li jchi'iltactique.