Éxodo 22:19 - Bible in Tzotzil de Chenalhó with Deuterocanon

¹⁹ “Li boch'o ta xchi'in sba xchi'uc chonbolometique, ac'o chamuc.

Bible in Tzotzil de Chamula

¹⁹ “Ti buch'u ta xmulivaj xchi'uc ti c'usiuc no'ox chon bolomale, chapal sc'oplal ac'o yich' milel.

Éxodo 22:19 Iomraidhean Croise

2 Reyes 23:20

Te la smilan ta sba scajleb matanaletic li paleetic te chtunic ta toyol c'opojebaletique. Xchi'uc te la xchic' baquil animaetic ta sba yac'olic. Jech isut batel ta Jerusalén.

2 Crónicas 15:13

Xchi'uc laj yalic ta jamal noxtoc ti me oy boch'o mu xich' ta muc' li Muc'ul Dios yu'un Israele, me muc', me biq'uit, me vinic, o me ants, ac'o chamuc.

Éxodo 20:3

“Mu me xavich'ic ta muc' yan diosetic. Jtuc no'ox xavich'icun ta muc'.

Éxodo 34:15

“Ja' yu'un mu me c'usi xachapan achi'uquic li cristianoetic te nacajtic ta banamile, yu'un xu' te xayic'oxuc o batel ta yich'el ta muc' li sdiosique. Jech xu' te chlic avac'beic smoton ec, xchi'uc xu' te chayic'oxuc o ta ve'el, jech te chati'beic o ec li smoton sdiosique.

Levítico 17:7

Yu'un jech mu xa ja'uc chbat smilbeic smoton li pucujetic ti ja' to'ox yich'ojic ta muc' chac c'u cha'al sdiosique. Li'i ja' jun mantal chcom o ta atojolic c'alal ta avalab anich'nabic.

Levítico 18:23

“Mu me xachi'in aba achi'uquic chonbolometic, yu'un chabolibtas abaic me jech chapasique. Jech ec li antsetique mu me xac' sbaic ta chi'inel yu'un chonbolometic. Li boch'o jech tspas chac le'e, bats'i chopol ta jyalel.

Levítico 18:25

Li banamil bu nacalique boliben o yu'unic. Ta jchapan ta sventa ti jech tspasique, jech ta xetaatic loq'uel yu'un li banamile.

Números 25:1

C'alal te inaquiic ta Sitim li israeletique, te lic mulivajicuc xchi'uquic li tsebetic yu'un moabetique.

Deuteronomio 13:16

Tsobbeic scotol li sc'ulejalique, bat aq'uic ta o'lol yut slumalic. Ac'beic sc'ac'al li lume. Chiq'uic scotol li c'usitic laj apojbeique. Ac'o lajuc ta c'oc' scotol, ja' co'ol jech chac c'u cha'al chic'bil matanal chc'ot ta stojol li Muc'ul Dios cu'untique. Li lum le'e ac'o comuc ta sbusleb tonetic. Mu'yuc xa bu chich' cha'va'anel o yan velta.

Deuteronomio 13:2

me oy chc'ot ta pasel yu'une, me jech chlic yalboxuc: ‘Batic ta stojol yan diosetic ti mu xavotquinique; bat quich'tic ta muc'’, me xayutoxuque,

Deuteronomio 17:2

“Me oy junuc vinic, o me ants ta junuc lum yo' bu chayac'boxuc li Muc'ul Diose me mu xc'ot ta pasel yu'un li c'usi chale, me ja' chich' ta muc' li c'usitic cuybilic ta diose, me ja' tsquejan sba ta stojol, me c'ac'al, me u, me c'analetic ti mu jechuc yaloj li Muc'ul Diose q'uelic lec, yu'un tsc'an chana'ic me melel. Me laj ana'ic ti ta melel la spas c'usi toj chopol te ta atojolic vo'oxuc li israeloxuque, iq'uic batel ta stojol jchapanvanejetic ta lum. Ac'o yich' milel ta ton ta scoj ti la spas li c'usi toj chopol chil Diose.

Deuteronomio 27:21

‘Ac'o ac'batuc stoj li boch'o ta xchi'in sbaic xchi'uc jcot chonbolome’, ac'o xiicuc. ‘Jechuc’, ac'o xiicuc scotol li jchi'iltactique.